منتديات التعليم توزيع وتحضير المواد
منتديات التعليم توزيع وتحضير المواد
|
|||||||
| الركن العام للمواضيع العامة يهتم بالمواضيع العامه ومناقشتها كما هو متنفس لجميع الأعضاء والزوار |
|
|
|
 |
|
|
أدوات الموضوع | انواع عرض الموضوع |
|
#1
2011-03-28, 09:31 PM
|
|||
|
|||
تجربتي مع السمنة كل الطرق تفشل إلا واحدة
خير ...وش فيكم!! نعم احب... احب الاكل حب جنوني..بيني وبينه صداقة قوية...الله لايفرق بيننا!  قسم ان الي ماتحب الاكل مو عايشة دنيا!  اصلا حتى باحلامي اشوف صواني جاية وصواني رايحه!  انا عشان خاطر عيونه ... اتقنت الطبخ...(صارت اقامتي بالمطبخ اكثر من اي مكان اخر بالبيت) دايما اقول بنفسي لو كان الاكل...رجلا ...لعشقته  بس الغريب ...ان عندي رجّال...مايحبه!!  مو يعني مايحبه ...مايحبه...لكن مايكثّر!!!>>>مو عايش دنيا يعني ياكل ربع الصينية ...والباقي لي>>ماخلا لي شي!!  ولو رحنا مطعم يطلب واحد همبرغر.  ..وانا 3 مع وجبة اطفال>>تدور الهدية!! ومرة رحنا مطعم اكلات بحرية...طلب مشوي..وقال اطلب لك معي؟ قلت : لا شو مشوي.!!..ابي مقلي ووووكثر الزيت..اااااااااقصد وكثر السلطة!! ومرة وانا في مطعم رحت دورة المياة -وانتوا بكرامة- وناوية لارجعت اكمل صحوني... ولما رجعت لقيت السفرة نظييييييييييفة مافيها لو ربع صحن...!! قلت : وين السفرة!!.. قال زوجي : قلت للنادل يشيلها.. زعلت ...وخليتهم يسوون نسخ لنفس الطلب ...ولصق في نفس السفرة..وسويت لها ارسال الى معدتي >>>صار جهاز حاسب مو مطعم  صحيح اني استحي آكل قدام زوجي....تعرفون حركات الدلع...لكن احيانا ماقدر اقاوم سطوة الاكل..اطب على الصحن اتقولون داخله سباق !!  وفيه مثل عند السلف يقول: لاجاعت ام العيال ابشروا بالعشا >>>وانا دايم جوعانه اذا زعلت اجوع..واذا فرحت اجوع ...واذا مشيت اجوع ..واذا تكلمت اجوع ...وحتى اذا جعت اجوع  واذا دخلت المطبخ تعالوا شوفوا الفن ...اقول للجميع : وخرووووووووووووا..!!.روائح شهيه..واكلات طيبة ....وافرش سفرة ماتشوفون اخرها...لكن مشكلتي اني مااقاوم شكل السفرة بعد كذا ...( ولا ماتحويه من كنووووز ).  مرة لاحظت ان وزني زايد حبتين ..ووقفت عالميزان ولقيت 5 كيلو جديدة علي!! رحت لزوجي وانا ابكي قال : خير!! قلت وزني زايد 2 كيلو>>>ال3 اخفيت امرها قال:عادي متوقع!! قلت : لا لا مو معقولة اكيد في خطا..يمكن -لاسمح الله -فرط بالهرمونات ولا شي لازم اروح الدكتور!!  وزوجي مندهش قدام هالفلم المصري !! يقول : احمدي ربك والله الي فيك من زود الصحة والاكل بدون داعي!! قلت : قول ماشاء الله.. قال : ونعم بالله لكن الوضع الي انتي فيه ماهو موضع حسد الا شفقة!!..انتبهي لنفسك كم مرة نصحتك تخففي اكلك وتحافظي على جسمك؟! قلت : وانا ايش سويت...انت شايف بنفسك انا اطبخ لك ..ومااكل...المشكله انك انت الي تاكل وانا الي اسمن!!...>>مازال الفلم المصري يدور قال بتعجب : والله!!.........صدق!!.........انا الي آكل وانتي الي تسمنين!!...........طيب جربي يامظلومة تخيطين فمك ..