منتديات التعليم توزيع وتحضير المواد
منتديات التعليم توزيع وتحضير المواد
|
|||||||
| الركن العام للمواضيع العامة يهتم بالمواضيع العامه ومناقشتها كما هو متنفس لجميع الأعضاء والزوار |
|
|
|
|
|
أدوات الموضوع | انواع عرض الموضوع |
|
#1
2011-11-04, 02:41 AM
|
|||
|
|||
عيد الخرفان ملتووش لعنونكم
السلام عليكم ورحمة الله يامعشر الأقلاعين بننتقل للضفه الثانيه من عيد الأضحى كل المواضيع ماقصرو وجابو فضل الصيام وفضل ايام عشر ذو الحجه والتكبير وطريقة الحج , ماشاءالله الكل ماقصر بس بنشطح بكم شوي للجهه الثانيه من عيد الأضحى جهة الخرفان وجهة الكبده وجهة الزيارات والعادات وجهة المواقف اللي تصير كم واحد قطع اصبعه الساطور وكم واحد هج منه خروف على طاري هجة الخاروف , بسنه من السنين بننزل الخروف من صندوق السياره وبدال مايدخل ابو الشباب البيت التفت للشارع وحط رجله ومطارد مطارد مطارد ومطارد مطارد مطارد وبالحارات وقلب غزال الخروف هكاليوم من السرعه المشكله انا وقته مكسوره ايدي مابي حيل مطارد واللي المفروض بيلحقه معي هرش شوي مايقوى اشوا جا اخوي وشطفنا ماشاءالله ويطارده والله بدون مبالغه بيننا وبين مكان مسكتنا اياه يمكن فوق 20 بيت و4 شوارع يعني بحاره ثانيه وطبعا الخروف وقف من نفسه لأنه تعب من الركض على طاري الخرفان بزارينكم مثلنا يسمون عيد الضحيه عيد الخراويف وعيد الفطر عيد الطرطعان عاد اجواء العيد سبحان الله تفرق من عائله لعائله هذولا ناس يجتمعون عند جدهم وذولا ناس يذبحون بالمقصب وذولا ناس يجيبون لهم خروف واحد ويطقطون عليه على خفيف بس الأجواء بشكل عام حلوه , خصوصا اجواء الجمعه من بعد صلاة العيد تاخذ لك فنجال قهوة مع امك ثم اسدح المذكور اعلاه وبكل ماتملك من قوه تذبحه كل سنه اقول لأهلي نفس الأقتراح , اقولهم وراه مانذبحه بمشرط ؟ اسرع واحسن مب نقعد ساعه نسن نسن نسن بهالسكاكين والخروف يسمع هالمسيكين ويتشهد تبدا اجواء عيد الضحيه من قبل عيد الضحيه بيومين ثلاث ايام تطلع لسوق الغنم , وطبعا تصير لابس اشين ثوب عندك عشان ماتطبع الريحه ولازم تاخذ معك واحد فاهم ( شايب ) يقعد يفتح افاميهن ويقولك ايه هذا ثني ايه هذا صغير حاولت افهم وش العبره بهالسنون وطريقتن عجزت المهم وربَط هالغنم وبصندوق السياره طبعا من سوق الغنم للبيت رقبتك تقريبا تلتفت على ورى اكثر من قدام هو قام ؟ هو طلع ؟ انتبه لايهج مربوط زين ؟ ارهابي ارهابي بالصندوق مب خروف وطبعا من يوم تطلع من سوق الغنم لازم كل سنه تشوف خروف شاطفك بوسط الشارع وراعيه يلاحقه طبيعي جدا ولا بوسط الدائري واقف واحد من الخرفان قام وبغى يهج اللي مرتاح اللي يحط الخروف بشنطة السياره على طاري خروف بشنطة السياره شفتو هالمهستر ؟ مهستر صح ؟ نوصل للبيت وعاد خذ فنون التربيط , لازم ياتربطه بنخله , ياتربطه بماصورة الغاز ولا ماصورة الماء , ياحاجره بشبك الدجاج واول شي يصير اول مايدخل الخروف البيت يجونك بزران العائله كلهم حتى ابو 5 اشهر يجي ويناظر الخروف بع وكلهم تمسك معهم بيعطونه علف لا ورهيبين بزارين هالوقت يبي الخروف ابيض مايبي نجدي طال عمره يبي ابيض احلى ونظيف شوي تنام بالليل على اصداء الخروف يثاغي ويشغلك احيانا لييه يشغلك ؟ اذا صار الخروف لحاله لأنه يسمع صوت خروف جاركم اللي قاعد لحاله بعد ويبدون يسولفون تحس انهم يخططون للهجه او يتفكرون وشلون بنغتالهم عاد تقوم فجر العيد وتروح تصلي العيد وترجع تاخذ كم تمره وفنجال القهوة وبعدين تجتمع شلة الذبح والصلخ ويالله واحد يمسك رجلينه والثاني ايدينه والثالث ماسك راسه واذبح والدمان تتطاير والبنات من ورى الدريشه يقولون ووووووع والبزراين وجيههم كذا وابوك ولا جدك ولا عمك يقولك ايه زود عليه زود عليه الين يطق العظم تحس ان الخروف يسفل بهالشايب وبعدين تقعد تنتظر لك عشر دقايق وسؤال العاده مات ؟ تتوقعون مات ؟ هاه طلعت روحه ؟ لا لا انتبهو امسكو رجلينه تراه يقوم << هالكذبه له 20 سنه يسمعه انه انتبهو تراه بيقوم هاه مات ؟ شوي اثر الخروف ينتفظ يجيك اكبر واحد بالعائله ويقول قايلكم انتبهو هه شفتو قايلكم مامات تراه يقوم تصير انت ماسك السكين وجسمك كله دم وتشوف الشايب بنص عين ودك تتضارب معه ثم عاد تبدا تنبيش رجلين الخروف وتربط به الحبال ويالله للونش وابدا ارفعه فيه واصلخ وخذ لك فنون بالصلخ ويقولون لك انتبه ترانا نبي الكرشه لاتحلته انتبه للكبده لايجيه شي وكلن يزن فوق راسك من جهه تخلص خلاص وعند اللحظات الأخيره من الصلخ والتقطيع يبدا تنظيف الحوش واللي يروح يتروش تقعد اثر الكبده جاهزه ويجونك فئه مايكلون كبده تلقى قدامهم علبة جبن سائل وصاولي ويختلفون عاد الناس بالكبده اللي يحبه كبده ساده مع كشنه بس <<<< +111 واللي يخلطون معها لحم وكرش ومادري وش الا كد جربتو الكبده المشويه ؟ تضرب من هالكبده واثر الظهر مذن يالله يمديك تصلي وتحط راسك وتخمد 
|
| مواقع النشر (المفضلة) |
| الكلمات الدلالية (Tags) |
| ملتووش, لعنونكم, الخرفان, عيد |
| أدوات الموضوع | |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بمناسبة عيد الأضحى "حلى الخرفان " | كلي تفاؤل و أمل | الركن العام للمواضيع العامة | 13 | 2012-10-23 01:02 AM |
| كاريكاتير عن الخرفان في عيد الاضحي | #منال | الركن العام للمواضيع العامة | 12 | 2011-11-01 09:25 AM |
العرض الشجري