سؤال للأخوات اللي طابقوا اسنوات الماضية (متى يطلبون اثبات الاقامه)؟؟

[نجمة عسير]

بسم الله الرحمن الرحيم

السلام عليكم ورحمة الله وبركاته

حبيت استفسر يا أخوات ... أنا عندي نموذج اثبات الاقامه وناوية اطبعة ان شاء الله واكمل البيانات فيه ..

لكن حبيت استفسر في حال لو طلع اسمي من المرشحات :

متى يطلبونه .. لازم أجيبه بنفس يوم المطابقة ؟؟ أو له مراجعه ثانية ؟؟


أتمنى الإجابة من اللي عندهن خبره أو ترشحن السنة الماضية أو يعرفن أحد الإجابة

وشكرا





.

[المعلمة نهى]

ماشاء الله ناويه تعبين النموذج

باقي عليك تسوين الكشف الطبي

يأختي خل اسمك يطلع اول شيء

[نجمة عسير]

المشاركة الأصلية كتبت بواسطة فاصل 1

ماشاء الله ناويه تعبين النموذج

باقي عليك تسوين الكشف الطبي

يأختي خل اسمك يطلع اول شيء

مافهمت عليك ؟؟

يعني الكشف الطبي قبل تعبئة النموذج ؟؟؟

اللي أعرفه .. ان النموذج اول..

لكن أنا ودي اعبي النموذج لأن في عمل ولي أمر ي الموظفين باااااااااردين تعطيهم ورقة اليوم يوقعونها ويختمونها بعد اسبوع !! غير إننا الحين في اجازة وأخاف المسؤول عن ذا الأمور يسافر أو شي وأتورط

فقلت استدرك الوضع بدري

طبعا هذا في حال لو طلع اسمي :/

يارب ترزقني الوظيفة أنا وكل محتاجة ياااارب




.

[المعلمة نهى]

ياختي المقصد خل اسمك يطلع وطابقي بياناتك

بعدين يعطونك نموذج اثبات الاقامه ولا تعبين شيء يمكن النموذج اللي بتعبينه يحصل عليه تعديل

والكشف الطبي يعطونك ورقه من عندهم

ومافي شيء مسؤول يمكن يسافر ولا يحط بعده رجل يصرف الامور والا كان الدنيا خربت

على العموم ريحي واستريحي الى الانتهاء من مطابقة الرجال في 5/8

وتقبلي وافر الشكر

[برشلوني]

الأخ الفاضلة خريجة تربية خاصة
ماعندي علم للأسف
كان بودي أفيدك

الله يوفقك
وتتعيني هذه السنة

[نوال]

ما شاء الله مره متفائله الله بزقك يارب من واسع وتفرحين بالوظيفة

ان شاء الله اللي عندها معلومة تفيدك
تحياتي

[عنــــــــ امل ـــــدي]

اسأل الله ان يرزقنا واياكم من واسع فضله
لااعلم ان شاء الله من عنده معلومة يفيدك

[ام خالد*]

ان شاء بيطلع اسمك .. تفاءلوا خير تجدوه ..

انا طابقت العام .. فالبدايه لو طلع اسمك تروحين تطابقين على الوثيقه والهويه فقط ..

واثبات الاقامه يكون له موعد ثاني له مع المقابله والكشف الطبي..

اتمنى التوفيق للجميع

[ام القمرين]

طابقي أولا بوزارة الخدمه

اذا أمورك تماااام تجيك رساله ثانيه تدعوك الى استكمال الإجراءات

طبعا تروحي الإشراف التربوي ويعطوك الورقه لإثبات الإقامه عشان تعبوها

[ابووضوحي]

معك حق يا خريجة تربية خاصة لازم تكون اوراقك جاهزة شوفي اذا طلع اسمك ان شاء الله يطلع تتوجهين لفروع وزارة الخدمة المدنية و معك اصل الشهادات و الخبرات و الدورات اذا كلها سليمة و لا يوجد تعارض يطلبون منك اثبات الاقامة على طول اذا اثبتي الاقامة خلاص ضمنتي التعيين
اما اذا كان عندك تعارض لا سمح الله يقولون احذفي بعض الخبرات الي تتعارض مع الدورات و يدخلونك في المفاضلة مرة ثانية اذا صار فيه اعلان دفعة ثانية
بنت عمي صار معها نفس الكلام العام الماضي صار عندها تعارض في الخبرات و الدورات لكن للاسف تم استبعادها و ادخلها في المفاضلة مرة ثانية طلع اسمها في الدفعة الثانية بعد التعديل و عند طلب اثبات الاقامة كان عندها عقد بديلة لكن استبعدت للمرة الثانية لان عقدها فصل واحد فقط هم يطلبون عام كامل و الله مسكينة يطلع اسمها مرتين و تستبعد