تعال ارسم بقايا الحلم وكمل باقي الصورة

[منى الحازمي]

؛
تعـال ارسـم بقايـّا الحلـم وكمّـل باقِـي الصـوره
وعلقّهـا عـلـى قـلـب ٍ يشـوفـك حِـلـم يهـنـى بــه
وعليّ اترك سَـواد الوقـَت والويـلات وكسـَوره
وتعال بشوفي واتغَطى عـن أيـة ريـح بأهَدابـه
لشيلك عـن ظـلام ٍ خـذ شعاعـي واهتنِـي بنـوره
واذا بك جِرح حّي الله راعي الجِرح ومن جابه
همـومـك هاتـهـا فيـنـي احـبـك يعـنـي مـقـدوره
احبـك تنمحـي همومـك ولا لـك هـم تشقـى بــه
انـا لـك مـن هنـا حتـى مغيـب العمـر وزهـوره
الـى مشـرق مشيـب العمـر ليـن يغيـب بترابـه
نويت اخذك واعطيـك الخفـوق وباقـي شعـوره
حـلالـك دمــر وعـمّـر حبيـبـي انــت اولــى بــه
تظلـل بالحنـان ولـك غيـوم الـشـوق ممـطـوره
ولا تفـكـر بــأي لحـظـه يمـسـك قلـبـي بعـتـابـه
واذا عاتـب انـا احشـه حبيبـي لـك مـن جـذوره
واحبك فيك من قلبك هو اطهر قلب اسمـى بـه
حبيبـي بـس تعـال ارسـم وكمـل باقـي الصـوره
وعلي الباقـي لاتحاتـي جـروح الوقـت وانيابـه

[خـــالد الســـالم]

سلم نبضك على الرائعة

لا عد منا روائع جديدك

لك ودي

[نهر الأمل]

الله يسعدك منى ويعطيك العافيه على الذوق في الإختيار قمة الروعه لاحرمنا الله تواجدك ياغاليه

[منى الحازمي]

المشاركة الأصلية كتبت بواسطة دائم الود

سلم نبضك على الرائعة

لا عد منا روائع جديدك

لك ودي

الله يسلمك ويعافيك كللك ذووق
نورت الصفحة بتواجدك
تحياتي

[منى الحازمي]

المشاركة الأصلية كتبت بواسطة نهر الأمل

الله يسعدك منى ويعطيك العافيه على الذوق في الإختيار قمة الروعه لاحرمنا الله تواجدك ياغاليه

ويسعدك ياعمري ويعافيك
انت الذوووق كله
الف شكر