اتركي لمساتك الخاصة ..

[كلي تفاؤل و أمل]

النوع الثالث من الفطائر ..

|| وردات التونه واللبنه ||

للأسف ضاق الوقت علي ولا فضيت اصور ..

بس حلو لحقت اصور لكم الشكل النهائي ..

اترككم مع الصور ثم اقولكم ع الطريقة ..

وردات الجبن ..

وردات التونه ..

الطريقه :

نفرد شريحه توست بعد ما قطعنا حوافها .. قم نقطعها ع شكل ورده ..

بقوالب الكب كيك ( الصغيره ) نضع في كل كب ورده
( على ان حواف الورده تكون بارزه شوي ) << يعني يكون للورده حواف مرتفعه ..

ثم ندهنها بـ زيت زيتون مع شوي ثوم بودره واوريقانو ..

ندخلها الفرن لحد ما تتحمر الاطراف ..

بكذا خلصنا الاساس ..

نجي الحين للحشوات ..

لكـ حريه الإبداع في الحشوات ..

انا سويت منها نوعين ( جبنه - تونه )

حشوه الجبنه :

باقي جبن ( فطائر الببروني ) + شوي كريمه خفق +رشه ملح وفلفل + شطه سومطره

وشوي بهارات= ( ثوم بودره -اوريقانو - بابريكا ) .. حسب ما تحبين من بهارات .. بس لاتكثرون حتى لاتطغى نكهه البهارات ع نكهه الجبن ,.. بالخلاط لحد مايكون عندنا خليط شوي ثقيل

وفي قمع تزيين الحلويات سوي لك احلى وردات جبن .. ورشيها بـ باريكا

حشوه التونه :

بسطه وسهله ..

تونه + مايونيز + كاتشب + شوي ليمون + بهارات >> اخلطيهم زين ثم حشي فيهم الوردات ..

واخيراً .. بقطاعات ورد صغيرات اقطعي من شرائح الجبن الشيدر الاشكال اللي تحبينها وزيني فيها التونه ثم رشيها بـ بابريكا

النوع الرابع من الفطائر :

|| رولاآآآآت التـــونــــهــ ||

وهذي مثل الوردات مالحقت اصورها ..

نفرد خبز توست بعد ما قطعنا الاطراف ..

ثم نشوي حشوه تونه ( مثل حشوه وردات التونه ) ..
نضع ملعقه صغيره من التونه << وننتبه ما نكثر لاننا اذا بدينا نلفها رح تطلع التونه برا التوست
نفرد التونه ع شريحه التوست ثم نقطع شريحه جبن شيدر لنصفين .. (لاتقولون قليله تكفي وزياده )

بعد ما فردنا التونه نضع نص شريحه الجبنه ع اول شريحه التوست ثم نبدأ نلفها ..

رح تلاحظون ان شريحه الجبنه رح تمشي معكم وبتوقف ع حافه شريحه التوست << يمكن صعب تتخيلونها لكن لما تطبقونها رح تتذكرون كلامي ..
وبالاخير ..

نقطع كل روله توست لـ 3 قطع .. ونقدمها بورق بلاسيه حلو ومرتب ..

النتيجه ..

.. صورتها لكم من صينيه التقديم ..

النوع الخامس والآخـــ ي ـــر ..

|| تـــــآآإارت اللـبــنـهــ الحــاآآآآرهــ ||

هذي كنت اشوفها بالمحلات .. وعند بعض الحريم اللي يبعون ..

قلت والله انا مو اقل منهم .. اقدر اسوي مثلهم واحسن بحيث اني اسوي
الحشوات اللي ابيها بالشكل اللي ابيه ..

المقادير :

كاس طحين

اصبع زبده
م ص سكر بودره
نص م ص ملح
2 م ك جبنه بارميزان
م ك اوريقانو
نص فنجان ماء بارد

بمحضره الطعام لحد ما يكون عندنا عجينه شبه متماسكه

نلملمها ع بعض ثم نغلقها وندخلها الثلاجه ربع ساعه

نفردها ونقصها ع شكل دائره .. نضعهم في قوالب الكب كيك الصغيره ونخرمها بالشوكه ( ومثل ما قلت بالوردات اقول هنا ) .. نسوي لهم حواف مرتفعه ..

نخبزهم لـ حد ما تتشقر ..

ثم نحشيها باللبنه الحاره بـواسطه قمع الحلويات ونزينها بالفلفل الاحمر الحال المخلل

حشوهـ اللبنهـ :

لبنه + فلفل احمر مخلل حار مقطع صغير + شطه سومطر + رشه ثوم واوريقانو

وبكذا اكووون خلــصــت من موالح الشــاي الغريبه والجديده ..

وهذي صور لهم في صينيه التقديم ..

وهذي بعض الصور .. لـ موالح شآآي

جمعت فيها بين الغريب والمعتاد ..

وهذي فطائر جبن شيدر .. ( نسوي فطائر عاديه بس نحشيها جبن شيدر ونزينها بالسمسم وحبه البركه )

فطائر الفلافل المفتوحه ..( نشري من الخبازين ميني مفرود - يجي حجمها حجم راحه اليد - ونحشيها فلافل وبقدوس وصلصه طحينه )..

.... والحمدللهــ تم موضوعي ع خير ...

وموالح الشــآآآي بين يدينك ....

المجال مفتووح لكــ

تبدعين ..

تخترعين ..
والاهم تستمعتين ..

قبل لا اختم ..

حبيباتي .. وربي تعبت في هالموضوع ..

ما حبيت تكون افكار تقديم الشآآي استفيد منها انا بس ..
حبيت تستفيدون منها بعد انتم ..

لذلك لاتنسوني من صااااالح دعواتكم ...

حفظكم ربي ..

منقوووووووووول لعيون بنات منتدانا الغالي

بالعافيه ع قلوبكم
^_^