منتديات التعليم توزيع وتحضير المواد
منتديات التعليم توزيع وتحضير المواد
|
|||||||
| منتدى رعاية الموهوبين والموهوبات يهتم ببرامج ومسابقات ورعاية الموهوبين والموهوبات |
|
|
|
 |
|
|
أدوات الموضوع | انواع عرض الموضوع |
|
#1
2012-01-29, 05:16 AM
|
|||
|
|||
إلى متى الموهوبين مظلومين .!
السلام عليكم ورحمة الله ,, صباح الخير ,, ترى كتبت موضوع طول بعرض بس منتداكم الموقر سجل خروجي وراح كل الكلام ألي كتبته ,, أنا صراحة كتبت هالموضوع علشان إدارة التربية والتعليم ألي ماهي منتبهة ولاهي مشتهية تطلع ناس موهوبة ,, إنها تنتبه للموهوبين ولو أحد من اإدارة دخل وقرأ كلامي بيكون شي طيب أنا حقيقة ألاحظ هالشيء .. الإدارة ماتهتم بالطلاب الموهوبين ,, وتهتم ببعض الطلاب ألي [ .. ] وماأبغى أقولها لإن الرسول قال [ دعوها فإنها منتنة ] ,, بس بتكلم عن مشكلة حصلت لي وأنتم ياأعضاء هالمنتدى الحكم ,,, أنا طالب الحين بالجامعة ,, بس المشكلة صارت بالثانوية ومالقيت ألي أشكي له الحال ,, وبالصدفة لقيت منتداكم وقلت كويس ألي لقيت شي أقدر أتكلم فيه وبقول كل ألي بقلبي عام 1428 هـ كنت مدير الإذاعة وكنت مجتهد بالحيل فيها ,, ويشهد لي بهالشيء المدرس المسؤول عن الإذاعة والنشاط والمدير والطلاب والمدرسين ,, كنت أحضر المواضيع + أطبعها على نفقتي الخاصة ,, وكنت شاد حيلي وقسم بالله ,, وبالأخير أعطوني شهادة ماتسوى ربع تعبي ,, وكرموا نائبي تكريم أفضل من تكريمي ,, فهالسالفة بس بقولها للمدرس حق النشاط ألي ظلمني وأنا متأكد لعرف إني طالب بثانوية الملك فيصل بيتذكرني ,, ماعلي من هالسالفة ولا هي موضوعي أًصلا ,, في عام 1429 هـ كنت في ثالث ثانوية ,, وكنت مهتم بالحاسب وأموت بشيء إسمه كمبيوتر [ كان فيه كمبيوتر بالبيت بس كان لأختي وتعرفون البنت إذا إتسلطت على شي وأنت أخوها الصغير ] فكنت أمسكه شوي بس أسوي أوراق الإذاعة السنة ألي كنت فيها مدير الإذاعة وبس ,, حتى إنتر ماأقدر أضغطه ^.^ ,, وكتاب الحاسب وربي كنت حافظه حفظ من شدة حبي للكمبيوتر والبرمجة ,, فحفظت الأكواد وإتعلمت لغة فيجوال بيسك ولغة الهتمل والعمل على فيجوال بيسك وفرونت بيج ,, جانا المدرس حق الحاسب وجمعنا حنا 8 طلاب على ماأذكر ,, وقال فيه مسابقة على مستوى المدينة ومطلوب من ألي يبغى يشترك يايسوي موقع أو يسوي برنامج ,, فأخذت أنا خيار البرنامج وبسوي برنامج على فيجوال بيسك علشان أشترك بالمسابقة ,, رحت لأختي وقلت لها بالسالفة وبالقوة أقنعتها وإني شاطر وكويس وعاقل ولاراح أخرب لها شي وأبد ماراح أخيب ظنها فيني وظليت يومين بس ,, وسويت لي متصفح إنترنت ,, يعني زي الإكسبلور والفايرفوكس < لا أحد يقول لي موقع قوقل متصفح ^.