عندي إضافه بسيطة على كلام بيشوو >> أبله آمال كانت آخر سنة ليها دي السنة وفي مدريرة جديدة الأبلات كلهم فرحانين أنها جاية وكلهم مخبين أسمها عننا بس بتحريات خاصه ودقيقه مني << أدري متواضعة ..
..
..
أسمها " نهاية الجهني " الملقبة بين الطالبات إلي عارفين انها جايه " بنهاية العالم " طبعاً سبب اللقب دا راح تعرفوه مع مرور الأيام لأنو سمعتها وصلت قبلها وعلى قول أبله ليلى الردادي جات إلي توقف العرس الذي لا ينتهي .. طبعاً دي كنية مدرستنا المتواضعه عند الأبلات " العرس الذي لا ينتهي " .
أهم شيء لكل إلي بيلتحقو بمدرستنا الجميله
+ ترى مدرستها رائعه جداً فيها الحرية الشخصية وفيها الانضباط وفيها الوناسه وفيها الجد .
+ في المدرسة كلنا أخوات وصراحه ما امدح أخواتي بس ما راح تاخدي وقت طويل ختى تعرفي أغلب البنات يعني وداعاً للوحدة والتوحد وبالإضافه لمشاعرهم الفياضه وقليل ما تحصل معارك طاحنه إذا ما كانت معدومه .
+ أبلات رائعين و أدناهم ما تجي أحسن أبله في المدينة كلها ظفرها بس ممكن عصبيات بس مستحيل يظلمو " الله يديمها من نعمة ويحفظها من الزوال " أو يترصدو بنت ويقعدولها وقلوبهم بيضه بس يعني مو كلهم بس أغلبهم .
وما ابغا احطم البنات المتقدمات الجدد لمدرستنا بس
+ شدي حيلك البحوث والملفات وراكي .
+ حسب الإشاعات عن المديره وهي لا تزال إشاعات ودعي الشعر المفرود والغره والكوكينه والمكياج وعباية الكتف أكتر شيء يقهر ولبس البلايز المخالفه والاكسسوارات والألوان الصارخه ورحبي بالفازلين على الغره المفروده وعباية الراس إلي تتوزع عند باب الخروج للبنات إلي لابسين عباية كتف وغسيل الشعل تحت الكباس للشعور المجلجله ودعك الوجه وإزالت المكياج . وأكرر ترى إشاعات يعني ممكن تكون خرطي .
ولا داعي للشكر " مصدقة نفسي " و دحين سار اسم المديرة في متناول الجميع وممكن تساوو بحث عنها .. بالتوفيق
(المشاكسه الصغيره ) مصدر معلومات موثوق منه .. خفي علينا يا متواضعه
