ماعاد أقرى أي موضوع في أي منتدى والسبب هنــــا

[المتقهوي]

الانترنت صار مقرف اول نفتحه ندور شي يوسع الصدر , الحين ما فيه

الا الاكله هذي مسرطنه , والعصير هذا يسبب صلع , وكيس الخبز اذا شقيته

بدون تفك الربطه يسبب سرطان في الابط , والصابون اذا حطيته في فمك يسبب

سرطان لثه.والله مليت

كل شي مسرطن . كل شي ضار .. يلعن بليسكم اذا كل شي مسرطن وضار

وشلون عشنا . حتى الحب( الفصفص) قالوا مسرطن .. والشطة قالو فيها سرطان




الجح الي يباع في عز الصيف مسرطن . الماء الي تشربه بعد الوجبه يسبب حوله في عيونك ..

طيب ياخي غصيت وشلون ادف اللقمة . اموت الله يقلع ام الاشاعات..لا والمصيبه اذا صار مصدر الاشاعة شركة تعال شوف.شركة سنكرس تستخدم زيت الخنزير

عشان تدعم اسرائيل!!!.





والله يا جماعه من كثر الخزعبلات تلخبططت الافكار.الشماغ اذا لبسته

والمرزام مقلوب يسبب سرطان في الاصبع الصغير من رجل شغالتكم

( عشانها هي الي تغسله)






واي شي تلقاه عندك ومبسوط فيه يقرفونك فيه ويقولون يسبب مرض.مثل عندك الخيار

تحبه ولذيذ والسلطه بدونه ولا شي . يطلع لك طلعه ويقول ان الخيار كبير الحجم يسبب سرطان قولون ولا معدة ولا اي شي يضيق صدرك



هذا موضوع وتراه ما يخلص وخلونا نروح للموضوع الثاني

________________



الموضوع الثاني

مليت من الرسايل الدينيه المكذوبة . كلها احاديث مكذوبه ومصطنعه. واخرتها

يجي يقولك قل هذي الجمله ؟؟؟؟؟ الان كسبت 398321 حسنه..

على كيف امك هي .توزع حسنات
لا ويقولك انتبه لا يضحك عليك الشيطان ارسلها .

انتبه تضغط دليت ترا اصل كلمت دليت



delete = devel



وتعني الشيطان

تلاحظ انا اول حرفين نفس الشي

de

Vوبدل.

L. بحرف

L يعني لا يضحك عليك الشيطان



Tوحرف

معناها تخسي تضحك علي



وصدقوني انا كتبتها وبعد فترة بتجيكم اشاعة وان مخترع الكيبورد يهودي



الله يقلع ام الخزعبلات يا شيخ
انتبه انتبه ترا الشيطان واقف جنبك



ما درا ان الشيطان هو الي يضحك عليه وطاق معسل جنبه ويقول قم غير لي جمر



والملاحظ ان مصدر هالخزعبلات الدينية هو صغار السن والجهله .

والا الي هم في جهه والدين في جهه ثانية..

ياخي قبل ما ترسل تاكد ان الاذكار يبغى لها تفكر وتامل واخلاص نية لله ..

موب قاعد تقول الاذكار ومحمد عبده يدهر معك..

سامحوني كل الحكاية ان الكيل طفح.....وعلى طاري الطفح ترا كثرة البربرة في النت تسبب طفح جلدي في ------------- الحق على عمرك

معليش اللهجه العاميه لكن عشان توصل المعلومه بسرعه


م

.

[align=center]
هههههههههههههه

الله يعطيك العافية يالمتقهوي ... كلامك سليم 100% ..

المواضيع هذه والرسايل غير الموثوقه لاتلقي لها بال .. وكل امرك على الله ولاتفكر فيها ..

الواحد اذا كان متعلم ماينخاف عليه المشكله كلها بالجهال بارك الله فيك ..


[/align]