يا ود .. ما كل البشر.. تفهم الود

خـــالد الســـالم · #1 2011-06-28, 02:52 PM

[frame="15 98"]

يــــــا ود كل الناس والناس لك ود
عطـــني ودادك .. كان تبغى ودادي..!

مـــاجيت لك رقم ٍ واكمل لك العـد
مـــاجيت لك توّي مع الشعـر بادي..!

ماجيت لك من منتدى واشتكي صد
ماجيت لك شاعر مع النـت غادي..!

جيتك بحـَر يغلب على جزره المد.."
هادي .. ولو يكثر به الموج هادي..!

جيتك مـلـك مشـــــــــاعـره مالها حــد
جيتك مـلـك باسلوب ماهو بـ عادي..!

جيتك مـــــلـك ماله خصيم ٍ ولا نـد
جيتك مـلـك يحـب صفح الايادي..!

عندي مبادي .. عنـّهـا ما اتـردد
وانا افتخر لا قلت.. عندي مبادي..!

صادق واشوف الصدق لابدّ.. لابدّ
عنيد .. لو يرفض رفيقي عنادي..!

شفاف .. ما احـب المجامل مع الرد
طبعي كذا واضح.. صريح.. وحيادي..!

امزح بوقت المزح .. والجد.. له جد
وارفض ابالـغ.. لـو يطول ابـتـعادي..!

اعيش فالحاضر.. وعيني على الغد
لون الأمل وردي .. ولا هو رمادي..!

افتح عيوني .. والنظر فوق يمتد
هذا الفضا .. كله حدود لـ بلادي..!

يا ود .. ما كل البشر.. تفهم الود
يا ود تبغى الصدق.. ودك مرادي..!

[/frame]