انا ابدخل في الموضوع على طوول ماتحسوا انو قسمنا مظلوم مو من ناحية التوظيف اقصد طبيعة الوظائف عندنا تجيب الملل وتكره المعلم والمتعلم في العملية التعلمية انا جربت التدريس مره واحده في العملي وصراااحه شىء يمررض تحسي روتين واداء واجب فقط لامتعة في المادة العلمية ولا يحزنون والمناهج تزيد الطين بلة طبعا باستثناء المناهج المطورة رووعه خسارة ما مداني ادرسها
المهم انا اللي ابغى اعرفه ليه مايفتحوااا لنا وظائف تخص قسم اللغة الانجليزية غير المجال التعليمي مثلا مراكز ترجمة وربي لو راتب زهيييد مو مشكله طالما انا استمتع بعملي واستفيد يوم عن يوم خبرة او مثلا نكون داعياات في الجاليااات الاسلامية ونرشد اخواتنا المسلمات بمطويات نعملها ليهم ونعرفهم عن الاسلام ومن هالحكي منها اوؤجر ومنها استفيد في مجال تخصصي مو لازم اكون على قدر من العلم الشرعي عشان اتوظف لو بس مرشده اعلمهم عن تاريخ المدينة المنورة وعن الحرم النبوي الشريف واعتقد هالمواضيع ما يحتاج علم
عفوا بس انا كسعودية اولى من مصرية وسورية تدرس في معهد بس عشانها اجنبية طيب احنا المواطنات السعوديات الخريجات اللي كرفنااا دم قلبنا في الدراسة وسخرناها للتعليم وربي وحده من دكتوراتي معاها دكتوارة في الادب الانجليزي تستغرب من لغتي لانها افضل منها وتسالني انتي درستي برا !! وغيري كثيير من البنات السعوديات اللي اثبتوا جدارتهم ومع هذا مهمشييييييييييييييين انا مادرست 16 سنة من عمري وكرستها في دراستي عشان انرزع في البيت واتزوج وانسى كل جهدي وتعبي ولا عشان انرمي في قرية وراء جبل نائي وادفن قدراتي ومهاراتي معاي بس اسم ان اتوظفت واستلم راتب وانا اداوم من فوق خشمي والاجنبية موظفينها في وسط البلد وبنت البلد مرميه على الحدود مع الجمال والحمير !! ولا اشلاء على الطرق السريعة !!
طبعا انا اتكلم عن الناس اللي تحب قسمها وتعشقه مو بس عشان راتب اخر الشهر رجاااء عشان لايجي احد يقولي في ناس تدور لقمة العيش وتصرف وووو الخ انا ما اتكلم عن هالشريحة للتوضيح فقط ,,, لو اخير في وظيفة مترجمة او مرشده دعويه للجاليات او مدربة في معهد براتب زهيد وبين يجي تعييني في قرية واستلم راتب فوق 5 الالاف وربي لكنسل على التعيين اللي في قرية ويكلفني عمري وهجوله وغربة اهل وحياة قشرا وسووايق اخر الليالي
حرااااام تخصص اللغة الانجليزية ينحصر بس في التدريس والله خاصة احنا البنات لازم ينظر في حالنا L ,,,,مادري هو بس انا اللي احس بقهررر ولا كل خريجات هالتخصص يعانوا ؟؟
وربي عااااااااااااااارفه اني انفخ في قربة مشقوقة لكن مجرد تنفيس لما في الصدوور ولعل الله يفرجها لي ولكم عن قريب ,,,,والسلااااام خير الختام
Sn!p Gurl
التعديل الأخير تم بواسطة Sn!p Gurl ; 2011-04-15 الساعة 12:23 PM.
منتديات التعليم توزيع وتحضير المواد
2011-04-15, 12:12 PM
نقاش لخريجات اللغة الانجليزية
العرض الشجري