منتديات التعليم توزيع وتحضير المواد
منتديات التعليم توزيع وتحضير المواد
|
|||||||
| الركن العام للمواضيع العامة يهتم بالمواضيع العامه ومناقشتها كما هو متنفس لجميع الأعضاء والزوار |
|
|
|
 |
|
|
أدوات الموضوع | انواع عرض الموضوع |
|
#1
2009-03-16, 11:50 PM
|
|||
|
|||
معاناة مواطن سعودي تكفون هل عندكم حــل ؟؟
أوجه رسالة للوالد القائد خادم الحرمين الشرفين من واجبات الأبووووه أن الأب يستمع لصرخات أبنه وضمه على صدره وإذابة كل آلامه والملك زي ابوي،، لأحد يتدخل بين أب وطفله ابشرك يا خادم الحرمين الأسعار مضبوطة والمواد الغذائية متوفرة ما نقصنا بس إلا الخبز يرفعون سعره وخذ عندك بعض الأسعار قشطة المراعي صارت 4 ريال حبة المظبي 22 ريال الكفرات ارتفعت 30 بالميه الأدوية 25 بالمية تخيل يا خادم الحرمين جبن كرافت والمراعي السايل ارتفع طيب وش نسوي لبزارينا المشكلة يقدرون الكرافت السايل مع الصامولي الببسي صار 20.5 والأيجارات أرتفعت وقسايم المرور زادت الحمدلله على النعمه أمن وآمان الله لا يغير علينا حتى رز ابو كاس ارتفع لا وازيدك من الشعر بيت رزمة الكراث والبصل صارت بريالين شفت شلون حنا بنعمه تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده ثانيه ونعطي لبنان مليار ونص دولار ونرسل لمصر المعونه السنويه تعرف ماشاء الله حنا.. من كثر الفلل التمليك.. الناس صارو يأجرون ببلاش ممكن طلب طال عمرك.. ابي سلف 12000 ريال عندي دين اسدد فيه لي سنه ولا خلص.. كل شهر 500 ريال الله يرحم حالنا والله.. ابشرك طال عمرك قبل كم يوم حطم سعر برميل البترول الرقم القياسي وصار يباع بـ 99 دولار ورصيدي أيضا حطم الرقم القياسي في نفس اليوم وصار فيه 17 ريال الحمد لله شفت كيف أنا بخير أحب اطمنك صرنا نسوي رجيم غصب عنا تعرف اللحم ما عاد نعرفه حتى الدجاج ما عاد نأكله صرنا رشيقين نسمع بالكرش ما عاد نشوفها نسمع بالبطن اللي لاصق في الظهر يوووووه في كل مكان نشوفه نم قرير العين الشعب بخير لاتتعب نفسيا ودور في النت توأم تفصلهم توائمنا ليش ينفصلووو صلة الرحم زينه خلهم يتشابكون طول العمر يمكن لو فصلناهم يتهاوشون ويفترقون خلهم متشابكين في جسد واحد الله لا يغير علينا ابشرك طال عمرك شعبك تطور استبدل البكاء بطعم الملح ببكاء بطعم الدم آآآآآآآآآآآآآآه يا حلو مذاقه ودك تجربه؟؟ انا أقولك وشلون نظف منزلك من حليب الأطفال نظف جيبك من الفلوس نم ومخباك فاضي خل زوجتك تصحيك من النوم قبل الفجر وتقولك أن طفلك ما عنده حليب دق الشماغ ولف على جيرانك دور سلف.. علشان تشتري حليب لطفلك الجميع بيطردك لأنهم طفارى انس انك ملك وأرجع للبيت بتدخل على أنغام بكاء طفلك عندها ستحتقر نفسك وانت عاجز عن اشباع طفلك عندها ستلعن اليوم اللي انولدت فيه عندها ستلعن اليوم اللي انولد طفلك وصرت مسؤول عنه عندها ستضمه وستبكي من