صباحك خاطرة وإلهام...
صباحي نفس الحالة إللي العام...
صباحي مرني ((بطيفك))
وأنا أفتش على الطابور..
وياحاضر بلا شنطة..
بلاواجب...
ولاحتى جواز عبور!..
صباحي همهمات شعور..
ولاني مع العالم ولا أدري إش إللي يدور..
صباحي شوق!..
صباحي الحصة الأولى...
وجنبي فصلك إللي فوق..
صباح الدفتر الأسود...
ولحظة ليتها تعوّد!...ولاتعوّد...
صباحي صوتك الهادي..
وأنا بوادي...وهم وادي..
ما أسمع...وترى معذور...
إذا بشرح... وبغيت أسرح وأنسى الدور...
صباحي غصة بحلقي...
أناديها...
لها اسمك..ولكن الطبع كله
"غير"
وأناديها...
أناديها لأجل اسمك يريح خاطري المذعور...
أناديها...ودمع ع الهدب مكسور..
أنادي وليتها "إنت"..
ولو حصل
مدري ف وقتها إش إللي يصير...
ومضى الوقت... على حالي...
وماحسيت بالتأخير..
صحيت لصوتها يضحك...
وقعدت..و طارت " الرحلة!"
ويا أبلا ..ويا أبلا!..ويا أبلا!...
وأرد بصوتي...المقهور!..
أرمم دمعتي ب :
(أصصص...ترى الحكي هنا محظور)!
قالت بس يا أبلا!....؟
قلت : هذا آخر التحذير ..
وأناظر حولنا فجأة..
ويابنتي...وش القصة!؟..
وردت وهي تضحك ...
ويدها فوق متجهه...
يا أبلا راحت الحصة!..
وحنا من ساعة
على وقفتنا بالطابور...
إذا ممكن ...
ترانا بنطلع بسرعة...
لأن
الثانية : (تعبير)! .....
وأنا
لاتعليق ...ولاكلمة ... ولاتبرير....
وياطيفك ...ترى : ( مشكووور).....
^^ إهداء لـــــــــــــــها .... مع الضحك الدامــــــع...
التعديل الأخير تم بواسطة أثر المطر2 ; 2012-09-16 الساعة 12:02 AM.
|