الناس أجزوا واختكم عايشة في قلق الله يفرج كرب كل من يشور علي بإخلاص

[كاذي الجنوب]

أنا معلمة في مدرسة بخيبر المديرة قالت لي انا وزميلاتي يوم الثلاتاء والأربعاء خلاص لا تجون واليوم الثلاثاء غبت ودقوا علي زميلاتي وهم عايشين نفس القلق محتارين يداومون والا لأ يعني بصريح العبارة مخونيين المديرة يقولون يمكن ترفع فينا غياب وانا خايفة تعرفون ما يخفى عليكم عقوبة من يغيب آخر يوم مدري وش اسوي انا حاليا في ينبع تكفون يا أهل الخبرة ردوا علي وما استغني عن مشورة كل مخلص الشي اللي افكر فيه اذا رفعت المديرة فينا غياب و صارت مشكلة وبعدين انكرت المديرة انها رخصّتنا كيف نسوي علما بأن المعلمات اللي معاي تقريبا في حدود عشر معلمات تكفوووووون شوروا على اختكم

[رمال المدينه]

دام ان المديره قالت لا تجون لاتجون

واذا رفعت فيكم قولوو انتي قلتي لاتجوووووون


ام الحااله والله

[كاذي الجنوب]

المشاركة الأصلية كتبت بواسطة رمال المدينه

دام ان المديره قالت لا تجون لاتجون

واذا رفعت فيكم قولوو انتي قلتي لاتجوووووون


ام الحااله والله

مشكورة يا رمال المدينة على الرد طيب اذا انكرت كلامها انها هي اللي قالت لا تجون وقالت للتوجيه هم اللي غابوا من راسهم وش نسوي استغفر الله العظيم ما صارت هذي اجازة صار قلق حسبي الله ونعم الوكيل

[لانا وبس]

يا حبيبتي اطمني المسؤولية عليها ؛ ولا يمكن تفضح نفسها استحالة (إلا إذا كانت خبلة )
مادام كل المعلمات غايبات لا تقلقي أبداً.

[م ح م]

وكلي امرك لله واحسني الظن مدام قالت لاتداومون خلاص اعتبري الاجازه من يومها
وبعدين وش يحدها تسوي كذا حتى وان سوت اللي خايفة منة عددكم عشر وهذا مايعقل انه تسويها وتغيبكن

وبعدين على فكرة الاجازة الصيفية لا تربط بالغياب

[مهاا العنزي]

هي سوت خير وماقصرت واحسنوا الظن فيها باين عليها بنت حلال

وبالعقل عشر معلمات مستحيل يكون مقلب منها

هي لو بترفع غياب كان سمحت لوحده او اثنين ورفعتهم غياب

اطمني وارتاحي واجازه سعيدة في مديرات من عشر ايام او اكثر

سامحين لمعلماتهم بالغياب