زوجة تعترض بأن يكون لزوجها واتس أب

[ابو رهف الصبحي]

قصيـــدة زوجة تعترض بأن يكون لزوجها واتس أب
من غيرتها الشديدة عليه

فقالت:

والله وأنا بنت الرجال المشاكيل
ماتحط الواتس أب ياعبيد عندي

ماني مثل باقي الحريم المهابيل
رجالـها لاراح مــرواح جدي

(نوكيا) ماعذرب كثير الرياجيل
ألو تكفي كان تبغێ مـــردي

ماتنفع الموضة وكثر الأقاويل
وش فادت الموضة جدك وجدي

ياعبيد ذي والله سوات المهابيل
وان ما نفع قولي طلاقي بيدي

والله وأنا بنت الرجال المشاكيل
مايشتغل الواتس أب ياعبيد عندي


رد الزوج


والله وانأ عبيد راعي المعاميل
لانزل الواتس اب وانتي بحدي

ما همني وان قيل عنا مهابيل
هذا تطور وأنتي يابنت هدي

نوكيا ماضي وتطور الجيل
امشي مع الآيفون كني أفندي

دايم يونسني مع تالي الليل
وقصر علي صوته وجيبه لخدي

لا صرت جالس والبشر دمها ثقيل
عودت للي يوم ما صار ضدي

اضحك معه ويجر عندي مواويل
ويوصل الأخبار يا بنت عندي

تطوري ودشي مع تالي الجيل
وخلي السوالف لا تزيد التحدي