منتديات التعليم توزيع وتحضير المواد
منتديات التعليم توزيع وتحضير المواد
|
|||||||
| الركن العام للمواضيع العامة يهتم بالمواضيع العامه ومناقشتها كما هو متنفس لجميع الأعضاء والزوار |
|
|
|
 |
|
|
أدوات الموضوع | انواع عرض الموضوع |
|
#1
2011-07-04, 04:54 PM
|
|||
|
|||
حقـــــــــــــــوق المرأة مقال
[frame="1 98"] [frame="15 98"] حقـــــــــــــــوق المرأة [/frame]الدكتورة : ليلى صالح عزوز باللهجه الحجازيه الجميلة ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر .... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟ يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك . اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.. طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها .... إن الشحط يتحرك؟ .. أبدا... إن الثور يحس؟ .....لايمكن. لكن هل يمكن يحصل هادا في السعودية؟ أبدا .. واللي يبغى يجرب.... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟ قال حقوق المرأة .. قال. منظر عام رجال محترمين زي الورد واقفين أمام صراف في بنك .. وتِجي أختنا في الله )اللي يقولو إنها مهضومة الحقوق) تتقدم للصراف (ِatm)مباشرة ولا على بالها من ؟؟؟؟؟؟ اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني ... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال .... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس ! ونفس المنظرفي الجوازات .... والأحوال ... والتأمينات .. ويقدر أحد... يقول إنه من ظهر أبوه .... يفتح فمُّه؟ ... على طول يسمع العبارة الشهيرة ... ( عيب عليك .... إنت ماتستحي؟ .. هذه حرمة...إنت ما عندك أهل ...((!ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟ قال حقوق المرأة ... هههه! اقتصاديا شوف الراجل.. السبع... الغضنفر.. المفتري...له ثوبين أوثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ... والمرأة بسلامتها .. بقيمة أدوات مكياجها فقط ... تقدر تفتح محل خياطة رجالي محترم . ويا ريت تحط من مكياجها في البيت.. لأ. دا بَس للخروج ... وقيمة صباع روج والا علبة بودرة تساوي قيمة جوال جوزها .. وكمان ازيدك من الشعر قصر .. مو بيت .. من حقوقها فستان لكل فرح. و مكياج. وكوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.) قال إيه! حقوق المرأة. نفسيا الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين.. ويعني إيه عنده مشاكل في العمل؟! والا أقساط متأخره؟! والافواتير؟! والا مقاضي ما يعرف كيف يجيبها؟! مو مهم ..واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخ مصيف مع ...؟؟؟؟ .. ((مجرد مثل .. ؟؟؟ .. بره وبعيد(( .... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك (لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .. ... ومع هادا كُّلو ..لازم يبقى رومانسي. بينما هي وبكل سهولة تصحى بسلامتها في الظُهر...وتجد الكارثة الكبرى....يوه ... ما عندنا صلصه ...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب. وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا.... يا عيني علينا إللي ما نروح غير يا مصر... يا سوريا ... والسنة اللي غيَّرنا فيها ... رحنا ماليزياوماتقول شوف زوجة فلان ايش عملت لزوجها لانه من المحضورات . وفي رمضان: تعبت ....أوف .....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ....مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟ قال إيه؟ ... حقوق المرأة. أضافه السواق رجال والكوافير رجال والطباخ رجال والخياط الى يخيط توب الست رجال شرعا المرأة لها حظ من أبوها .... وحظ من زوجها . هادا غيرأمها .. وأخوانها ... وأبناءها .. والراجل مطالب إنو هواللي يصرف عليها مهما كان عندها فلوس. وثانيا: الرجال لازم يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم يروحوا ... بينما الست تصلي تحت المكيف ... في غرفتها... وأجرها زي الرجال تماما .... ياعيني .. يا عيني ..والله الإسلام أعطاكم كتير .... وياريتو يِبان فيكم [/frame][font='trebuchet ms', sans-serif] [/font] التعديل الأخير تم بواسطة خـــالد الســـالم ; 2011-07-04 الساعة 04:56 PM. 