القهر ستنزل دموعك وتحس بطعم الدم في حلقك تذكر طال عمرك يوم حنا صغار وش كانو يقولون لنا كانو يقولون الرجال ما يبكي عيب تطلع دموعه صرنا نصيح عادي البكاء صار ملازم لنا والسبب كومة لحم (أطفال ونساء) في رقبة الواحد يبكي لأنه عاجز عن توفير الحياة الكريمة لهم بس ودي أقولك شي قبل ما أروح أصيح تدري وش معنى الرجل يبكي قدام زوجته وأطفاله معناها تساقط كل قيم الرجولة اللي تعلمناها في طفولتنا معناها إحساس المرأة بالانكسار وعدم الأمان معناها خنوووووع ما بعده خنووووع للظروف القاسية اللي وضعنا فيها معناها أمور كثيرة ارسلها لكل من تعرف عسى أن يصل صوت المعاناة إلى مليكنا والله الموفق 
|
|
2009-03-17, 05:42 PM
|
[2] |
|
مشرف سابق
 |
اشتكى أحد المواطنين من دولة الامارات الى المغفور له بأذن الله والدنا الشيخ زايد عن سكن المواطنين بالايجار فاستغرب وقال هل يعقل أن يسكن مواطن بالايجار وبعدها أمر سموه ببناء مساكن للمواطنين عامه على أحدث طراز ومفروشة بالكامل ... وحكام الامارات ساروا على نهجه الله يحفظهم جميعا ... شاهدوا المقطع ويقسم بالله انه لايعرف ان هناك مواطنين يسكنون بالايجار ... الله يرحمه ويغفر له ... سعودي عايش تحت الكبري http://www.alriyadh.com/2007/08/06/img/048092.jpg عائله تعيش فالبااص http://www.shamsqatar.com/up3/get-2-2009-5fmmkhg4.jpg ما اقول الا الله يرحمنا وهذي من البطانة |
|
|
|
|
|
|
2009-03-17, 10:56 PM
|
[3] |
 
|
ولاة أمرنا حفظهم الله وعلى رأسهم ملك الانسانية خادم الحرمين الشريفين الملك عبدالله لايدخرون جهدا في خدمة أبناء الوطن فالحمدلله نحن تعلمنا من الصف الأول الابتدائي الى نهاية المرحلة الجامعية بدون أي مقابل مادي لكن تكمن المشكلة في أن هناك أناس ليسوا أهلا للمسؤلية لكن أبشركم الخير قادم ولا تيأسوا
|
|
|
|
|
|
|
|
2009-03-17, 11:42 PM
|
[4] | |
|
مشرف سابق
|
اقتباس:
صدقت ورب الكعبة صدقت ورب الكعبة حسبنا الله ونعم الوكيل يعلم الله العظيم إني أعرف ناس من عزة أنفسهم لم يطلبوا أحد لا سلف ولا دين ولم يذهبوا لباب أحد يطلبوا المساعدات وأراهم أخر الليل يجمعون من براميل الزبالة وأكوام القمامة ماينفع للبيت من حاجيات وطلبات وأنا أعرفهم شخصيا ( أب وإبن وإثنتان من بناته ) يارب رحمتك يارب رحمتك يارب رحمتك |
|
|
|
||
|
|
|
|
2009-03-18, 11:53 PM
|
[5] |
|
عضو ذهبي
|
[align=center]
استاذ غازي لا اقول الا حسبي الله ونعم الوكيل استاذ حسين ولاة الأمر اعتقد لا يعلمون بما يحصل للشباب فو الله امور تشيب الرأس استاذ بندر اللقماني يارب تعوض صاحب قصتك خيراً فوالله لولا الحياء المتأصل بنا لا رأينا العجب العجاب [/align] |
|
|
|
|
|
|
|
| مواقع النشر (المفضلة) |
| الكلمات الدلالية (Tags) |
| معانات, مواطن, تكفون, يــآ, سعودي, عندكم |
|
|
العرض العادي
