دجاج مع الخضار في الفرن (( مع التطبيق))

[حلا المدينه]

بسم الله الرحمن الرحيم
كيف الحال شو اخبار الجميع
الناس تبغى تنحف وانا هههههههههه خربت رجيم
البيت
والكل يقول أخ منك اللي عندك مايعرف شيء اسمة
رجيم
المهم انا شفت هذي الطبخة وحبيت اطبقها
وصورت التطبيق
الطريقة نقلتها لكم
وفعلا احلى مافي الموضوع من خضار البيت
المتواجدة عندك
لا تكلفي على نفسك

مقاديري
الخضار المتواجدة عندي
- بطاطس ...ووووو ماتنفع لرجيم خخخ
- كوسة ...
- فلفل شامي ..
- باذنجان...
- طماطم
- بصل....
-ثوم...
----------
-دجاج او لحم على حسب الرغبة ...
- بس بدجاج وااااااو انا مجربتة لانها تتحمر من فوووق بالفرن ...
- مرقة الدجاج ماااجي ....
- بهارات فلفل اسود قليل +ملح
- معجون طماطم
- ماء دافي
...
الطريقة
اول شيء
قطعت الخضار بس قطع كبيرة مو ضغيرة شرائح
بحجم كبير

كشنت بالبصل والثوم
ثم اضـــــفت الطماطم
لمن ساحت شوكولاتة خخخخخ

المهم حطيت الخضار وسلقتها شوية
على النار تقريبا 10 دقايق
عشان تنضج بسرعه معاي بالفرن واطمن انها تكون مستوية ومزبوطة
ولاتنسون شوية معجون طماطم والبهارات والفلفل والملح
الدجاج :
سلقتها في ماء من غير تقطيع
ربع ساعة بعدين نزلتها وقطعتها نصفين
ماء السلق
اتروكة نحتاجة
وقت الفرن او لعمل رز ابيض اذا لك رغبة
جيبي صينية :
نضع فيها زيت ثم الخضار المسلوقة وفوقهم الدجاجة وشوية ماء اذا حسيتي انها ناشفة من ماء السلق
ونغطيها مزبوط بقصدير ونحطها بالفرن لمدة ساعة على نار الفرن من تحت بس
بعدين نفتح القصدير عنها ونحمرها من فوق وبس


وبالعافية عليكم
التطبيق قبل ادخالها الفرن






------




وهنا الطريقة من النت
بس طبخي اطعم

...
..




اول شيء بعد ماتغسلي الدجاج
وتنظفيه وتقصقصيه تمام


جيبي اي خضار عندك
بطاطس
جزر
فلفل رومي
بصل
وقطعيها حلقات

بطني صينية


صبي الزيت

رصي قطع الدجاج

بعدين حطي الخضار
واخلطي البهارات اللي عندك (ملح وفلفل احمر، كاري، كزبرة ناشفة، كمون) اي بهارات


حطي البهارات على الدجاج وادعكيها بها علشان تتوزع على كل جهات الدجاجة

بعد ماخلاص رصيتي الدجاج وضبطتي المواضيع وصارت الصينية تمام
غطيها
دخليها الفرن وخليها حق ساعة او ساعة ونصف حسب يعني كل شوي شيكي عليها وشوفيها استوت ولا لا
اخذت معايا ساعة ونصف علشان فرننا كبير فضاعت الحرارة فيه المهم لا تنزليها الا لما تلقيها استوت ولا تخافوا ماراح تحترق لأن الدجاج راح ينزل ماء بس لا تخلوا الحرارة عالية يعني وسط

وهذي صورتها بعد ماتنزل من الفرن والدخاخين تتصاعد منها

ايه نسيت تتقدم مع الرز الابيض او ممكن تأكلوها بالخبز عادي وبالعافية مقدما