طالبة تدرس في الثانوية الاولى

[طالبة_]

السلام عليكم
انا كتبت هذا الموضوع وانا متأكدة إن بتصير مشاكل كثير عليه بس من القهر اللي فيني
أول شيء الثانوية الأولى من أسوء المدارس على المدينة من كثر ماعنيت فيها والى الآن أعاني من معلمات وبنات وادارة ومرشدة وكل شيء
انا أدري بتقولون عممت إيه صح مو الكل لكن الأغلب من جهة المعلمات غير التعامل السيء من الأغلب والألفاظ ويضغطون عليك في الدرجات والمشاريع والاختبارات بتقولون كل المدارس والمقررات كذا إيه صح بس يراعون ان الانسان عنده ظروف وممكن هذي الظروف تكون اقوى منه بس ما تلاقون اللي يراعي وكل ما قلتي شيء تتهزئين وغير الالفاظ اللي يتعدون عليك فيها من غير لا اذكر الاختلاف الطائفي لانو ذا الشي راجع للشخص نفسه وتحسبون المشاريع اللي منزلينها ذي نشوفها حق الموجهات والمشرفات ويصورون وخلاص وغير الفلووس والاغراض مشروع التربية المهنية حق ثاني ثانوي علمي كلف بعض البنات حتى وصل للالف
والشرح يعني بدون مبالغه ثلاث ارباع البنات بمدرسات في البيت عشان يجيبون درجات لانهم مايشروحون ولمن المديرة تجي بتحظر درسها انواع النفاق ويستخدمون استراتيجات وافكار وهم بالحصص العادية ولا شيء من ذاك النفاق كله
وللامانه اللي يشرحون ينعدون على الأصابع وتجيك ما تشرح ولسانها اعوذ بالله ضغط على ضغط على ضغط بننفجر
بتتوقعون اني بنت مستواي مو هذاك الشيء لا بس درجاتي الحمدلله وتقديري ما ينزل عن ممتاز
يعني عشان تصدقون ادخلو فصل اسمعو معاناتهم مع الابلات لا تقولون مرشدة ومرشدة اكاديمية لانهم مايحلون شيء خذو مثال اشطر بنت من كل فصل بتلاقون عندها مدرسه لكل مادة تجيها البيت بدل الافكار اللي يسونها ادخلو فصل فصل واخذو احصائية بأسماء الأبلات وايش مسببين لنا من ضغط وخلوها تتعاقب زي ما توزعون اشعارات ضعف واشعارات تفوق
نحتاج وقت نقلكم الابلات اللي ما يشرحون كل الفصل يتفق عليهم وتطبقون عليهم عقاب
ما نبي شيء بس نبي نفهم
طبقو اقتراحي والابله الي يشتكون منها كل الفصل بالفاظ او اي شيء تتخذون معاها اجراء بدون مايتعرض الفصل او البنات لأي شيء مقابل الابلة الي يمدحونها كمان تستاهل شيء مقابل اخلاقها
ترى هذا شيء غير البنات عاد البنات شيء ثاني
ندخل دورات المياه نشوف مناظر ولا فيه رادع وغير الالفاظ والمصايب الي يسوونها والي يجيبونها
بتقولون المتربية بتمشي طيب انا وش ذنبي اشوف كذا
والمرشدة اسوء اش اقول وش اخلي
كلهم ما عندهم وقت يسمعون شيء ووقت من تصير المشكلة يصيرون طيبين
ترى تعبنا والله المدرسة كلها نفاق نفاق نفاق نفاق بشكل موب طبيعي
لو اكتب من اليوم لبكرا ماباخلص
بس تعبت يعني انا متحملة وما كنت اشتكي لين واجهتني ظروف اقوى مني وحسيت بالضغط من البيت والمدرسه واش بيسوون فينا وينسون كل شيء ويحاسبونك على التقصير ذا طيب انا عندي ظروف اضطرتني لكذا لو وحدة منكم كانت محلي بتحس فيني
وبس تعبت وبنزل الموضوع وعندي الجرأة اني اكتب اسمي بس بتصيرلي مشاكل مالها اول ولا آخر.

قبل كم اسبوع انمسكت من معلمات النظام بسبب فطور في شنطتي ايه ادري انه ممنوع والمدرسة مسؤولة توفرلي وجبة فطور فقط بس ما تدرون انا وش عندي مشاكل صحية تخليني احتاج لنوعية اكل معينة او كمية اكل بزيادة وقد تكون اسباب مادية واذا ماكان عندي وفرولي شيء غير الجبن والزعتر اجلس ثلاث ارباع الفسحة انا انتظر زحمة المقصف عشان فطور هذا شيء من الاشياء

اسبوع القدرات كان فيه توتر مو عادي ما تتخيلون حجم الضغط الي اتعرضناله ولا احد يراعي ما عندي اعتراض على اي شيء بس كل المدارس ذا الاسبوع خففو من الواجبات عشان يمدي نذاكر لو شوي ادري المفروض الاستعداد من اول بس نحتاج لراحة على الاقل اختبرنا فيه كثيير وواجبات اكثر غير القلق اللي بالاختبار راعونا شوي
لو باكتب معاناتنا كلنا ما بيكفي موضوع في منتدى