سجل حضورك بمشاركة لليوم الوطني

[فائزة محمد علي مسعود]

يا وطنا دام عزك شامخ والدين سيرة
.................. مارضينا غير ارضك نسكن ونعشق ثراها


انتمي لك والفخر لي شخص وارضه جزيرة
.................. من يلوم اللي يحبك ام وتغلي ضناها


يالسعودي بس اسمك لا لمع في كل ديرة
.................. والله انه تاج اكبر من على هامة سناها


شعب ودستور وأمه ترتوي من فيض خيره
.................. لا عدمنا من حكمنا ولا نسينا من بناها


من شمالك لي جنوبك كل شبر فيه غيره
.................. حاسدك ربي يعينه مادرى انه ما نساها


يحتمي بك رغم غيضه اه ياشين البصيره
.................. وين ماترحل عيونه يرجع ويذكر سماها


كل حرف لا كتبته غير اسمك استشيره
.................. وين يا كلي تمهل ارفق ولملم حلاها