التاسعه عشر ولا العقيق ؟-_-!!

[ko_oke]

سلام لكل لحلوين الي شرفو موضوعي..
.
.
.
راح ادخل بالموضوع على طول انا في الصف الثالث متوسط والسنه الجايه راح اكون اولى ثانوي وانا صراحه مرره محتاره بين الثانويتين التاسعه عشر والعقيق ....
*
اختي الكبيره كانت ولازالت في العقيق وهاذي اخر سنه دراسيه لها فيها يعني انا اعرف العقيق كويس من تجربه اختي فيها وبكذا انحلت نص المساله
*
وباقي النص الصعب التاسعه عشر ما اعرف فيها ولا شي الا سمها وموقعها وشفت كم صوره لها من جوا من المنتدى بس انا اتمنى اني القى اجوبه لاسئلتي عنها :
كيف طريقه شرح المناهج فيها ؟
والمعلمات متساهلات يعني اذا البنت جابت درجه منيله تقدر تعيد الاختبار ولا لا >>ترا هذا اكثر شي مرعبني لاني سمعت انهم ابدا مايرحمون في الدرجات
وبالنسبه للانشطه الترفيهيه هل فعلا فيها رحلات وبازارات واستعراضات زي ماسمعت؟
والصف الثالث ثنوي هل اداره المدرسه تدبرلهم دورات للقدرات قبل امتحانهم ولا لا<<مرره بدري صح

ولكم جزيل الشكر ...

[حلاتي بغمزاتي]

بلييييز نبي احد يرد ع الاسئــــلهـ ويعطيـنا وجهـ

[Ra3’ooda]

ايه بنات الله يسعدكم ردوا علينا حتى انا 3 متوسط واخترت ال19 بس مررهـ مترددهــ واقول لا العاديه احسن بس مدري ,,..
*ابغى اسالكم عالابلات كيف معاملتهم ؟؟
*وهل الطلبات والبحوث مرررره كثيرة؟؟
*هل تعتمد عالمجموعات؟؟
*وهل المطورة لها اختبار قدرات خاصهـ؟؟
*والأهم معامله المديرة هل هي شديدة ؟؟
*يعني بكلللل صراااااااحه تنصحوني ادخلها ولا اختار عادية؟؟

ادري والله اني طولت بس مو بيدي مررررره قلقانه وخااااااايفة
فبلييييز طمنوني الله يطمنكم

[أروى نمنكاني]

[align=center]
اول شي السلام عليكم ورحمة الله وبركاته
اهلا منورين منتدانا
لو تلاحظوا انو هدي الاسئلة كم مرررة اتكرت بس عشان خاطركم راح اجاوب ....
بالنسبة لشرح المناهج : زي المدارس التانية بس انو بعض المعلمات يستخدموا عرض حسب الدروس وفي معلمات ما يستخدموا العرض في كل الدروس وطريقة الشرح للأغلب الحمد لله كويسة .
وبالنسبة للاختبارات في معلمات يختبروكي مثلا 4 اختبارات وهوا مطلوب فقط 3 فيختارولك الافضل والرياضيات كمان يختبروكي 8 اختبارات ويختارولك افضل 6 درجات جبتيها وصراحة المعلمات متعاونات في يحطولك في بعض الاختبارات درجة زيادة او درجتين تحسين من نفس الاختبار بس انو ما يظلموكي وتاخدي حقك وصراحة الاختبارات مو ديك الصعوبة سهلة ازا انتي مزاكرة ومافي داك التعقيد ... هدا حسب رايي انا .
والانشطة الترفيهية موجودة : بازارات ورحلات احنا الاسبوع الماضي كنا في رحلة لمعرض الحرم وفي مرات تسوو انشطة ومشاريع تستمتعي فيها تسير كانها ترفيه
والحق يقال : ابدا ما عمري نقصت في مشروع ولا مجموعتي من سنة اولى يعني المعلمات يوم تسوبلهم مشروع يعطوكي درجات .
اما السؤال حق القدرات ما اعرف لاني انا لسع مو تالتة اتمنى بنات سنة تالتة يجاوبولك
اما المشاريع دايما تسير بالمجموعات يعني 6 او 7 مع بعض والشغل يتقسم يعني يسير فيلو تعاون وحيتسهل وفي دحين تقدري تسوي واحد مشروع لكم مادة مع بعض مو شرط لكل وحدة غير.
والبحوث مو دايما نادرا حسب المادة بس مو يوميا ولا اسبوعيا.
شوفي في بنات مررررررررة حبو المدرسة وفي بنات لا صراااحة انا مرة حبيتها واتعلقت فيها
وانتو شوفوا استخيروا ربنا واتوكلوا على الله واحنا بنتعلم لازم نستفيد ونتعب شوية مو بس عشان درجات ,,, دي نصيحة واسفين على التاخير
أتمنى ان اكون وفيت
والسلام
زوروا باقي المواضيع للاستفادة..........
مح حبي لكم : اروى
[/align]

[ko_oke]

من جد مشكوره يا اروى على ردك انا لسه متردده حبتين بس انشاء الله الله يكتبلنا الخير ويوفقنا كلنا ...