|
|
2011-07-05, 02:19 AM
|
[2] |
|
مشرفة عامه سابقاً
 |
الحمد الله يارب الاسلام مكرمنا ولو حياتنا سارت
ع تعاليمه لاصبحت المرأه دوماً ملكه بصراحه استمتعت بالقرأه وخاصه انها باللهجه الحجازيه  اهنئك ع انتقائك لهذا الطرح ابداع وتميز بارك الله فيك ربي يعطيك العافيه دمت بحفظ الله ورعايته الدائمه ^_^ |
|
|
|
|
|
|
2011-07-05, 02:21 PM
|
[3] |
|
(مشـرفة مدرسـة) 
|
ههههههههههههههههههههههههههههههههههههههههه
بجد بجد روووووووووعة فديت الحجاز وأهله المرأه مصانه وتاج على كل الرؤوس ان لزمت ادبها وحشمتها وحجابها والحمدلله عى نعمة الاسلام آخذين حقنا وزيادة مقال أكثر من رائع  يعطيك العافية |
|
|
|
|
|
|
|
2011-07-05, 02:38 PM
|
[4] |
|
عضو ماسي
|
رآئع
رآئع رآئع رآئع رآئع رآئع رآئع رآئع مرآآآآآآآآآآآآآآآ يسلملي اللي كتب المقـآآآآل ششكرآ من القلب |
|
|
|
|
|
|
|
2011-07-05, 03:35 PM
|
[5] |
|
عضو هام
|
الحمدلله الله أكرمنا بالإسلام وحفظ لنا الحقوق ..
ولكن هم مقصدهم من " حقوق المرأه " يريدون لنا الضياع ,, يريدون أن نبيع ديننا بعرض دنيا زااااااائله حمانا الله منهم وحفظنا وجميع بنات المسلمين من شرهم .. الله يسعدها طريقة طرحهاا للموضوع جدا رااااائعه ,, دائــم الود شكراً لك ع النقل الرااااائع وبارك الله فيك ..
التعديل الأخير تم بواسطة بـريـق الأمـل ; 2011-07-05 الساعة 03:43 PM.
|
|
|
|
|
|
|
|
2011-07-06, 12:11 PM
|
[6] |
|
مشرف سابق
|
[quote=كلي تفاؤل و أمل;480869]الحمد الله يارب الاسلام مكرمنا ولو حياتنا سارت
ع تعاليمه لاصبحت المرأه دوماً ملكه بصراحه استمتعت بالقرأه وخاصه انها باللهجه الحجازيه اهنئك ع انتقائك لهذا الطرح ابداع وتميز بارك الله فيك ربي يعطيك العافيه دمت بحفظ الله ورعايته الدائمه بارك الله فيك دمتِ بكل خير |
|
|
|
|
2011-07-06, 12:12 PM
|
[7] | |
|
مشرف سابق
|
اقتباس:
بارك الله فيك دمتِ بكل خير |
|
|
|
|
|
2011-07-06, 12:13 PM
|
[8] | |
|
مشرف سابق
|
اقتباس:
بارك الله فيك دمتِ بكل خير |
|
|
|
|
|
2011-07-06, 12:14 PM
|
[9] |
|
مشرف سابق
|
[quote=قطـــرة نـــدى;481609]الحمدلله الله أكرمنا بالإسلام وحفظ لنا الحقوق ..
ولكن هم مقصدهم من " حقوق المرأه " يريدون لنا الضياع ,, يريدون أن نبيع ديننا بعرض دنيا زااااااائله حمانا الله منهم وحفظنا وجميع بنات المسلمين من شرهم .. الله يسعدها طريقة طرحهاا للموضوع جدا رااااائعه ,, دائــم الود شكراً لك ع النقل الرااااائع وبارك الله فيك بارك الله فيك دمتِ بكل خير |
|
|
|
|
2011-07-06, 05:45 PM
|
[10] |
|
مشرف سابق
|
فديتكـ اخي دائم الود على هذا الموضوع المتميز
باركـ الله في جهودكـ يستاااهل التقييم 5 نجوم |
|
|
|
|
| مواقع النشر (المفضلة) |
| الكلمات الدلالية (Tags) |
| لقاء, المرأة, حقـــــــــــــــوق |
|
|
العرض العادي
