ياتاج على راسي [الأرشيف] - منتدى التعليم توزيع وتحضير المواد الدراسية

ازهار العمري

2014-03-25, 12:08 PM

قلبي ولساني | دعـاء مايمّلون منه
ليت ليت ليت .. يستجيبه منهم ربي..

ياربّ : أمي تكون من سيدات الجنه
وأبوي مع زمــــرة أصـحاب النبي..

أمي وتظهر من يديني عروقي
واردها وتصير نبضي ودمي
أول وأكبر ماعلىّ من حقوقي
أمي وثم امي و أمي وأمي

خشُوعها بالصلاة بخوف وبخلوة ،
دمُوعها صُوتها … ريحة عبايتها

يَ رب … لاتردّها لا جاتك بدعوة ،
اغفر خطاها .. ووصّلها لـ غايتها !

يارب زِدني برّها قبل لا أموت.
اللي تشيل من الصغر كل همي.
حتى الرسول اللي له العلم مثبوت
ثلاث مراتٍٍ يوصي على أمي

*أمي وليفة خاطري نور عيني
حتى وهي قربي لها احنّ واشتاق

كل ماأضيق بهالزمن تحتويني
يااربّ تشرح صدرها كل ماضااق

انتي وطن ، يستحق اللي يضحي لك
انتي فديتك ، ( تحت رجلينك الجنه )

لو اقضي العمر يا ( يمه ) البي لك ��
ماجيت خيرك ولا ربعه ولا منه

من يشبهك! آنتي آظنك تشبهين
الطُهر وأحساس الكريم فـ مدته !

يمه وأنا مدري وش اقول بكلمتين
هاتي قدمك آبـي رضا الله وجنته

يَ جعل نغزات الوجع في عظامي
يَ احن مخلوقه و يَ اطهرهم !

عطيني الامك يَ يمه و نامي !
واوعدك بـ/ اضحك للوجع و اقهرهم

يمه وأنا أدري كل ماقلت يمه
تصغين في كل الأحاسيس يمي

في ذمتي لوتطلبي العمر ذمه
لقول لك ياقرة العين سمي

يا يمه يا اغلى من حياتي و ذاتي
لو راح عمري في رجاكي قليله

أقطف يا يمه من صفاتك صفاتي
كل طيب فيكي ودي اقطف مثيله

يمه ولو نصفي من العمر قد ضاع
على كثر مافات ماينفع الصوت

لو العمر يمه يديّن وينباع ..!
لا ابيع لك عمري وانا اسدد الموت

حبها مذخور لعيالي ؛ وراثه
لو بغت قلبي وروحي قلت سمي

ما عشقت مّن النساء ألا ثلاثه
أعشق (( أمي ثُمَّ أمي ثُمَّ أمي ))

000000000000000

يبه مجرداسمك يزيدني فخر
وحنانك وطيبك جعلني اميره
وافعالك الي بالشدايد تسطر
تشهد عليهآ الارمله والفقيره

:

ماهي خساره طيبتي ف الرديين
محدن جبرني بالعطاء بس ودي

كن الكرم ديني وانا موفي الدين

ابوي جعل الحزن ماهو ب يمك
وجعل الفرح دايم بدربك مخاويك
يابوي طيبك والله اكبر عيوبك
وانت الكرم والجود جعلي ماابكيك*

:

ماني بنت اممير ولا عندي : بنوك
ولا عندي قصر افتخر في وصوفہ

افتخر اذا قالوا العرب منهو ابوك
اقول ابوي اللي كريمہ .. كفوفہ

كلمة شكر يآبوي مآتوفي الشعور..
واحساسي صوبك يابعدي أكبر كثير..

مهما شكرتك لآزم أشعر بـ القصور*
بنتك يآبوي دآيم تشوفك كــــبير ...

غآلي يابوي وقلتها بقلبـ فخور*
يآ تآج أحطه فوق رآسي وين أسير ..

يآ إللي غلآك بـ قلبي بآني له قصور*
قلبي بلآدك و أنت يآبوي الأميـر

تتكحل عيوني و يغمرهآ السرور*
كل مآ أشوفك مبتسم قلبي يطير

( يآنور كل مآشفته زآد بـ وجهي نور*
مدآمك أنت بخير هالدنيا بخير )

و إن جيت ألف الكون ذآ كله و أدور*
بلقآك شي بـ هالزمن مآآآله نظير ..

يعني بـ إختصار إللي بـ قوله من شعور
بنتك يآ ضي عيونهآ تحبك كثيــــر ...

ابنتكم:أزهار العمري