[Ra3’ooda]

تسلللللمي يا اروى اللهـ يجازيكـِ بالخير
ومعلييييش طفشناكم من الأسئلهــ بس تعرفيــ لازم الاستشارهــ
واللهـ يكتبلي مافي الخير

[أروى نمنكاني]

[align=center]
الله يسلمكم ولوووو
عشان انا صراحة حسيت بدا الاحساس وما كان في منتدى زي كده بس هيا سنة اولى شوية تكوني مشتتة بس بعد كده مرة تمام كويس
استخيري واسالي الله الا فيه الخييييييييييير
مع حبي لكم
[/align]

[آلاء الحربي 22]

السلام عليكم ورحمة الله وبركاته

آنا من رآيي هي المدرسه مرا حلوه و الأبلات شرحهم حلوو
ما عآد كم أبله كذاا

وكل ترم بيسوو بآزار و المديره مرا عسل ربي يسعدها
و أيام الاختبارات يعطوك يوم تفرّغ بوسط الاسبوع و احتمال يعطونك يومين تفرّغ
<- يعني يوم تختبري و يوم لا
والرحلات تروحين رحله وحده في ماده المهارات الحياتيه ان شاء الله

بس من ناحيه الدرجات حبيبتي ما تآخذي الا حقك
أمكن يحطولك أختبار واحد زياده و ياخذو احسن 3
و اذا كانت الابله مرا طيبه تحطلك في كل اختبار درجه زياده
وفيه بعض الابلات ما تختبرك لآ اختبار زياده و لا تعطيك درجه من عندها تعطيك اللي خذتيه عندها و بس
عاد ما تقدري تقولين شي ذا من حقها ..
من ناحيه المشاريع تراهم متساهلين شوي بس قديملهم شغل متنوع و مرتب

والمناهج تاخذين لك بكل ترم 7 مواد الماده من 100 درجه .. المواد اللي تدرسينها بالترم الأول ما تتكرر الترم التاني
ماعاد الرياضيات و الانقلش بكل ترم موجود .. <- الرياضيات اذا دخلتي علمي يستمر معك .. و اذا لا بس تاخذيه سنه أولى الترم الاول و التاني
ويحطولك كم ماده تقويم " و من مواد التقويم في سنه اولى الكفايات اللغويه اللي هو العربي

وفي أترام صيفيه .. زي حقت الجامعه.. تاخذيها اذا حابه تتخرجي بدري و لآ تبغي معدلك يرتفع لأنو ابلات الاترام الصيفيه يقولوا انهم يعطوا درجات
انا ما اخذت ترم صيفي السنه اللي فاتت بس باخذها دي السنه ان شاء الله عشان فيه ابلات معينات ما ابغاهم يدرسوني ..

وعلى فكره المعدل التراكمي في المطور يتحسب من أولى ثنوي مو زي المدارس العامه من تاني

و من ناحيه تروحين ثنوي عاديه و لآ مطوره أشوف انك تروحي مطوره أحسن لك و أسهلك
صاحباتي بالمدارس العامه يقولوا انها صعبه و أيام الاختبارات السبت و الاحد يختبرون مادتيين

ووو حق الدورات حق القدرات و كذا , ما ادري هم يسوون و لا لأ.. بس فيه دورات يسوونها بالمنارات سجلي
سجلي فيها و خذي فكره عن القدرات ..

وترا المدرسه حلوه بس يبغالك تشديين حيلك في الدروس و المذاكره
خاصه اذا كنتي بتدخلي علمي ..

وآي استفسار لآ يردك الا الكيبورد

والله يوفقكم

[miss memo0]

بصراحه انا انصحكم نصيحه من تجربه ((العـــــــــــقـــــيـــــق))أحسن لكم والله والله انو هادي المدرسه عذاااااااااب المشاريع هلكتنا والأختبارات لانوم ننام زي الناس ولا نعرف ننبسط باجازه والله انو اجازة الربيع مقظينها شغل في المشاريع.....

[أروى نمنكاني]

[align=center]
miss memo حبيبتي السلام عليكم
شوفي ترى على حسب كل بنت وكل مادة احنا بينا فوق انو لازم يعني في تعب شوية بس حلوة وكل مدرسة فيها مشاريع .... تحسبي العقيق مافيها مشاريع انا صحباتي هناك فيها كمان مشاريع بس على اخف بس انا حابة انصح نصيحة احنا بندرس عشان نبغى نتعلم ونكتسب مهارات وخبرة وبعدين احنا نبغى معلومات عشان اختبار القدرات والتحصيلي ممو بس حذف في حذف ايش استفدنا انا صحباتي ااقنعوني اروح العقيق بس ما ابغى لانو لعب احنا انخلقنا مو بس لعب عشان نتعلم ونعلم الاجيال بعدنا
اتمنى انكم تفهموا كلامي كويسسسس.....
وبعدين المشاريع خديها على سبيل المتعة والله العظيم انو دي السنة مرة تخفيف للمشاريع في كل المواد ما شفتي السنوات الماضية وبعدين ترى بس سنة اولى تكون كتيرة لانك ما تكوني متعودة عالنظام بس بعد كده لا .
وبعدين عيشي حياتك واتكيفي معاها حاولي تخلي الدراسة متعة وفي النهاية حتسير زي كده الا في بالك
وسلاااااااااااااااااااااااااااااام
مع حبي لكم..........
[/align]