[BDRA1998]

بسم الله الرحمن الرحيم
السلام عليكم ورحمة الله وبركاته


وين انت يا حمدان امك تناديك *********************** وراك ما تسمع شكايا وندايا

يا مسندي قلبي على الدوم يطريك *************************ما غبت عن عيني و طيفك سمايا

هذي ثلاث سنين والعين تبكيك****************************ماشفت زوالك زايريا ضنايا

تذكر حياتي يوم اشيلكوادريك ****************************والاعبك دايم وتمشي ورايا

ترقد على صوتي وحضني يدفيك**************************ماغيرك احد ساكن في حشايا

واليا مرضت اسهر في قربك وادريك***********************ماذوق طعم النوم صبح ومسايا

ياما عطيتك من حناني وبعطيك ****************************تكبر وتكبر بالامل يا منايا

ادري انها قاسية ما تخليك *******************************قالت عجوزك ماابغاها معايا

خليتني وسط المصحة وانا ارجيك *************************هذا جزا المعروف وهذا جزايا

يا ليتني خدامة بين اياديك*******************************من شان اشوفك كل يوم برضايا

مشكور يا ولدي وتشكر مساعيك **************************وادعي لك الله دايم بالهدايا

حمدان يا حمدان امك توصيك ****************************اخاف من تلحق تشوف الوصيا

اوصيت دكتور المصحة بيعطيك ***************************رسالتي واحروفها من بكايا

وان مت لاتبخل علي بدعاويك ***************************واطلب لي الغفران وهذا رجايا

وامطر تراب القبر بدموع عينيك**************************ماعاد ينفعك الندم والنعايا0