[ فلوس أبوي آكثر من فلوس أبوك ]

[اميرة بكلامي]

ثقآفة من ثقافات المجتمع الخليجي بشكل عام ! مصطلح ثقافة آكبر منها للأسف
لأن الأمر تآفه جداً لكن مع الأسف لازالت تطرح
وتدآول في كل جلسه أو جمعه أو حفله
وهي من الثقافات التي يجب أن نبيدها لكن آعتقد من المستحيل ,
ولابد آن يبقى من هؤلاء ولو قليل
وآعتقد آن هذه الثقافة لن تزآل لأن مروجيها بدأو بالتكآثر للأسف
الأمر لايستدعي لـ تحليل لـ هذا الموضوع ولايحتآج لـ فلسفة زائده ولاحتى إستنتآجآت وبحوث وما إلى آخره .!


عموماً هذه الثقافة يطرحها فئتين / أ , ب


أ : فئة تطرح هذا الأمر بشكل مبآشر وماعندها أي مشكله

خلونا نروح للمثآل ..


ريم / آهلين منآل كيفك ؟ ....
منال / بخير الحمد لله وانتي كيفك ؟ ...
ريم / بخير ربي يسلمك ... إلخ ( ندخل في صلب الموضوع ) ..
منآل / سيارتنا اليوم إنكسرت <~ ( عسى ماتعورت )
ريم / يؤيؤيؤيؤ عسى ماشر وش فيها ؟
منآل / لابس اولاد الجيران كسروا الشباك تبع السيارة
ريم / وليه بينكم وبينهم شيء ؟
منآل / لا وربي بس بزرآن يلعبون وآبوي آخذ حقنا واشتكا عليهم
ريم / ليه اشتكيتوا على الجيرآن !!!
تصدقين حنى بعد إنكسرت سيارتنا قبل كم سنة بس ماسوينا مثلكم
لأن ابوي مو حاب السيارة واصلاً الشباك مايحتآج إن الشرطه تتدخل
فـ خلاها في البيت واشترى وحدة ثانية احلى منها
ليه آبوك مايقدر يسوي الشباك على حسابه ولا مايقدر يشتري سيارة ؟
منآل / لا مو قصة كذا بس عشان يتأدبوا
ريم / التأديب مو بهالطريقه ( ياشين الإستقعاد )

[ سيارة آبوي احسن من سيارة أبوك , وأبوي احسن من ابوك ]

’
منآل / المهم بكرة بتروحين للجامعة ؟
ريم / لا
منال/ ليه ؟
ريم / انتي ماتدرين إن المحاضرة الساعه 1 الظهر
منآل / طيب وش المانع
ريم / لابس عندنا عزيمه غداء في البيت ومضطره إني ابقى في البيت
منال / ليه ماعندكم خدامة ؟
ريم / إلا عندنا بس ماتكفي لـ وحدها في البيت
منال / تصدقين انا صار لي مثلك قبل كم سنة بس رحت للجامعه تدرين ليه
لأن الخدامه اللي عندنا الوالد الله يحفظوا جاب وحدة سنعه ولو تخلينها في البيت لوحدها تكفي
ريم / لا مو قصة كذا عشان اساعدها
منآل / انا مثلك بس الخدامه اللي عندنا مايحتآج آحد يسآعدها ( ياشين الإستقعاد )
ريم / المهم انا طالعه انام يالله باي ..
منال / بايو .. طوط طوط طوط ..

[ خدآمتنا احسن من خدآمتكم , وآبوي آحسن من آبوك ]



ب : فئه تطرح الأمر بـ إسلوب تقريباً آفضل من الفئة أ ..
لكن بإسلوب ربما ليس بشكل مباشر ..

خلونا نروح للمثآل :

هند , رهف

هند ورهف ساكنين في نفس الحي والحي تقريباً يعني مو متطور ..


