شعر اثار إعجابي

[همي أمتي]

يا يمه منتهي جيتـك وطالـب منـك الغفـران
اقبـل قاعـت اقدامـك واغسلهـااا بدمعاتـي


يا يمـه كـل مافينـي يناديلـك انـا ندمـان
طلبتك قولي سامحتك ردي لوجهـي بسماتـي

انا ادري قلبك الطيب كسرته بصدمت النكـران
غلطت وغلطتـي هـذي تعيـر كـل غلطاتـي

تشوفي الشيب يا يمه ترى ماجا وانـا فرحـان
وربي الي رفـع ذاتـك ونـزل لـردى ذاتـي

فقدت الراحه من بعدك فقدت الطيبه والتحمـان
بدونك راحتي غايـه بدينـك هـذي راحاتـي

انا بعدك وﻻ‌ حاجه انـا بعـدك تـرى عميـان
اشوف وﻻ‌ اشـوف الـي يورينـي مساراتـي

انا وسيد الشقا والهم من بعدك غدينـا اخـوان
يجيب اهموم هـا العالـم ويرميهـا بمتاهتـي

صدقتي يوم قلتي لي تدين اليـوم بـس تنـدان
رميتك فـي بدياتـي ورمونـي فـي نهاياتـي

انا من شالك بايده ورمـاك باسفـل البركـان
نخيتنـي وطلبتينـي وﻻ‌ حصلتـي نخـواتـي

مثل ماهنتي بعيوني عليهم قلبـي يمـه هـان
رموني وطعتهم فزعه وانا الدمعـات فزعاتـي

يايمه ﻻ‌ تظنينـي انـا مـن فعلهـم زعـﻼ‌ن
سوات فيك سويتـه وسـوو فينـي اسواتـي

يا يمـه يالله ضمينـي ودفينـي بهاﻻ‌حضـان
انا ادري فيك مشتاقه وهمـك بـس مﻼ‌قاتـي

يا يمه حيل ظميني ابـي ارتـاح انـا تعبـان
تعبت اهرب من ذنوبي ابيـك آخـر مسافاتـي

ابسمع منك اي كلمه نسيتك مسمعـي ولهـان
ابسمع يمه بصوتـك ابذكـر فيهـا نشواتـي

اشوفك ساكته يمه غفيتـي وﻻ‌ انـا غلطـان
غفيتي يا بعد عمري تعبتي مـن مواساتـي ؟

يا يمه يايمه طالبك قومي اذا لي بعيونك شـان
اشوف االموت بعيونك عساها بخيـب هقواتـي

تعالوا يا بشر شوفوا انـا محتـار انـا تلفـان
انا امي مدري وش فيها انا مدري انـا احاتـي

شنـو امـي انـا ماتـت؟ ﻻ‌ ﻻ‌ تـرى غلطـان
انا امي مـا تخلينـي علـى حزنـي ووناتـي

انا امي قلبها طيب وﻻ‌ يمكـن تبكـي انسـان
انـا امـي مـا تبكينـي وﻻ‌ تتمنـا اهـاتـي

يا يمه صح مامتي ؟ وصح الموت تو ما حـان
اذا متي انـا بعـدك ابقضـى ويـن ساعاتـي

يا يمه قومي يا يمه وقولي المـوت ﻻ‌ ماكـان
انا جيتـك وانـا نـاوي انـدي فيـك جناتـي

تركتيني ومتي ليـه تركتينـي وانـا غرقـان
وﻻ‌ مسموح يـا وليـدي وﻻ‌ تلعنـك لعناتـي

انا الجاني وانا المجني وانا المخطي وانا الندمان
انـا بيـدي رميتـك ايـه وبعثرتـه ملفاتـي

وجيت من الهنا مفلس وقلبي من الضنا خسران
تركتينـي علـى نـاري اعـدد فيـك زﻻ‌تـي

وﻻ‌ني مرضين ربـي وﻻ‌نـي تابـع الشيطـان
انا بعـدك تـرى مابيـن نهاياتـي وبداياتـي

يا يمه منتهي جيتـك وكـل مرتجـي غفـران
وشفت الناس تعلنـي وتحذرنـي مـن اﻻ‌تـي

__________________
م ن ق ول
لﻼ‌مانهـ
و
لروعتهـ