قصتي انا ورفيقي في حراج الغنم بالمدينه وكشفي للحقيقه المرررره

[سـ2007ـاري]

القصة(1) منقولة ومصيبة كبيرة إن صدقت

الموقع : حراج الغنم بالمدينة المنورة

والله العظيم يأخوان روحتي كانت صدفة انا وزميل لي في العمل نبي نشتري ذبيحة رمضان الله يبلغناه واياكم وجميع المسلمين ونحطها في المزرعة قبل غلاء الذبايح مشينا وسمنا الذبايح وحنا نسوم لفت انتباهنا احد الاخوة من الجالية المصريه وحرك من مكان لمكان وحنا واقفين سمعناه يقول ابشتري منك الذبيحتين ب40 ريال والبياع يقول لا اخر سعر بمية ريال قلت لصاحبي معقوله فيه ذبايح بها السعر وش ها الذبايح انا اقول ذبايح صغار بس تعال ورفيقي قدامي رايحلهم المهم تقدمنا شويه عند المصري ورفيقه البايع المهم دفع الميه المصري وشال الذبايح صاحبي من النوع الفضولي قال لي والله غير اعرف قصة المصري وذبايحة جلست اتكلم عليه اترك الناس وانا وراي شغل ماني فاضيلك المهم حبه على الخشم وقالي تحملني تابعنا الرجال جاب سيارة مكتوب عليها اسم المصلخ ركب الذبيحتين وراح وتبعناه شويه الا ووقف عند المصلخ ونزل الذبايح الا كل الثنتين ميتات المهم دخل الرجال المصلخ وتبعناه قلت لصاحبي كلهن ميتات قال كلهن قربنا من الذبايح الا والله العظيم ما يتحرك فيهن عرق طلع الرجال الا معه اكياس حط الذبيحتين في الاكياس ودخل المطعم نظرت في رفيقي.. هولحقه وانا جلست برا.... شوي الا يوم رفيقي زهمني بنغمه على جوالي الرجال في المطبخ وحده وكنه شك فينا المطبخ ما فيه غيرنا خرجت وتصلت على الشرطه في ثواني الا والدوريتين محضره عندنا امسكو المصري وقربنا على الذبيحه المصلوخه والله يامسلمين الذي لا اله الاهو ماتشوفون لحمها من الدود منظر مقزز المهم الذبيحه الثانيه اختفت اخفاها انا ورفيقي نحلف غير يطلع الذبيحه الثانيه والمصري يحلف والله مافيه غيرها مسكوه العسكر بكفوف الا تطلع الذبيحه الثانيه مع كل الضرب انكر جات دوريه ثانيه وجلسوا يفتشون المحل فوق تحت في كل مكان وبعد ما داخوا لقوها تحت كنب في احد الغرف وحضرنا بطاقاتنا ووقعنا وجات ملحق للدوريه وتصوير للذبايح والمحل ..واحد من الاخوان الواقفين سمع الكلام تقدم للضابط وقاله والله العظيم قبل يومين جبت للمطبخ هذا ذبيحه شاريها ب900 لضيف عندي يوم جاتني ذبيحتي ماهي هي مره صغيره وانا شاك فيه المهم اعترف اخينا انه امبدله بذبيحه صغيره بدال ذبيحته وطلب الضابط منه يلحقهم ويكملون الحضر في الشرطه .. وتم تغريم العامل وحكموا عليه بالسجن والترحيل النهائي..... هذي قصتي انا ورفيقي وعذروني على الاطاله وعدم ذكر اسم المطبخ مو تستر لاوالله ولكن خوفا من تضرر صاحبه وما ابغى اقطع رزقه ( اخوكم / ابو تركــــــي )

هل سلمت قبلها ذبائح مثلها ووصلت للمطاعم !!!!!!!!!!!!!!

[سـ2007ـاري]

قصة 2 وتأكيد للحادثة الأولى بالمشابهة

والله واقسم بالله كنت مستاجر حضيره غنم صغيره جداً في السوق المركزي عند تاجر كبير من اهل السوق وعرفني عليه ابنه الاكبر قال لي ابي يريد يعلمك صنعة بيع الاغنام جيب ثلاثين الف يشتري لك بها اغنام وفعلاً احضرت المبلغ واشترى لي الاغنام ووضعها في الحضيره مجوعة تيسوس الله يكرمكم وضع عامل عليها ينظف الحضيره واحضر لي كرسي وقال اجلس هنا كل يوم من الصباح الساعه 6الى الظهر ومن خمسه الى المغرب
والله والله والله واقسم بالله جائني العامل المصري قال لي يوجد عندك تيس مريض مرض شديد ويمكن غداً يموت وانا ذهبت عند ابومحمدواخبرته,,قلت للعامل المصري قلت اذا مات ارميه بزباله ومشيت وفي اليوم الثاني كعادتي ذهبت الى السوق واذا بالعامل يقولي ابومحمد عوضك خير بتيسك المريض قلت التيس اكيد مات قال لالالالالالالالالالالالالالالالالالالالا(ابومحمد اشترى منك التيس وذبحه في المصلخ وانزله الى الملحمه المركزيه في شارع سلطانه)والله هذا الكلام اللي قالو لي المصري والله اني جننت وذهلت الرجل يصلي معي وغضبت وذهبت له واتخاصمت معه قلت له كيف يرضي ضميرك تبيع على الناس لحم تيس مريض قال بدل ماتشكرني اني لم اخسرك تتخاصمي معي وانا اللي كنت اشوفك مثل ابني وكنت اريد ان ازوجك بنت من بناتي واكنت اقول في نفسي انت الذي راح تعوضني عن اولادي,,,قلت انا لااتشرف ان يكون لي اب غشاش مثلك اعطني راس مالي ولا اريد وفعلاً اخذت راس مالي وتركته,,الملحمه المركزيه شارع سلطانه مقابل بنك البلاد,,,ومن فتره سالت عن ابومحمد اريد انا ارى ماذا فعل به الله والله قالو انك كان متزوج اربع نساء من كثر ماقل دخله طلق ثلاثه وبقيت ام اولاده وباع كل سيارات نقل المواشي صار بلقوه يحصل على قوت يومه,,قلت لاحول ولاقوة إلابالله

[سـ2007ـاري]

رقم 3 تتعدد الجرائم والجنسيات تختلف

بيض الله وجهك أخوي أبو تركي أنت وخويك

واحد يقولي كنت طالع في المخطط أنا وعيالي جهة وشويه جات سيارة مطبخ قريبه منا وفيه شاه ميته ومرميه

وريوس عليها وحملها وقلت لعيالي يالله أطلعوا بنلحقه ووراه إلا ما وصل المطبخ وأنا معه وأقول للبنغالي والله

ما تنزلها إلا تجي الدوريه وأتصل على الشرطه وجاته وغرمته وتم إغلاق المطبخ

[فيصل ابوعبدالله]

ياليت الناس تدري ان اغلب الجزارين يغشون الناس واقول يا ساري جزاك الله خير

[ابو جنى 88]

بيض الله وجيهكم
عني انا ماعمري شريت الحم من المطعم ولا الجزار كلة خوف من هذا

[ابو رهف الصبحي]

بيض الله وجهكـ

الله يعطيك الف عافيه .............. واصحاب بيع اللحم هذا حالهم ما يجيبوووون الا اللحم اللي ما له فايده .. وتجلس تطبخ فيه يووم كامل