عندي تساوت غيبتك مع حضورك‎

[الاستاذ صالح الحازمي]

فيه شخص ثقيل دم كل ماقابل خويه يدور شيء ينتقده
وكل سوالفه كأنها سوالف نسوان ..

مره يقول (نعالك مو ماركه)

ومره (قماش ثوبك صيني)

وآخر مره قاله

(قلمك رخيص مو زي قلمي الـ dior)

فكتب له بقلمه [الرخيص] هذي الأبيات:

في جيبي العلوي قلم بأربعه ريال

وأخطّ به مالا يخطّه (ديورك)

هذي علومك،،، كلها عوج وهزال

اسمعني، اللــه لايجبّر كسورك

فرحان.. تشري بـ(ألف وشويه) نعال!

تمشي بك دروب المذله بـ شورك

ومفصّل بـ (حول الثلاثميه) عقال!

وتحته عقل فارغ سوى مـن غرورك

يا تافه .. ارخ السمع للي بينقال

وتراه ماهو مـن دواعي سرورك

اللبس ماعمره ستر عيب رجّال

هذا انت ماتستر خَواك بـ قشورك

ومادامك تقيس الأوادم بالأشكال

عندي تساوت غيبتك مع حضورك

رح خاو خاوي مثلك أشبه بـ تمثال

يرضي برستيجك ويسعد شعورك

ما اتشرف بمعرفتك ولا انت فـ البال

ولا عاد أشوفك عندي ولا بأزورك

مغنيني اللـه عنك برجالٍ ثقال

مافيهم اللي حب تمثيل دورك

أقلّهم لو شاف تقصير وإهمال

يسد نقصك ما يدوّر قصورك..

[عبير الشاماني]

هههههههههههههههههههههههههههههههههههههههههههههههههه هههههههههههه حلوه
نترقب المزيد من جديدك الرائع
دمت ودام لنا روعه مواضيعك

[ٱ ξــڦــڵ ۾ـچـﻨﯢ ڼـۂ]

قصيدة قمة في الروعةوالجمال

الله يعطيك العافيه يالغلا
بنتظارجديدكـ بكل شوق
ودي لروحكـ..

[نهر الأمل]

ههههههههه قصيده روعه يسلم قايلها وناقلها ويستاهل الطيب التي قيلت فيه