رهف / آهلين هند كيفك ؟ ...
هند / بخير الحمد لله وانتي كيفك ؟ ...
رهف / بخير ربي يسلمك ... ( إلخ ) ( ندخل في صلب الموضوع ) ..
هند / ماودك تباركين لي ؟
رهف / ليه صرتي عمه ؟
هند / لا الله يهديك بس حبيت آبلغك إننا رآح ننقل من بيتنا اللي احنا فيه
رهف / ليييييييه طول هالسنين اللي عشنا فيها في الحي تروحون وتخلونا
هند / وربي مو بيدي ولاكان قعدنا في البيت وماراح ننقل ( بالله )
رهف / وربي راح نفقدكم في الحي بصرآحة بس ماقلتي لي وين رآح تنقلون
هند / رآح ننقل لحي """ """ """ ( الحي متطور وآفضل من الحي اللي رهف فيه )
رهف / اهاا على البركه ( منقهرة )
هند / الله يبارك فيك تصدقين الحي اللي بننقل له بصرآحة جنااان حي من آفضل الأحياء
يقولون فيه حدائق وآسواق ووناسه لأن ابوي يقول الحي اللي احنا بننقل منه بصراحة مافيه امان والسكان فيه بصراحة مو محترمين والحي مقرف اصلاً انا لاحظته بصراحه وتصدقين في رمضان وانا رايحه للمسجد يوم كنتي تعبانه وقلتي ما اقدر اروح معك تذكرين ؟ ايه المهم وانا امشي مع اختي رايحين نصلي القيام إلا ويجون شباب يلاحقونا وربي خفت وماصدقت اوصل للمسجد
رهف / منزل مبارك والله يحفظكم ( وآصلة معها ) ..
هند / الله يسلمك آمين ويآكم ..

[ الحي اللي حنا فيه أحسن من الحي اللي انتم فيه ]
’
رهف / إلا على فكرة بكم اشتريتوا البيت ؟
هند / والله مادري بس سمعت إنوا بـ مليونين وشوي
رهف / غريبه قبل شهرين ابوي اشترى بيت بـ ثلاث ملايين
وبصراحة فكرنا ننقل له
بس ابوي قال نبيعه افضل وباعوا ابوي بـ 3 ملايين وخمس مئة الف
هند / اها الله يرزقكم . يالله انا طالعه انام باي ..
رهف / بايو .. طوط طوط طوط .....

[ فلوس أبوي آكثر من فلوس أبوك ]


ثقافة منتشرة وآعتقد المثآل وضح لكم المقصد .. انا لم آطرح هذا الموضوع لكي أطرح لكم ثقافة جديدة على المجتمع لم آطرح هذا الموضوع إلا لـ غرض وآحد وهو
لـ توعيه المجتمع ولـ رقي فكرهم وتغيير بعض الثقافات التافهه التي تنقص من قيمة الشخص
ولـ إبادة هذه الثقافة وهي ثقافة فلوس ابوي اكثر من فلوس ابوك
هذا الأمر ليس حصراً على النساء فقط بل للرجآل يداً في ذلك
لكن بنسبة آقل من النساء بكثير برأيي
وليس حصراً على الأمور الإجتماعيه بينما دخل هذا الأمر في الريآضة

ملاحظه " مابين الأقوآس للتوضيح ..
وأرجوا من أي بنت إسمها رهف ولا هند ولا ريم ولا منال
تعذرني لـ وضع إسمها في الموضوع ولادخل لها في الموضوع
الأسآمي للتوضيح فقط لاغير .. ( هذه الملآحظات للي عندهم حسآسيه ) ..


عموماً أنا هنا قد وصلت إلى ختآم هذا الموضوع


آطرحوا مافي جعبتكم رعآكم الله ..

[أبو سُــــلاف]

[align=center]
موضوع وكلام رائع

بصراحة فئة كبيرة من المجتمع هذا اللي همها وأكبر همها

شيء يحزن عندما نشاهد هذه الثقافة وهذا المستوى المتدني من التفكير

أصبحت بعض كماليات الحياة غايات عند بعض الناس وليست وسائل

>>>>>>>> لن يرتقي شعب حتى ينهض بثقافته وفكره

تسلم يدك على الطرح الرائع والمميز
[/align]

[نهر الأمل]

الله يعطيك العافيه موفقة بإذن الله ... لك مني أجمل تحية .

[عمري ماتمنيت شي]

موفق بإذن الله ... لك مني أجمل تحية .

[اميرة بكلامي]

شكرا لكم على الردود لعطره

[عماد الحربي]