^ جيت للمدرس بعد يومين وقلت هذا البرنامج ,, وسلمه للإدارة والإدارة سلمته ماأدري وين ,, المهم راح لإدارة التربية والتعليم ,, قيمته الإدارة ,, وأخذت المركز الأول على المدينة بالحاسب الآلي ,, قلت الحمد لله وقلت لأبوي ,, وأبوي الله يصلحه صح من أهل الزمن ألي راح ويشووفون الكمبيوتر ماله لزمه ومن هالكلام لكن ماألومه ,, بس والله فرح شوي وقال لي مبروك ,, ووصل الخبر للمدير حق المدرسة وناداني وقال لي مبروك وحسيت إنها طالعة بالقوة وعطاني عنوان الفندق ألي أروح له علشن التكريم ,, طبعا ماكنت أدري إن فيه جوائز قلت بروح يمكن يحطون لنا كيك هههههههه أمزح ,, بس رحت وأنا ماأدري وش السالفة ! يمكن من الفرحة لإني ماعمري سويت شي كويس ^.^ المهم رحت مع أبوي ,, ودخلنا هالحفل ,, وكرموا الطلاب الفايزين ,, لإن فيه مسابقة على الفيزياء والرياضيات والكيمياء ومسابقات كثيرة ومن ضمنها الحاسب الآلي ,, المهم كرموني وعطوني شهادة تمشي حالها وميدالية وساعة < طبعاً إنقهرت يوم عطوا الطلاب لابتوبات وأنا ماعطوني ^.^ على إني أنا أولى بهالشي ,, بس يلا ماهي مشكلة يمكن إدارة التربية والتعليم لها نظرة ثاقبة غير ألي نعرفها يالطلاب ^.^ أنتم الحين تقولون وبعدين ؟ أنا أقول لكم ,, أنا ماهمتني ترى الجوائز صح إني كنت محتاج كمبيوتر بدل كمبيوتر أختي ألي خثتني عليه ,,, وغير عن كذا حالة أبوي المادية كانت يعني الحمد لله ممشيه حالنا ,, وأدري حتى لو عندنا قدرة ماراح أبوي يجيب لي ^.^ بس يالله ماهي مشكلة ,, ياأخوان أنا معترض ومنقهر لإن ماأحد إهتم فيني .! بتقولون وش يسوون لك يسلمونك وزارة الحاسب الآلي مثلا .!؟؟ ماهو كذا ياناس .. بس ألي أقصدهـ ,, ماقالوا نشوف هالطلاب هي موهبة ولا وش السالفة ! ماسألوا المدرس حق الحاسب عني .! ماسألوني تحتاج تطوير ولا لا .! ماأحد عبرني قسم بالله .! طيب أنا موهوب والحمد لله وعندي قدرة على التعلم أفضل من بعض الدكاترة ألي بكليات الحاسب ,, ليه ماأحد قال ننمي موهبته ونعزز قدراته ونطوره ,! بدل ماهم مهتمين بأمور تافهة ! صدقوني أنا ماكنت وقتها أعرف الكمبيوتر إلا بالصف الثاني ثانوي ,, وحتى التلفزيون ماكنت أعرفه ^.^ إلا بثالث ثانوي ,, بس بثالث ثانوي زاد الحماس عندي وصرت أحب أتعلم كل شي عن الكمبيوتر ,, المشكلة إن إدارة التربية والتعليم ماقالت هذا ماخذ المركز الأول وطالب بالثانوية وعنده هالموهبة ليه مانستغله ؟ ليه مانعلمه ونعطيه دورات أكثر ؟ ليه وليه وليه ؟ هم وش خسرانين لو ساعدوني .! هالملايين ألي تطير ليه مايخصصون مبالغ لمساعدة الموهوبين .! يمكن يجي ببالكم وتقولون كل واحد يساعد نفسه وووو ألخ ,, وبتقولون ماقصروا عطوكم كتب ومعمل حاسب ,, طيب بالله تسمون هذا تعليم ! شوفوا الغرب صح كفار ومتخلفين بالدين لكن بالحياة العملية أفضل وأحسن منا ويمتلكون أخلاقنا ألي المفروض نكون حنا ألي ممتلكينها وحنا نمتلك أخلاقهم ألي هم المفروض يمتلكونها .! أنا كنت محتاج لدورات حاسب ,, ومحتاج كتب تعليم ومحتاج حجات كثيرة علشان أنمي نفسي ,, طيب لايساعدوني .. ليه ماقالوا طيب ندخله كلية الحاسب بجامعة طيبة ؟ < بس الحمد لله ألي مافكروا بهالشيء لإني إكتشفت بعدين من أحد الطلاب بكلية الحاسب بطيبة إنها أفشل كلية بالكون ,, أنا والحمد لله الحين ماني بحاجتهم ,, أدرس بالجامعة الإسلامية بكلية الشريعة ,, صح ماني مطوع ولا هو إختصاصي بس مالقيت غيره ! وقلت مالي إلا أخلص النية لله وأكملها وأخلص أهم شي الباكلريوس ,, أنا وقسم منقهر لإن ماأحد عبرني لا إدارة التربية والتعليم ولا إدارة المدرسة ولا حتى مدرسين ! مدرس الحاسب سلطان الغامدي وربي أدين له بالعمر كله ,, ماقصر معي ,, حتى أعطاني كتاب للغة فيجوال بيسك دوت نت ,, صح ماتعلمت هاللغة بس ماقصر أقل شي أعطاني كتاب أستفيد منه ,, بس كل هذا مايفيد بشي ولا يسوي شي ,, صدقوني بالغرب لو إكتشفوا إن طالب عنده موهبة بالحاسب ,, يساعدونه بأدينهم ورجولهم بس علشان ينتجون آلة بشرية تعطي وتنتج وتقدم لبلدها قبل لاتقدم لنفسها ,, بس حنا ماعندنا غير التحطيم ,, والتطنيش ,, ألي يقهر بعد إنك لما تقدم على وظيفة علشان يصير عندك دخل [ لإني الجامعة قاطعة المكافئة عني >_< ] وتجيب هالشهادة ألي عطتك إدارة التربية والتعليم ,, وقسم بالله مايلتفتون لها ,, يقولون هات شهادة خبرة وشهادة ICDL ويبغون شهاداة مالها حد ,, من وين أجيب شهادات بالله وحالتي يرثى لها .! أنا لي الحين بالجامعة 3 سنين ,, ببداية الجامعة قدرت أشتري لابتوبين ومكتبي ,, من مكافئتي ,, بس إنقطعت ووقفت كل شغلي لإني أعتمد عليها ,, لعلمكم أنا الحين أبرمج على فيجوال بيسك وفرونت بيج وأصمم برامج تخزينية وبرامج خدمية وبرامج تحكم بالأنظمة وبرامج كثيرة وأصمم مواقع وعندي خبرة الحمد لله بصيانة الأجهزة وأسوي بعض الأحيان أجهزة تحكم بالكمبيوترات عن بعد أو بالإتصال وعندي موقعين ومنتدى وعندي الحمد لله خبرة بالمواقع والمنتديات من دعم فني وحماية وبرمجة وكل أمور المواقع والمنتديات ولغة PHP يعني أنا الحين أمتلك خبرة بثلاث لغات : php و html و vb وكلها والحمد لله من تطوير نفسي أو بعض الأحيان إذا إحتجت شي رحت لمواقع متخصصة بهالشيء ,, بس بالله تشوفون هذا عدل إني مهمل لهالدرجة .!؟ والله منقهر للحين ألي ماأحد قدر يستغل قدرتي على تطوير نفسي وإستغلال نفسي باأمور مفيدة .,, أنا ماأشره على أبوي لإنه من أهل أول فبعض الناس القديمين يشووفون الكمبيوتر خبال ومن هالكلام ,, بس أشره على الناس المتعلمة وألي تعرف الصح بس تزوغ عنه وتتشاغل عنه ,, وإدارة التربية والتعليم بدل ماتصرف هالملايين بخرابيط أو تلهطها ,, أقل شي تساعد الموهوبين الطلاب وتبحث عنهم ,,, أنا صح كتبت هالموضوع لإني كنت حاب أطلع ألي بقلبي ,, بس الحين خلاص أنا الحمد لله ماني بحاجتهم وبستغل قدراتي كلها لمصلحتي الشخصية وطز بلا منفعة بلا كلام فاضي ,, بس نفسي إدارة التربية والتعليم تنتبه لهالشي وتنتج شي يبرأها أمام رب العالمين بدل الخبال ألي هم فيه ,, وبنهاية الموضوع آسف لو غلطت على أي شخص بدون قصد ,, < والشخص ألي عنده موهبة ولاشي نصيحة مني يوفرها لنفسه وللي يحب بس ,, ودمتم بخير ,,, التعديل الأخير تم بواسطة المتطفل ; 2012-01-29 الساعة 05:21 AM. 
