تعالوا يا سعوديين ياللي تنتظروا 52ألف وظيفة تعليمية

[برشلوني]

كلنا سعوديين

وأجزم غالبية العاطلين عندهم ولاء أضعاف ما لدى المسؤولين

أثور من دونه وانا سعودي وانا طيّب جنا
منهو يشكك في ولائي فالسريره والعلن

الموضوع حساس واللي ماعنده سالفة ياليت يتحفنا بصمته

اليومين القليلة الماضية لاحظوا أقول فقط يومين
أقول التالي :

تبرعت السعودية للسلطة الفلسطينية بـ 30 مليون دولاااااار

تبرعت السعودية للصومال بـ60 مليون دولار ( هالضعوف والله يستاهلونها )

تبرعت السعودية بمليـــــــــــــــــار دولار للأردن !!!!!!!!




شوفوا ملكنا مو مقصر مع اللي برا
وماعنده خبر عن اللي بالداخل يا ترى مالسبب ..؟؟
السبب هم المسؤولين
وكلنا ندعي اللهم أصلح البطانة

ملكنا الغالي أصدر أمر بإستحداث 52ألف وظيفة تعليمية رجال ونساء
فكان ذلكـ كالصدمة على مسؤولي التربية والخدمة

فقالوا مالنا إلا نماطل بالمواطنيين
ونلعب بحسبتهم

إلى يومكـ المتحدث الرسمي باسم وزارة التربية لم يصرح بشيء
تعبنا منهم ومن صمتهم

والخوف كل الخوف أن يتجاهلوا أمر الملكـ في حق المواطنين

نطالب بسرعة إنجاز أوامر المليـــــكـ






.

[سلاطين]

هو صحيح الوضع يخوف وما يطمن لكن نمشي معهم للاخر ونشوف وين بيروحون منا

[عـالي الهمه]

هلا وغلا ابرشلوني
اخبارك اعلومك

لاتخاااف يااخوي فيه واحد سميك بمنتدى مجاور يطمن الخريجين ويقول كل من طااابق متعين واموركم تمام ويسند على الحميدي باحد تصريحاتة وكذلك على اصحااااااااب الحصريات
لا تخاف يابعدي حط ابطنك بطيخ صيفي والعهده على ذمة سميك نقلاً عن صاحبة " بداية النهاية "

هههههههههههههه

[خريج 123]

[quote=برشلوني;509033]كلنا سعوديين

وأجزم غالبية العاطلين عندهم ولاء أضعاف ما لدى المسؤولين

أثور من دونه وانا سعودي وانا طيّب جنا
منهو يشكك في ولائي فالسريره والعلن



شوفوا ملكنا مو مقصر مع اللي برا
وماعنده خبر عن اللي بالداخل يا ترى مالسبب ..؟؟
السبب هم المسؤولين
وكلنا ندعي اللهم أصلح البطانة


صدق ضرسكًـ .. وقسم ان ابو متعب جعلني فدوة له ,, مــآ عنده خبر عن اللي دآخل

[بلوزه ورديه]

تبرعت السعودية للسلطة الفلسطينية بـ 30 مليون دولاااااار

تبرعت السعودية للصومال بـ60 مليون دولار

تبرعت السعودية بمليـــــــــــــــــار دولار للأردن

اااااااه ياقلبي

[طلق جدة]

والله ياجماعة ابومتعب الله يحفظه لويدري باللي صار معنا
والله ليفصل وزير الخدمة والتعليم ومعهم حق المالية

لكن البلاء في البطانة واللي حوله مايوصلون له الامور كما هي على حقيقتها

الله ياخذهم إن شاء الله ونفتك منهم

[ليتني طفله واكبر همي لعبه]

ملكنا الغالي أصدر أمر بإستحداث 52ألف وظيفة تعليمية رجال ونساء<<<<<<<<< ربي يحفضك من كل شرويطول بعمرك لبى روحك يالغالي
برشلوني يسلمووووووو على المعلومات
دمت بود

[مدرس فسحة]

والله الملك عبدالله ماهو مقصر بس المشكلة المسؤولين يحسبون أنهم اللي يدفعون من جيوبهم
إذا صار شئ على بلدنا لا سمح الله والله ثم والله ماحد يدافع عنه الا أبناء الوطن والا الاجانب كلن في وطنه بنعمة ووبلفوسنا يتبطحون في وطنهم
آآآآآآآآآآآآآآآآآآآآآه يابلادي

[من ضحايا اللغة]

بارك الله فيك يابرشلوني ، والله إن هذولي المسؤولين أكبر حساد ، مايبونا نتهنى في الوظيفة الا بعد مايلفون ويدورون ومن هالحركات ؛ لكن الله مطلع عليهم من فوق ، هم مايبغون نتعين ونريح أنفسنا ونريح أهالينا واخويانا المعلمين القدامى من حيث النصاب ،الاحتياج موجود وواضح ، على سبيل المثال لوتسأل أي معلم لغة عربية في أي مرحلة كم نصابك يقولك 24 ،مايبون يريحون ذاالآدمي ولوبيدهم عطوه 30 ، ؛لكن بنتوظف غصب غصب عنهم وبنريح القدامى وإن شاءالله يصيرنصاب كل واحد 15 ماعلينا أهم شيء نتعين على المستوى الخااااامس ،هذا أمرأبومتعب موب لعب ووراه أبومحمد الله يحفظهم لنا ، بنروح ونشتكي عندهم وبنتجمع لين نآخذ حقوقنا مثلنا مثل غيرنا

[ابو تركي الازرق]

عندنا مسؤولين فيهم حسد غير طبيعي
رغم أنهم يسبحون في بحر النعيم إلا ان عيونهم (تنط) على اي أمر في صالح المواطن
والدليل تحوير الأوامر الملكية كما تفعل وزارة التربية عن طريق الذنبين الاثنين الفهيد والحميدي بتواطئ وتعاون وزارة الخدمة المدنية التي تلعب دور سمعاً وطاعة سيدتي وزارة التربية
تباً لهم