مـن اللـه ثـم منكـم يـاجمـاعتي ( سنعـونـي ) جايكم من عرعر ضيف

[الغنمي]

السلام عليكم ورحمة الله وبركاته
بيض الله وجهك ووجه الجميع انا ياجماعه اخر سنه لي واخذ الكفائه ونشاء الله اتوظف وستر نفسي انا ادرس منازل لأني ادرس ميكانيكا بالمعهد المهني الصناعي وبشر الجميع
شهر وتخرج واذا نجحت ان شاء الله من المدرسه اخذ شهادتين من المعهد دبلوم ميكانيكا وشهادهـ الكفائه ادعولي تكفون بالتوفيق المهم ما أطيل عليكم انا رجال ابي وقفتكم
معاي انا ماعندي كتب والمدرسه عيت تعطيني ( مـاعنـدهـم كتـب ) وانا معتمد على الله ثم على الموقع هاذا.... وعلي فكره مواد يكفينا شرها .. ان شاء الله .. اشوف انها
صعبه ومنها الرياضيات اللي مدري شلون مخترعينها معادلات مال امها داعي 2 + 7 = 73 ( شلون تجي ) هاذا اللي مخترعها فاضي ماعندهـ شغل يتفرنك على الشعب
السعودي بعدين ماشاء الله في ناس تفهمها يدرسونها بس الضاهر اني خشيت معاهم عرض وعساني توهقت او اني ماني حق علم حق عسكريه وميكانيكا ووضيفه تسترني
على فكره ياجماعه انا ان شاء الله اذا اخذ شهاده المعهد والكفائه واحد متزهلي ان شاء الله انه يدخلني الحرس الوطني قسم الصيانه والله نعمه ( ليته يسنعني ) ياجماعه
بالعربي خربان ابي اعرس على بنت الحلال اللي يسترني وسترها
ياحياتي بس هي وينهي يالله نصبر هالشهر راح الكثير مابقا الا القليل فلا اوصيكم ياخواني لاوصيكم يالعزوهـ سنعوني انا ابي اكتب جدول الاختبارات لكم وترا زي ماقلت
لكم ماعندي كتب اكتبولي الاسئله المهمه وانا ابي ابرشمها اغدي الله يوفقني ونجح وتوظف
ابي اكتـبها وتوكل علىا الله << اكتب يالداشر
السبـت .. رياضيات - تاريخ
الاحد .. توحيد - ـأملاء << هين الاملاء دافور بها ناجح ان شاء الله
الاثنين .. نصوص - تربيه وطنيه <<والوطنيه ناجح ان شاء الله البلا بالنصوص
الثلاثاء .. انجليزي - << والله ياجماعه انا يالله افهم عربي جابين لي انجليزي
الاربعاء .. فقه -
السبت .. قواعد - جغرافيا
الاحد ..حديث
الاثنين .. تفسير
الثلاثاء .. علوم
السبت عاد الجاي يا ـأني اروح لرجال وقوله هاذي الشهاده ووف بوعدك لي ووظفني
يا اني اروح للبيت اخذ مكناسه من امي وروح لشركه الطريفي اقدم على كناس بالشوارع او اني اصف جمب خواتي وغسل مواعين

[ابو رهف الصبحي]

ههههههههههههههههه , ياااااخي ما لقيت الا المدرسين يغششونك والله مستحيله مرررررررررررره

ياليتني مشرف عليك والله لاسحب الورقه منك خخخخخخخخخخخ

اخووووي انت اطرح اسئلتك واحنا ان شاااااء الله مانقصر اما براشيم هاااذي مبطي عظم ههههههههه

[align=center]
حياك الله يالغالي ..

وبأذن الله راح تستفيد بشكل كبير جداً ..

أول خطوة تسويها يالغالي ..

تطالع فوق موضوعك تلقى مكتوب ..

خيارات كثيرة من ضمنها المشاركات الجديدة والبحث والاوسمة ..

المهم أختار بحث وأكتب " ثالث متوسط " وأختار بحث بالمواضيع ..

راح يطلع لك الكثير من المواضيع اللي تفيدك ..

وبأذن الله أن نقص شيء نساعدك فية ..

وفقك الله

[/align]

[align=center]
تفضل ..

مذكرة رياضيات ثالث متوسط الفصل الدراسي الثاني

http://www.madinahx.com/t900.html

أسئلة ثالث متوسط لمادة الرياضيات نموذج 4

http://www.madinahx.com/t910.html

حل أسئلة مادة الرياضيات الصف ثالث متوسط الفصل الثاني

http://www.madinahx.com/t1818.html

حل التمارين العامة رياضيات ثالث متوسط الفصل الدراسي الثاني ف2

http://www.madinahx.com/t9456.html

حل أسئلة مادة التاريخ ثالث متوسط الفصل الثاني

http://www.madinahx.com/t1823.html

أسئلة علوم مع نموذج الإجابة ثالث متوسط الفصل الدراسي الثاني نهائي (جديد)

http://www.madinahx.com/t11832.html

جميع تمارين كتاب جغرافيا وتاريخ ثالث متوسط 3م الفصل الثاني ف2 1430/1431هـ

http://www.madinahx.com/t9382.html

حل تمارين كتاب الرياضيات للمرحلة المتوسطة الفصل الثاني ف2 كاملاً لعام 1429 / 1430 هـ

http://www.madinahx.com/t1443.html

وبالتوفيق يالغالي ..
[/align]

[ابومودة]

بادرة رائعة منكم يا ادارة المنتدى

ماعليك الا المذاكرة يالغنمي

وفقك الله

[أبـو فهــــــد]

الله يوفقك يالغنمي

صدقني لو بيدي كان تبـشـر

[سم سم الغلا]

بسم الله الرحمن الرحيم
اللة يخليك ابي حل تمارين الرياضيات الصف ثالث متوسط بس يكون الفصل الدراسي الاول ضروري

[فائزة محمد علي مسعود]

شـكــ وبارك الله فيك ـــرا لك ... لك مني أجمل تحية .