|
|
2012-01-29, 11:12 AM
|
[2] |
|
عضو شرف
 |
والله اخوي المتطفل موضوعك مررررررره شدني
وكلام واضح انه خارج من القلب واللي يطلع من القلب يدخل في القلب .. بس عسى التعليم وغير التعليم يكون لهم قلوب مثلنا المهم صادق الموهوبين عندنا وهم كُثر مهظوم حقهم في الدول المتقدمة والمتأخرة يهتمو كثير في الموهوبين ويعملون له برامج وزيارات واستكشافات تنمي موهبته شوف اخوي انا ما اقولك اني مو فاهم ببعض البرمجه ولكن عندي خلفية بسيطة عنها يعني انت ماشالله عليك في خلال سنتين قدرت تفهم الفيجول بيسك والهوتميل وإن شالله عن قريب لغة الجافا واللي يبدع في هالشيء صدقني بيكون الأول في عصره لا تنظر إلى تكريم المواهب حاول تطور نفسك بنفسك خاصةً حنا اليوم في عصر الإنترنت يعني أي شيء تبحث عنه تحصله في الإنترنت وخاصةً انت تبحث اصلاً في مجالك اللي هو الحاسب والبرمجه وهذي اسياسيات الإنترنت ولعلمك فيه منتديات خاصة بهالشيء وعملاقه وخاصةً منتدى ترايدنت هالمنتدى فيه عباقرة الانترنت في الوطن العربي بكل امانه أندهشت يوم قلت انك صنعت متصفح ؟ بصراحه مو قادر اصدق .. إن كان بالفعل سويت متصفح فإنت والله وصلت لدرجة كبيره جداً جداً في العلم هذا وإنت سنك صغير حاول تقرى كثير في الفيجول بسيك لأنه أهم برنامج لا تعلمته وأتقنته أنا اضمن لك تصير من عباقرة النت ويجي بعده الجافا والهوتميل وغيره إن شالله بإذن الله نشوفك من عباقرة السعوديين والعرب |
|
|
|
|
|
|
2012-01-29, 04:56 PM
|
[3] | |
|
عضو نشيط
|
اقتباس:
هلآ بك سعيد ,, أدري والله إن بالدول كلها مو بس عند الغرب إن فيه إهتمام بالموهوبين ,, بس القهر كل القهر لقالوا مافي سعوديين موهوبين .! ,, يعني حنا فوق ماهو مهظوم حقنا بعد جاحدينا وناكرين وجودنا والجوائز قلت من قبل إنها ماتهمني وربي ,, بس كنت أول محتاج للدعم فقط لاغير ,, وصدقني لو جاء دعم معنوي بس بيكفي ,, لكن للأسف الظاهر الدعم المعنوي صار يكلفهم كثير ,,,! ولعلمك مافي منتدى كبير أو صغير إلا ولي دخلات عليه وترايد نت وفيجوال بيسك و ديف بوينت وأكاديمية فيجوال بيسك وفيجوال بيسك العرب ومطور ,, ومنتديات كثيرة لي إهتمامات فيها ,, بس لاتنسى إن أغلب العقول الكبيرة على الإنترنت وعلى أرض الواقع مايطلع لك الجوهر ,, بيعطيك مقدمات وكلام فاضي ,, وبيقول لك هذا العلم ,, مثل كلية الحاسب بجامعة طيبة ,, ياأخي ألي يقهرك بعد إنهم مايعبرونه ولا يلتفتون له خير شر ,, وبكرة إذا كِبر واتعلم وصار مخ ,, يايصير عاقل ويستخدم مجالاته بعقل وحكمة ,, يايروح يخرب ويلعب بالفيروسات يمين ويسار ويهكر لهم مواقع ,, وبعدين يقولون آذانا ,! طيب من أول إحتضنوا الأشخاص ألي عندهم قدرة ومعرفة ,, وصدقوني بيكونون لبلدهم أفضل من هالوزراء والإداراة الحرمية ,, الله المستعان بسسس ,, والله يعطيك العافية على مرورك ,,  |
