والله ما ننسى غلاكم‎

[الاستاذ صالح الحازمي]

لو بعدنا لو جفينا .. ما يموت الحب فينا
الغلا يبقى غلاكم .. لو نسيتوا مانسينا
آه لو تدري بشوقي .. كيف يسري في عروقي
باطلبك ابسط حقوقي .. الوصل منك رجينا

يا حبيبي لا تكابر .. وانت بالأشواق خابر
لي متى والقلب صابر .. انت وش ناوي علينا
ادري انك تموت فيني .. لو تعاند نور عيني
تدري قدرك يا ضنيني .. غاليٍ والله علينا

يالله ارجع يا عيوني .. يا دفا روحي وكوني
ادري تعاني بدوني .. لو تغلا ما تبينا
اوعدك اشعل شموعي .. واحملك داخل ضلوعي
وامس بقربك دموعي .. بس لا تقسى علينا

لا تمادى في عنادك .. وتطوي الذكرى بعادك
ارجع لقلبي بلادك .. لا توق انا نسينا
والله ما ننسا غلاكم .. او نفكر في جفاكم
دايمٍ ندور رضاكم .. يالله بس حنوا علينا

[إبتسامة الحياه]

[نهر الأمل]

كلمات قمة بالروعة والجمآل ...

لاياسعني إلا أن أقف إحتراماً هُنا بمتصفحتك
وأصفق لجمآال ماتخطه لنا أناملك
وفقْت بإنتقائك للموضوع

[منى الحازمي]

كلمات جميلة يعطيك العافية