سواها قلبي

[خـــالد الســـالم]

سواها قلبي يا حبيبي وحبك ..
ما طاعني وأنا عن الحب ناهيه

الظاهر أنه ما يبي غير قربك ..
عاف الجميع وأول الناس راعيه

عليه ما أوصيك لا صار جمبك ..
صبح علـيه بحب و بحب مسيه

نبضه وفا و تضيحه كانه يعجبك ..
صافي ولكن ما لقى من يصفيه

خلا دروب الكل و أخـتار دربك ..
داريه تكفا قد مافيك داريه

وابشر بقلبن ما يبي غير قربك ..
يموت وغير محبتك ما سكن فيه

المريخي

تعبت اسولف لك

تعبت أسولف لك وانا ما تكلّمت
أسكـت أنا وأتـرك عيوني تكلّم

لاتفهم احساسي ولا تفهم الصمت
مـدري وش أسوي علشان تفـهم

ودي أقول فـ يوم كم فيك أنا همت
لكنّي خايـف,,خايـف أقـول وأنــدم

كل ما بغيت أقـول أحبك تلعثمت
حتى وأنـا أحلم فيك كنت أتلعثـم

كم ضقت منكوكم عشانك تبسمت.!
الله هو اللي بـس في حالي أعلـم

أحبك لحالــي ولا يــوم علمت
إحساس أحس المـوت من طعمه أرحم

لو بـس تدري كيف أحبـك تألـمت
عن كل لحظة منك كنت أتـألـم

تعبت أسولف لك .. وأنا ما تكلمت
يارب تفـهم بس ..يارب تفهـم !