معلم جديد بالمدينة ـــ خدمه منكم وصف مكان مركز الأمير سلطان

[علي المزيني]

السلام عليكم ورحمة الله وبركاته

أنا معلم من خارج المدينة أبي منكم وصف لمركز الأمير سلطان الأجتماعي بالحره الشرقية وأنا داخل من القصيم ،،،
كذلك أبي شقق عزاب تكون غرفتين ،،،، دولني على شقق وكم الأسعار عندكم

[ماك عزوز]

تفضل اخوي الرابط
http://wikimapia.org/#lat=24.4782046...6&l=10&m=s&v=9

وبالنسبة للشقق خلينا نتأكد من مكان التوجيه والمدرسة وبعدها نشوف وين بنسكن ...

[MUNAWER]

ياجماعة الخير والله ماأعرف بالخرايط
أبي وصف من مدخل المدينه
وأنا جاي من الرياض

[علي المزيني]

أبي وصف الخريطه ذي ما هي واضحه تكفووووووووون وصف الداخل من القصيم

[اشواق منتظره]

السلام عليكم
اخي الكريم المركز وسط الحي في الحرة الشرقية
نحن اهل المدينة نتوه فيه
الافضل لك اخذ رقم المركز وتسالهم وتكون معهم خطوه خطوه
او ممكن تستاجر سواق اجره يوصلك له
اعانك الله

[ماك عزوز]

والله مو صعب الوصف بالنسبة للخريطة سوي تصغير وتعرف الإتجاهات
انا مو من اهل المدينة بس اخذت فيها جولة بداية الأسبوع و المنطقة ما تضيع كثير
من الطريق الدائري الشرقي تنزل على طريق المطار بإتجاه الحرم ، تلف يسار مع الدخلة اللي فيها اسواق البدر ويمين من عند الصيدلية اللي بالصورة ...

دعواتك ..

[مدرس عاطل جداً]

تراه يضيع لكن أقرب مكان يمكن أن تسأل فيه هو
توجه إلى الحرة الشرقية اسأل عن حي اسمه الصالحية وإذا وصلت الصالحية اسأل عن شارع اسمه المنارات وتوجه إلى مدرسه اسمها الاحنف بن قيس الابتدائية ومن هذه المدرسة يكون المركز جداً قريب
ممكن أي واحد يدلك

ملاحظة / بما أنك من القصيم حول تدخل شارع المنارات من طريق الملك عبد العزيز أقرب لك من الدخول من طريق المطار

أما بالنسبة لشقق العزاب فهي متوفرة في كل مكان ( السيح / الحرة الشرقية / الأعمدة / العزيزية / الجرف ........ وغيرها
أما الأسعار فبالتأكيد تختلف من مكان لآخر ومن شقة لأخرى .

[علي المزيني]

موفق بإذن الله ... لك مني أجمل تحية .

[عبدالله الحربي2011]

أنا اقو لك يالغالي أسأل عن حي الصالحية وأسأل أي واحد هناك راح يقولك لانه قريب من هذا الحي

[سفير المدينة]

[align=center]
أولا ألف مبروك التعين يالغالي
ونسأل الله لك التوفيق والسداد
وهنيئا لك القرب والجوار بمدينة المصطفي عليه افضل الصلوات والتسليم
اضع لك وصف تقريبي وبسيط إن شاء الله يسهم في مساعدتك
عندما تأتي من طريق القصيم الى المدينة تجد اول كبري امامك يوصلك طبعا الى مسجد قباء ادخل من قبله بطريق الخدمة ولا تصعد مع الكبري
تجد اشارة امامك بعد ما تدخل خط الخدمة المجاور للكبري لف يمين من عند الاشارة سوف تجد نفسك في الطري الدائري الثاني ( طريق الملك عبدالله ) المتوجهة طبعا الى جبل احد امشي على طول يواجهك دوار الملك عبدالعزيز اعبر من تحته وبعد ما تمشي مسافة بسيطة يواجهك دوار المطار بجوار شركة نيسان خذ الدوار وتوجه يسار تدخل مع طريق المطار الموضح لك بالصوره العلوية من قبل الاخوان تواجهك اشارة تعداها وبعد ماتمشي قليل تجد على يسارك سوق البدر الموضح بالرسمه السابقة خذ الاشارة المقابلة لك وارجع له يسار وخذ اول لفه يمين من بعد السوق توصلك للمركز
[/align]