واتشوفين النتيجة >>ليه قطعة قماش!! ...وتركني......وراح......... وانا جلست افكر بال2 كيلو الزيادة >>صدقت الكذبة ليه ..وكيف ..ومن وين جات؟!! ياترى من مقلي الاحد ..ولا من كبسة الثنين ..ولا من صيادية الثلوث....الخ ولا من صحون الحلى الي لازم تتبع كل وجبة غداء وعشاء؟ وحطيت حري في الميزان وقلت له : ((انا عمري ماحطيت ثقلي عليك الا جبت لي البلا....اكيد تكرهني  ))على طاري الكره....انا فييه حاجة ثانية اكرهها بحياتي غير الميزان الريجيم اسمع البنات يقولون ريجيم ..ريجيم>>ابوك يالمياعه انا احرم نفسي من الاكل ..واسوي ريجيم!! انا اتخلى عن الصداقة الحميمة الي تجمعنا !! انا اترك الحلى..............طيب الحلا للحلوين وانا حلوة  >>>بس سمينةاتصدقون لو كان الريجيم رجلا لقتلته >>مسختها عارفه لا لا فكرة الريجيم فكرة فاشلة جدا ..ولاافكر فيها ...اكيد في وسيلة ثانيه عشان اطير ال5 كيلو بس بابحث واشوف...  وقريت بالكتب مثل يقول: كل كثيرا ..وامشي اكثر واجتهدت ..وسويت رياضة ...لكن برضه زاد وزني 5 كيلو ثانية نهاية الشهر...!! واكتشفت اني عكست الحكمة ( امشي كثيرا ..وكل اكثر) يعني كنت كل بعد حصة رياضة ...اطب عالاكل ..على بالي خلاص الرياضة احرقت الاكل اللي قبله ... قال لي زوجي : ها كم وزنك هالشهر..شكل الحمولة زايدة؟ قلت : نفسه مازاد !! قال : ماظنيت قلت باحباط : انا سويت رياضة طول الشهر مانفع وانت شفت بنفسك  قال باستهزاء : ايه شفتك وانتي تمشين عالسير وصحن الكنافة بيدك......وشفتك يوم خلصتي رياضة تربعتي على صحن كبسة وبعدها رقدتي!! >>يالهوي يراقبني  يابنت الناس افهمي وخلي عزيمتك قوية..لو مو عشاني عشان صحتك..السمنة تضرك.. قلت له : كل الرجال يحبون السمينة!!  قال : مين قال...الرجال يحب السمنة باماكن معينة>>>عيب لكن يكره السمنة المنتشرة بكل مكان..انتي جسمك صاير كله نتوءات !!>>ويش نتوءات هذي!! قلت : شفت اتقول يحب السمنة بمواضع؟؟!!..يعني صح كلامي ..المهم اتحبون السمينة وبس!! قال : طيب متفقين ...بس مو زي سمنتك...انتي تعديتي الحدود الحمراء..صار شكلك مثل الاسطوانة!! قلت بعصبية: نتوءات...اسطوانة ..ويش هالعبارات الجارحه !! قال بصراخ : لان الوضع صار ماينسكت عليه وبتفهمين وتلحقين نفسك احسن لك..ولا ترى ..!! قلت :...ولا ترى ايش؟!! ماقال شي بس قام وفتح دولابي ورمى علي واحد من هدومي فاول زواجي وراح !! ليه؟ حركة غريبة صح؟ >>>استخف الرجال رحت لامي وخواتي اشكيلهم قسوة زوجي... وقلت لاختي : زوجي قال لي كلام جارح اليوم...شكلي مثل الاسطوانة وكلي نتوءات ؟...الا على فكرة ويش هي النتوءات هذي ؟!! قالت اختي بسخرية: يعني مو مسطحه؟ قلت : ليه كرة ارضيه انا؟ قالت : يعني ان جسمك رايح فيها قلت : ياشينك !! قالت : ويش اسويلك مو راضيه تفهمين!! قلت:لاتكوني انتي والزمان علي كفاية زوجي! قالت: والله انتي عدوة نفسك الوحيدة!! قلت : لاتقولين موالك المعتاد سوي ريجيم ترى طفشتيني! قالت : وماعندي غير هالكلام. قلت : وقالي بعد انحفي ولا ترى..؟؟...