قصيده كتبها واحد متعقد من المكياج

[منى الحازمي]

قصيده كاتبها واحد انخدع بشكل حبيبته ومتعقد من المكياج يقول فيها :


يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك


واشوفها أجمل غرام ٍ حصللي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنابمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غيرتشكيك
لا لا تتسرع ثم تنغش مثلي

اللي بلا مكياج خلها حواليك
واللي تحط مكياج خلها تولي
...........وسلامتكم...........

[#منال]

ههههههههههههههههههههههههههههههههههههههههههه
ههههههههههههههههههههههههه
شكلها بعد المكياج ؟؟؟؟؟؟؟؟؟؟؟؟؟
أسعدك الله كما أسعدتينى بهذه القصيده
شكرا لك منى ولقلمك المبدع

[تركيه المزيونه]

وشـكــ وبارك الله فيك ـــرا لك ... لك مني أجمل تحية .

[تركيه المزيونه]

وهذاااا تقييمي لكـ

[منى الحازمي]

باسكال

الله يسعد الجميع يارب
والف شكر على مرورك الغالي

[منى الحازمي]

تركية المزيونة

يعطيك العافية على المرور الكريم
والف شكر على التقييم

هههههههههه

روعة وفي الصميم

والجمال جمال الروح والاخلاق

شـكــ وبارك الله فيك ـــرا لك ... لك مني أجمل تحية .

[منى الحازمي]

ابو عزام
صدقت الجمال جمال الروح والاخلاق
شكرا اخي على مرورك الكريم