بديلات المدينة

[الضوء الخافت]

لاحد يداوم رحت المدرسة واخذت اخلأطرف وصورة العقد وصورة كرت العائلة وصورة المؤهل وديتها ادارة التعليم واكتب اقرار على التوجيه اي مدرسة واكتب الجوال وقال تجيكم رسالة بالتوجية


والتوجية بالقرى قالنا الموظف بنجيب القديمات

[رااجية الجنة]

عفواً أختي ياليت توضحين أكثر...لأني بديلة وداومت اليوم وبعد بداوم بكرة
قصدك أنهم بينقلونا في قرى ويجيبوا القديمات مكاننا ولآآيش...؟

بإنتظارك أختي.,
موفقه لكل خير.,

[الدوداء]

طيب اذا طلبت من المديرة تعطيني اخلاء طرف يمكن ترفض بتقول ماقالوا لنا ,,وإذا تكرمت واعطتني هل اداوم أو اجلس في البيت لين يعطوني خبر التوجيه.. رغم أني اليوم ماداومت لأنها قالت راح تسأل كيف وضعنا وترد علينا ,,الله يعينا ويسرأمورنا ويقربنا من ديارنا ,قولوا آمين,,

[رانية العيتاني]

اميييين

يارب يسير لنا امورنا

[رانية العيتاني]

ياجماعه الخير

ممكن احد يكتب لنا صيغه خطاب التعهد المطلوب

[شمعهامل]

يابنات روحوا وخذوا ورقة مباشره من المدرسه + صوره من كرت العائله + المؤهل + اخلاء طرف + ورقة العقد القديمه تأخذيها وتوديها الاداره فيه تجديد عقود وبعدين توجيه.

[الدوداء]

فعلا كلامك صحيح انا اتصلت على الإدارة وقالي نفس الكلام أن شاءالله راح اداوم واطلب من المديرة اخلاء طرف ثم اراجع الإدارة ,,الله يكتب لنا اللي فيه الخير,,آميييييييين.

[روح النظام]

لاتداوموا .. انا راجعت ادارة التعليم ( بنين ) وطلبوا : صورة العقد .. وصورة اخلاء الطرف .. وصورة كرت العائلة مكتوب خلفها رقم الجوال ضروري ... وصورة الوثيقة .... وتعهد خطي ونصه : ( اتعهد أنا المعلمة ..... بالموافقة على تجديد عقدي حسب الاحتياج مع التوقيع والتاريخ ) بس كدا وربنا معاكم والله يوفقكم في الدارين .. وعلى فكرة بدون ملف علاقي والمكان ادارة التربية والتعليم ( بنين ) الدور الرابع شؤون المعلمات . ( الحرة الشرقية ) والله الموفق وشكلها في قرية والله اعلم

[الرضا كله]

والله يا أخوات أنا داومت اليوم عادي وكان شي لم يكن داومنا وباشرنا وقالت المدير ة أرفع أوراق مباشرتكم ومحد قلنا تجديد ... لكن ممكن يكون ماجاء شيء على المدرسة لان القرارات مثل السلاحف في المدينه الناس تخلص تونا نبدأ .. الله يوفق الجميع الواحد مو عارف راسه من رجوله وسط المعمعه هذي
مره التثبيت مره جدارة مره العقود الله يستر . وتوفيق للجميع

[بنت راما]

مساء الخير بنات مدينتي
حبيباتي أنا اليوم داومت ووقعت حضور أنا وزميلاتي
والمديرة ما قصرت فتحت بريد المدرسة ومالقيت شئ بخصوصنا واتصلت على الادارة ما احد يرد
وفي النهاية رد عليها موظف وقالها كلهم نقلوا قسم البنين اللي بالحرة الشرقية
بعدين نادتنا وقالت انو جاها خبر انا ناخذ اخلاء طرف من عندها وصورة من العقد وصورة من كرت العائلة وصورة من المؤهل ونروح لادرة تعليم البنين فسم شؤون المعلمات عند .....السهلي نسيت اسمه من القلق
وبكرة ناخذ اخلاء الطرف من عندها ونروح نودي أوراقنا
اتصلت على زميلتي الي في القرية اقولها اخباري لقيها سابقتني قالتلي انوا مديرتها قالتلها نفس الكلام وزوجها راح ودا اوراقها خلوه يوقع على اقرار بموافقتها على المباشرة في المدينة وجميع قراها وتنتظر لغاية ماتوصلها رسالة بمكان المباشرة
الله يعيننا قلت هنا تشتغل الواسطات الله يعين فين حيرموني ما عندي أي واسطة بس عندي رب كريم ورحيم ياااااااااااااارب