بعدين قام ورمى واحد من هدوم عرسي علي وراح؟..تهقين ويش يقصد... ؟!قالت : قسم ان كثر الاكل سطح عقلك مو بس بطنك ماعاد تفقهين!! قلت : اقول عن العيارة...! قالت : يقصد ارجعي لوزنك زي اول ماخذتك ولاتزوجت عليك. قلت : باااطل ...مايقدر...... الا ...... بسالك........... بالله جسمي مازان بعد ال 10 كيلو؟؟  قالت بصوت عالي : ياجعله يارب يصكك ب 3 مو واحدة !! صرخت بوجهها وقلت اهب يافالك!!.. واشتكيت عليها امي. جات امي الحنون وقالت ايش الحكاية؟ قلت : بنتك الحقود تدعي علي !! قالت امي : وجع يانورا ليه تدعين على اختك!؟ قالت اختي : والله ياامي ماتفهم بنتك مرارتها مفقوعه كل يوم زوجها يهددها انحفي ولا اتزوج عليك ولاهمها متحضنة صحونها وتاكل ...هذا همها بالحياة!! نظرت امي الي نظرات عتب ..خلتني بنص هدومي!! عاد انا انهرت بالبكاء  وقلت لها مااقدر يامي احرم نفسي احس بعد كل حرمان ارجع للاكل بشراهه اكثرقالت امي : اشغلي نفسك باشياء غيره..لاتخليه اكبر همك..ووووووووومن هالنصايح الاموية.. ورجعت لبيتي وعندي شوية عزيمة (اعرف انها ستتلاشى امام طبق شهي من صنع يدي!!) اي والله حتى السمنة من صنع يدي>>اعتراف وقررت ( وياما قررت!! ) اني اقاطع المطبخ...وانهي صداقتي بالاكل واني مانهزم قدام اي صحن يفرفر قدامي...واسوي ريجيم قاتل>>حرب ومازال الوضع قائم................. ...شهر افوز انا...وشهر يفوز الاكل.. شهر ينتصر الريجيم ..وشهر ينقلب على عقبيه وشهر فرحان زوجي مني ..وشهر يجهز لعرسه ================ راح ارد على رسالتك مع إني ماأدري هل هي قصة رمزية أو واقعية * * * من خلال تجربتي مع السمنة كل الطرق تفشل إلا واحدة الأكل بهدووووووء لاتحرمين نفسك من أطباقك اللذيذة >> نفسي اذوقها    بتكلم بأسلوب بسيط جدا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ ولا تعملين ريجيم يسبب لك حرمان وتنهبلين عالأكل أكثر وبالتالي يسبب لك أحباط ونفسية تعبانة بكل بساطة .. مادمتي تحبين الأكل اسمتعي فييييه لآخر لقمة .. كلي بهدوووء وروقان .. أنا متأكدة إنك تأكلين بشراهة وكأنك بتنحرمين من الطبق سنة ادعمي ذاتك بترديد كلمات مثل : ماذا لو أكلت كل الصحن ؟؟؟ = سمنة مفرطة ماذا لو أكلت الربع فقط = شبع بدون سمنة .................................................. .... رددي : يعني بآكل كل اللي عالسفرة؟؟ الأجابة أكيد لأ أذن .. أقوم الآن ويكفي اللي أكلته .................................................. ..... تخيلي نفسك بمنتجع مع طبقك المفضل .. واستمتعي بالصحن اللي قدامك فقط . وقولي بآكل بهدوء وبجلس نص ساعة بدل ربع ساعة وآنا آكل لأن الثابت علميا أن الشخص يشبع في وقت معين من الأكل مش من الكمية .. فإذا كنت تشبعين بعد ربع ساعة من الأكل راح تشبعين سواء أكلت صحنك أو كل الصحون اللي عالسفرة .. إذن المسألة تضييع الوقت بالأكل مش السباق وأكل الصحون كلها يعني زيادة مالها داااع أبد .................................................. لا تآكلين بيدك كلي بالملعقة فقط مهما تحمستي ... وبين كل