بنت الحجاز ونوال تعالوا ابغالكم برفع برقية

[بنت الحجاز111]

أهلين خيتو أم عيالها ونوال والجميع
ماعليش توني اشوف موضوعك وبالنسبه للبرقيه نوال ربي يسعدها الي رفعتها
ثاني شي احنا اخدنا كم شهر وإحنا نجمع بيانات خريجات قدامى ومعي نوال ونهله ورحنا جمعية حقوق الإنسان ورفعنا تظلم واغلب بنات المدينه قالوا إحنا معاكم ولما وصلنا هناك وجات الصحافة للتصوير اتفاجأت انه ماجاء إلا الأخوات حكمة اليوم ونهله وليان وديمة الأمورة ووحدة من الأخوات من خارج المنتدى!!!!!!!!!!!!!!!!!!!!!!!!!!!!!!!ماأدري لمتى خوف بنات المدينة
المهم طول رد الوزاة كم شهر وفي النهاية قالوا كل وحدة تستنى دورها ورقمهافي التعيين
وبالنسبة لي أنا خريجة عام 1421هـ ومعاي خبرات في التدريس 6سنوات تقريبا في مدارس أهلية من غير التعاقد في قرية قبل العام- والعام في المدينه ولله الحمد وهالسنه كمانت
ويابنات والله لولا تلاعب إدارة التربية والتعليم بالعقود والأرقام كان من زمان جاكم التعاقد
انا العام قالي زوجي اجيب لك واسطة قلت له لا الله لايجعلني اجي مكان احد
المهم اتصلت على ادارة التربية والتعليم اشوف رقمي وإتفاجات انه مو نفس رقمي بالديوان وبعدين اكتشفت تلاعبهم حاطين قبل 14 وحده وبكدا اتاخر رقمي المهم تابع زوجي الموضوع واكتشفنا انهم شايلين عقدي وحاطين مكاني وحده
واسمي طبعا موجود في الكشف الي فيه اسماء الي راح يتعاقدوا معاهن إلا أن اوراق مباشرتي ماهي موجودة ولقيوها في درج مكتب احد الموظفين وحاط وحده مكاني وحاط مباشرتها وليومك هذا وانا ادعي عليه الله لايوفقه لادنيا ولا اخره والله ما احلله ولا اسامحه لا دنيا ولا اخره
طيب انا اكتشفت التلاعب وما سكت عن حقي لكن حرام بعض الأخوات مايدروا عن التلاعب وماجاهم التعاقد بسبب هالأشكال
والله العظيم حرام
واقسم بالله إني وجدت متعاقدات مالهم إلا سنتين متخرجين وبتقدير جيد ومتعاقدين معاهم ولما سألتهم انتم من طرف مين قالوا لي
يعني الأمر واسطة واكل لحقوق الخريجات القدامى الي لهم اكثر من 10 سنوات واكثر يستنوا تعيين او تعاقد وماجاهم وغيرهم توه متخرج والواسطة جابت له تعيين لحده بدون وجه حق