|
|
|
|
|
2012-01-29, 05:36 PM
|
[4] |
|
عضو شرف
|
لو ابوك له مركز وانت متخلف عقلي
كان الحين مسمينك اينشتاين بس والله انك محظوظ ع الاقل ادوك هديه ساعة بسئلك الحين وينه برنامجك الي سويته ؟؟ لو موجوود سو اتفاقيه مع ششركه امكن يعجبهم وتكسب من وراااه درااهم . |
|
|
|
|
|
|
|
2012-01-29, 05:52 PM
|
[5] | |
|
عضو نشيط
|
اقتباس:
.gif "Oo5o.com (2)") ,,!والله يصلحك أنا عشرين مرة قلت ماهمتني الجوائز ,, ألي يهمني الدعم المعنوي على أقل تقدير ,, آيه عطوني ساعة بعد شهر على ماأعتقد وقفت ,, الظاهر متفقين معها ,,! وعلى البرنامج ,, أنا ماأوقف عند شيء معين ,, أسوي الشيء وأكمل وأدور على غيره ,, ماأحب أجلس على شيء معين وأخسر معلومات وفوائد ممكن تروح علي ,, وصدقيني في واآحد آأعرفه سوى متصفح شبه قوي ,, وأإستمر برنامجه وصآأر له إصدارات ,, وآأستخدموه تقريباً 100.000 شخص ,, بس لاأحد إتبناهـ ولاشيء ,, وأنا حقيقة صآر عندي زي آالخوف من كلام النآأس ,, بسبب إن مافي تشجيع ولا دعم معنوي ,, صدقيني آألجن الأزرق لو مرّ بحياة مثل حياتي بيتحطم ويمكن يصيبه حلة نفسية من الدرجة الأولى : ) ,, وأنا سويت برامج كثيرة ,, بس أستخدمها لنفسي ولاأحب آأنشرهآأ أو أقول لآحد عنها ,, < خلقة حنا متحطمين ,, تبغينا نتحطم زيآأدة ,,! ,, لإن العربي معروف إنه غير موثوق فيه ,, وخصوصاً حنا بالسعودية هنا مانثق ببعض ,, فإتخيلي لو قلت هذا برنامج أنا مسويه ..؟ ,, بيجي واحد يقول فيه فايروسات .؟ والثاني بيقول لك إن شاء الله بحمله وبرد عليك < ويسحب عليك ,, والثالث بيقول مسوي نفسك فاهم ويعنني ذكي .! ووووو ... ألخ ,, من أنواع التحطيم والتكسير ,, آألله آألمستعآن بس ,, ومشكورة على مرورك ,, |
|
|
|
|
|
2012-01-29, 06:33 PM
|
[6] |
|
عضو مميز
|
بسم الله الرحمن الرحيم
السلام عليكم ورحمة الله وبركاته انشـــــره في اليوتيوب على طول الكل يتشحتك و بس يليت يكون بالإنجليزي لأنه لو مو الشركــــات العربية إهتموا غيرهم يتشحتوك تجيهم (( ودمتم سالميــــــــــــــــــــــــن )) |
|
|
|
|
2012-01-29, 06:39 PM
|
[7] | |
|
عضو نشيط
|
اقتباس:
كلامك صحيح ,, بس تعتقد ياطفش إني بحط يدي بيد غير المسلمين .! لإني لو نشرته بالإنجليزي صدقيني مافي إلا غير المسلمين هم ألي بيشوفون المقطع ,, بس مستحيل أحط يدي بيدهم ,, أظل فآأشل ومحتاج ,, ولا أغتني وأستفيد من غير أهل ديرتي ووطني ,, وأنا للمرة الثانية أقول ,, كتبت الموضوع علشان إدارة التربية والتعليم تغير من نهجها شوي وتهتم بالموهوبين فقط لاغير ,, والله يعطيكِ العافية على مرورك ,, نورتِ بجد ,, |
|
|
|
|
|
