هل للمتعينه الجديدة اجازة رعايه مولود

[فرح مؤجل]

بسم الله الرحمن الرحيم
انا متعينه جديدة قدمت على اجازة رعايه مولود والمديرة ماعندها مانع بس اشراف المدينه رفض توقيع المديرة على الاجازة بحجه اني في سنه التجربه هل من حق الاشراف رفض الاجازة ومنع المديرة من التوقيع

[العصفوره]

صحيح لا يحق لك طلب اجازة امومه في السنة التجريبية و فيه تعهد توقعين عليه بعدم اخذ اجازه امومه او استثنائيه لمده السنه

[شوق الغلا]

اجازه امومه واستثاني مافيه في السنه الاولى
والنقل مايشملك اذا اخذتي اجازات كثيره
الافضليه للي تداوم وماتغيب وماعندها اجازات

وبما ان ظروفك صعبه الاولى قدمتي في منطقتك الي تقدرين عليها المسأله مو ضربه حظ او تجربه اشوف وين يعينوني هذي مسؤليه
ترا مو سهل انك تترشحين وتنقبلين بعدين بسهوله تنسحبين من الوظيفه لانك تستبعدين كم سنه قدام من الترشيح
لانك بنظرهم غير جاده

هم مو مسؤلين عن ظروفنا هذي رغبات انتي اختارتيها بأرادتك ووعيك الكامل تتحملين نتيجتها
كثير للاسف فاهمين ان المسأله بتجي على هوانا اختار اي منطقه بعدين القى حل وهذا اكبر غلط لانها بتضيع نفسها
كلنا عندنا ظروف اذا بيراعون كل وحده مااحد خلص
حتى المبادله ممنوعه للاسف

مالك الا تتوكلين على الله وتروحين عند اهلك اذا كنتي بحاجه الوظيفه وتذكري الفرصه تجي مره وحده او تتركين الوظيفه
واحمدي ربك انك في منطقة اهلك وعندك من يرعى اولادك وكلها سنه او سنتين او ثلاث تتعبين فيها وتنقلين
غيرك في الشرق راحت الغرب والي في الوسط للجنوب و... الخ
وماعندها احد ولا تعرف احد في المناطق الي تعينت فيها ومع هذا رحوا لانهم اختارو رغبات وكانو قد المسؤليه

[الفايز88]

نظاما مافي شي يمنع ولكن هنا تعقيد ومالها دخل بالسنه التجريبه
وجميع أنواع الإجازات تزيد مدة سنة التجربة بعدد أيام الإجازة

ثالثا : إضافة بعض الضوابط على الفقرة ( ب) من المادة الثانية و العشرين من لائحة الإجازات ليصبح نص المادة كالتالي:

ب / إذا رغبت الموظفة التفرغ لرعاية مولودها فيجوز لها الحصول على فترة أو فترات إجازة أمومة مدتها ( ثلاث سنوات ) كحد أعلى طوال خدمتها في الدولة بربع الراتب بعد نهاية إجازة الوضع الواردة في الفقرة ( أ ) من هذه المادة ، على ألا يقل ما يصرف لها عن ألف وخمسمائة ( 1500 ) ريال شهريا و ذلك وفق الضوابط التالية:

1) أن يكون منح هذه الإجازة للموظفة خلال السنوات الثلاث الأولى من عمر الطفل.

2) للجهة الإدارية تأجيل منح هذه الإجازة لمدة لا تتجاوز ( 60 ) يوما من تاريخ تقديم الطلب إذا اقتضت مصلحة العمل ذلك، ويجوز تمديد فترة هذه الإجازة بشرط موافقة الجهة الإدارية في نطاق حدها الأعلى المشار إليه أعلاه.

3) ألا تقل مدة هذه الإجازة للمعلمة عن فصل دراسي واستثناء من ذلك يجوز منحها هذه الإجازة بقية الفصل بشرط أن تكون متصلة بإجازة الوضع.

و يجوز التعاقد على وظيفة المدرسة الممنوحة إجازة أمومة وفق قرار مجلس الخدمة المدنية رقم 1/ 667 في 24/1/1421هـ.

[باحثـة!]

امممم
أتوقع يمكن ذلك
وتتمدد لك سنتك التجريبية بقدر الإجازة اللي أخذتيها ..
والله ييسر أمرك ..