لقمة والثانية نزلي الملعقة واتركيها من يدك عالطبق وبعدين ارفعيها وكلي هذي الطريقة تضيع الوقت المستهلك بالأكل وبالتالي تشبعين قبل تأكلين الكمية اللي تأكلينها من قبل ............................................... لما تكون اللقمة بفمك .. لا تناظرين الأكل أو اللقمة اللي عليها الدور . طالعي التلفزيون أو أي شي آخر .......................................... تخيلي نفسك بعزومة أو عند ناس ومش مآخذة راحتك .. كنتي بتعبين صحنك وتآكلينه بشراهة ولا بهدوء؟؟ إذن تصرفي نفس التصرف في بيتك ............................................. فكري بعد كل لقمة .. أقوم؟ أذا وصلتي لمرحلة إنك تقدرين تقومين لكنك لسه تشعرين برغبة .. إذن قومي لأن الأكل اللي بعده يعتبر زائد فعلا (بحسب ابن آدم لقيمات يقمن صلبه ) .................................................. ... لآ تنتظرين لين تموتين جوع ... كلي قبل مايوصل الجوع قمته لأنك بهالحال راح تآكلين أكثر أكيد .................................................. ........ في النهاية .. الريجيم اعتبره شي مؤقت لكن العادات الصحية أثناء الأكل هي اللي تدوم طول العمر لأنها تترسخ في الشخصية وتحميك وبنفس الوقت ماتشعرين بالحرمان لا من الحلا ولا من المقالي ................................................ لاتستعجلين النحافة .. راح تنحفين لا تخافين مع اكتسابك لعادات صحيحة راح يحسدك كل من يشوفك تآكلين براحتك بدون سمنة كلامي من واقع تجربتي الخاصة أنقله لك ولجميع حبايبي 
|
|
2011-03-28, 11:10 PM
|
[2] |
|
مــديــرة المـــوقــع ƸҲƷدعواتـكم لي بالتـوفـيـقƸҲƷ 
 |
يكفينا كلام نبينا صلى الله عليه وسلم (نحن قوم لا نأكل حتى نجوع واذا اكلنا لانشبع)
لوطبق هذا الكلام لما احتاج احد للرجيم موفق بإذن الله ... لك مني أجمل تحية . |
|
|
|
|
|
|
2011-03-29, 05:01 PM
|
[3] | |
|
مشرف سابق
|
اقتباس:
الله يحفظك ويعطيك العافية |
|
|
|
|
|
2011-03-30, 03:22 AM
|
[4] |
|
مشرفة عامه سابقاً
|
ثلث لطعامنا وثلث لشرابنا وثلث لنفسنا
فما اجمل ان نجعل حبيبنا و رسولا الكريم قدوتنا في جميع امور حياتنا بارك الله فيك وربي يعطيك العافيه ووفقك لما يحبه ويرضاه |
|
|
|
|
|
|
|
2011-03-31, 07:45 PM
|
[5] |
|
عضو مميز
|
كـلـآمـ قـممـة الـرووعه .. بس أنـآ مـآلي شغل فيه ...خخخخ ... أخـآف لـو طبقت الكلام حختفي تمامـآ
عـمـوومـآ يـسسـلموو عموو ع الـكـلـآم الـمفيد |
|
|
|
|
2011-03-31, 09:05 PM
|
[6] |
|
عضو فعال
|
ههههههههههههههههه الله يقطع ابليسك
الله يعينك ويعيني مسوية حرب في البيت وجتني حاله نفسية بسبب هالوزن الله يعين عليه بس على قولة الوالده اربطي يدك قبل ماتربطين معدتك <<<ياكرهي لها الكلمة |
|
|
|
|
|
|
|
2011-04-02, 09:46 PM
|
[7] | |
|
مشرف سابق
|
اقتباس:
الله يحفظك يارب ويعطيك العافية |
|
|
|
|
|
| مواقع النشر (المفضلة) |
| الكلمات الدلالية (Tags) |
| السمنة, الطرق, تجربتي, تفشل, إلا, واحدث |
|
|
العرض العادي
