ياهلا عيوني
اول شي اعملو عبارات ترحيبيه للامهات والجدات وجيبوا طالبتين لابسين توب خليجي يستقبلوهم بالبخور ولو يكون من الحفيدات اللي جداتهم جايين احسن ويلبسوهم عقود الفل
بالنسبه للتزيين الطاولات لبسيها من قماش السدو القديم (الأحمر) كمان لبسوا فيه الجدران من المنتصف وعلقو عليه اشياء قديمه اكسسورات حلي قديمه واشياء من التراث مثل السفره القديمه وأزياء قديمه وغيرها وحطو كتحف وزينه في ركن الكانون(المنقل)او(الجزه) وعليها دلة قديمه وابريق شاهي قديم وكمان جرات وزير الماء وجيبولهم موية زمزم وجيبيلهم حلويات زمان ازا انتي من أهل المدينة جيبيلهم حلاوة اللدو والمشبك واللبنيه وتمره بالسمسم واللحيسه والمعمول وغيرها وكمان قدمولهم من الحلويات الجديده
بالنسبه للموالح اعملولهم اكلات زمان السمبوسك والفرموزا والبريك والمنتو والفطير ولاتنسوا جيبولهم الأقط(المضير)
بالنسبه للفقرات اي فقره تعملوها بعدها خدو مشاركات الجدات وخلوهم يبدوا رئيهم في كل شي مثلا:
اعملوا فقره عن بر الوالدين وكيفية تقدير واحترام الكبير واسألوهم كيف تقدير الكبير والعلاقات الأجتماعيه والترابط الاجتماعي والترابط الأسري في ايام زمان
شغلولهم انشودة(( اهل أول))وممكن تخلو الطالبات يقدمو فقرات غنائيه زي انشودة (حنا بنات البدو يازين حنانا0000
ايضا انشودة جدتي
اعملولهم فقرات مقارنه مابين زمان ودحين ممكن طريقة الافراح يعني تجيبو طالبه تلبسوها توب خليجي وتعملولها شعرها ضفاير بطريقة زمان وتحطولها حنه زي حنة زمان وتجيبو طالبه تانيه تلبسوها فستان ابيض وطرحه وغيره زي دحين وخلو الطالبتين جالسين واسألو الجدات عن طريقة زواجهم زمان وطريقة الأفراح واعداد الولائم وعن زكرياتهم في ايام افراحهم وزواجاتهم
كمان ممكن تعملوا مسابقه ممكن عن تطلبو منهم مشاركه كقصيده نبطيه او ذكر امثال قديمه وشرحها او قصة المثل أو تكتبو الأمثال في ورقه وتخليهم يختارو واللي تختار تقرأ المثل متشرحه او انتو تقرؤ لها وهي تشرحو
ممكن ايضا كنوع من الاسئله والمسابقات تسألوهم عن الاكلات القديمه وطريقة اعدادها
اواسألوهم عن مكياجهم وتجملهم زمان اللي هي الكحل والديرم
اسألوهم عن العاب زمان ذكر اسماء الالعاب وطريقة لعبها
وخلوتغليف الهدايا عباره عن بقشه صغيره من قماش السدو القديم وفيها بخور وحنه ومعمول او شراشف صلاه مع السجاده او جيبو هدايا مبخره او توله اوحنه وسبح وحاولوا تخلو الهدايا على عددهم يعني الكل ياخد هديه سواء شاركت او لم تشارك
اتمنى ان اني افدتك
وفقك الله