2012-01-29, 07:51 PM
|
[8] |
|
عضو نشيط
|
السلام عليكم ورحمة الله وبركاته كنتُ أُقرأ موضوعك وأنا اشتاظ غضباً وحسررة على هذه الوزارة ... أتيتها على الجررررح اااااااه والله يامتطفل أن الوزارة نادمة وستندم أنها لم يستغلوا قدراااتك ومهوبتك ..!! جمميعنا يمتلك مواهب وو .. لكن لايوجد أحد يستغلها .. أنا مثلاً دخلت علمي صح انه الحمدلله حصلت على نسب < مذاكرة بدوون حباً للموواد ، لكن ميولي وموهبتي أدبيـــــــــــة أحب أقرأ كتب، أكتب أحيانا ، أٌقرأ الشعر أترنم به ،أعشــــق النحو .... لكن دائماً يقولون لي أجعلِ هذه كلها لنفسك <يعني ثقااافة فقط !! طيب ألسنا نحن من أمة أقرأ والمفترض نكون كلنا على علم ودرااية كاملة بااللغة العربية لماذا الان أصبحت لا قيمة لها عند الاغلبية ماذنبي إن كانت ميولي أدبية والدليل درجاتي في مواد العربي عالية وولله الحمد ... وأيضا في الشريعة أحب أبحر في كتبهـــآآ لكن يقولون أيضاً <خليه لنفسك للاخررة << حسناً أعلم فيها الاجر الكثثير في الاخرة ان شاء الله ... طيب لما يستغلوا المواهب هذه مثلا نكوون داعياات أو .... ! ااااااااه من يسمعُني .. ماكل مايتمناه المرء يدركه يامتطفل ..! |
|
|
|
|
|
|
|
2012-01-29, 07:58 PM
|
[9] |
|
عضو نشيط
|
تلويحة : أعلم تماماً أن الله عزوجل أرحم وأعدل من أنفسنا .. يمكن يكون خيرة في الامر ومهما أخلصت في عملك بأذن الله، ربي لآلآلآلآ يضيع تعبك ثق بذلك ..! :/ ي مكن يوم من الايام نكوون علمااء  |
|
|
|
|
|
|
|
2012-01-29, 08:42 PM
|
[10] | ||
|
عضو نشيط
|
اقتباس:
اقتباس:
هلا بك يالمتوقدة ,, والله يالمتوقدة تشتاظين ولا تولعين ولاتحترقين ,, صدقيني بتحرقين نفسك فقط لاغير ,, وشيء حلو إنك مهتمة بالقرآءة والأدب والشريعة الإسلامية ,, بس صدقيني الأيام هذي ماتأكلك هالأمور عيش ,, تدرين ليه ...؟ الناس الحين عقولها خاوية وبعيدة عن الدين والشرع والأدب والعلم الجميل ,, فكيف تبغين يهتمون بموهبة أدبية أو موهبية خطابية أو فكرية .! ,, صحيح هم عرب لكن بدأوا يستعرون من عربيتهم .,,! وبعدين يالمتوقدة ,, والله شي يفرح إنك تبغين تكونين داعية وناصحة ,, طيب أنا مجالي كمبيوتر ,, بس ماأحد معبرني لإن الناس الحين تثق بالغريب قبل القريب ,, والعربي يستخدم برنامج غربي ولا يستخدم برنامج عربي ,, وحتى الصيانة يثق بالأجنبي البنقالي أو الهندي أو المصري ولايثق بالسعودي ,, طيب ليه ..؟ والله السعوديين آآمن من هالبنقالية والهنود والمصارية ,, كلهم يلطشون لك قطعة من الجهاز أو يخرب لك شي ويقول هذا خربان بس علشان تدفعين فلوس ويركبون لك أي شي يمشي حاله وتستمر معناتك رايحة جاية على محل الحاسب ,, يعني من الأخير أنت شخص عربي أو سعودي صدقني أفكارك وشغلك بلها وإشرب مويتها ,, بس أنتي بإمكانك تسوين مثلا مقاطع على اليوتيوب ,, صور دعوية ,, كتب إلكرتونية ,, ياوخيتي مجالك صحيح ماتلقين إهتمام فيه على أرض الواقع ,, بس على الإنترنت بتلقين إهتمام أكثر ,, لإن فيه كثير ناس تبحث عن الدعوة الإسلامية والأدب العربي الجميل ,, صدقيني مصيبتك أهون من مصيبتي ,, وإحمدي ربك بس ,, قلت لك أنتي لو تبغين تستغلين موهبتك فالأمور مفتوحة قدامك ,, لكن أنا لا ثم ألف لا ...! أنا ترى كنت مثلك لكن بالمواد العلمية مثل الفيزياء والكيمياء ,, ومتوقع لو إني مادخلت القسم الأدبي كان بدعت بمجال الفيزياء والكيمياء ,, لكن إضطريت أدخل الأدبي لإني أخاف من الرياضيات ^.^ هي كابوس طلاب الأدبي ,, والأمر كله بيد رب العالمين ,, والله مايضيع عباده المؤمنين ,, بس كنت محتاج للدعم فقط لاغير ,, ولا التوفيق والنجاح والعلم والذكاء كله بيد رب العالمين ,, ولا الناس ماتضر ولا تنفع إلى إذا الله كتب لك ,, ومثل ماقلت لك ,, مصيبتك عند مصيبتي رحمة ,, لاتظنين إنك عاجزة عن إنك تقدمين شيء ,, صدقيني لو إستغليتي موهبتك بإنشاء مقاطع فيديو أو تصميم صور دعوية أو إنشاء كتب إلكترونية دعوية ,, الأمور هذي هي ألي أنتي محتاجتها صدقيني ,, لإنك لو بغيتي تصيرين داعية وين بتروحين بالله ! هل عندكم مساجد نسائية مثلا ..؟ أو أماكن نسائية مخصصة .؟ ,,, والإنسان ألي يبغى يصير داعية أو ناصح يعرف كيف يستغل علمه وتفكيره وعقله ,, فمثلا : تكلمين المديرة أو مديرة النشاط وتقولين لها بعد كل صلاة بالمدرسة أبغى ألقي كلمة وعظية على الطالبات ,, أو مثلا بالإذاعة إذا عندكم إذاعة أو مثلا مثل ماقلت لك تنشرين معرفتك وعلمك على الإنترنت بالفيديو والصوت والصورة والكتب ,, ومثل ماقلتِ ماكل مايتمناه المرء يدركه ,, يالمتوقدة ,, والله يوفقك .. وشرف لي مرورك ,,  ,, ,, |
||
|
|
|
|
| مواقع النشر (المفضلة) |
| الكلمات الدلالية (Tags) |
| متى, مظلومين, الموهوبين, إلى |
| أدوات الموضوع | |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الخطة السنوية لمعلم الموهوبين | يامصبر الموعود | منتدى رعاية الموهوبين والموهوبات | 5 | 2012-12-14 10:08 PM |
| ( متى تعلن أسماء معلمي الموهوبين ) ؟؟ | غليص بن رماح | منتدى رعاية الموهوبين والموهوبات | 48 | 2011-10-14 03:35 PM |
| معلمو الموهوبين | ابواياد000 | منتدى رعاية الموهوبين والموهوبات | 2 | 2011-08-03 05:30 PM |
| الملتقى الخليجي الثاني لرعاية الموهوبين | خـــالد الســـالم | منتدى رعاية الموهوبين والموهوبات | 6 | 2011-03-12 09:10 PM |
| أساليب المعاملة الوالدية للأطفال الموهوبين | العصفوره | منتدى رعاية الموهوبين والموهوبات | 0 | 2009-01-15 02:22 PM |
العرض العادي
