إلى مشكّلات العقول
السلام عليكن,,
بتكلّم بالعامية لأني أعبر أحسن فيها,أول مادخلت الثانوية العشرون ماكنت أبغى أوطد علاقتي بالمدرّسات لأني مابغيت أتعلّق فيهن بس مع الوقت تعرفت عليهن أكثر وإحتكيت فيهن أكثر غصب عني,وكان شي حلو لأننا احنا في العشرون زي الأسرة الوحدة لييييييش أعقد نفسي بفرض حواجز مبالغ فيها بيني وبينهن! المهم بتكلم عنهن الحين,لنبدأ مع المديرة:هالإنسانه بحق سيدة التعامل الإجتماعي الممتاز,عندها طرق للتعامل مع الكل وعندها استراتيجيات تتبعها في التعامل مع الكل,كنت كثير مرات أطالع فيها وأراقب تصرفاتها وردود أفعالها؛لأنها قدوة لي(هي ليست كاملة لكنها تتمتع بصفات روعة بجد)
***********************************************
المعلّمات(هل أقدر أتكلم عنهن وحدة وحدة؟ يمكن محد يرضى)بس المهم بشكل عام فيه مدرّسات عندهن انفتاح في التفكير ويقدرون يجاروننا احنا وافكارنا اللي ماتنقبل هههه,واللي ماتقدر تجارينا منهن على الاقل ماعندها سطحيه إلّا تتقبل الافكار البعيدة عن افكارها وتسمع لنا,طيب وش بعد؟
والله هذي اهم صفه,,فيه صفه ثانية هم يتناقشون معنا في الحصة(يعني يعطوننا وجه)وأحسن شي في مناقشتهم إنها "تكلموا وأنا أتكلم" يعني مو هي تتكلم واحنا متلقين بس,,
مااااااايسبوننا ويجرحووون مشاعرنا (الحساااااسه بقووووه),والله ذا الشي الاحضه فيهن كثير,يعني تجي اللي تبغى تهاوشنا بعدين تمسك نفسها وماتقول شي ,,بس ترا مو دايماً حلو ذا الشي كأننا مرضى نفسيين تخافون على مشاعرنا لدرجة ماتقولون لنا الحاجة اللي تضايقكم فينا,يعني ماراح نعرف إذا احنا في الطريق الصح والا لا,,
كل يوم تتطورون للأحسن,,وخسارة إن مافيه سنة رابعة لأني ابغى اشهد تطوركم لاني عارفة انكم السنة الجاية راح تنتقلون نقلة جذرية للأفضل أكيد,,(تعبت وانا اكتب,,والله ودي اكتب كلام كثير,بس الموضوع ماهو موجّه لي لحالي هو لكل الخريجات,,)بس قبل لاأكتب النقطة أبغى أشكر وحده شكر خاص لأنها طوّرت موهبة الكتابه عندي ولأنها علمتني إن أهم شي في الكتابه إنها تكون طالعه من قلبي(صدق العاطفة),,عشان كذا شكراً لك كثير,,وابغى اقول لها إن الدروس اللي درستنا اياها مانسيتها, وبزيدها من الشعر بيت تراني أطبقها في حياتي وأقيّم على أساسها من يجب تقييمه(يعني الأدباء لمّا أنقد كتاباتهم),,أنا بقول لكم ليش انا مانسيت الدروس اللي درّستنا تلك العظيمة اياها؛لأنها ناجحة في التدريس,وبجد رائعة في التدريس............أريد أن أقرأ انطباعاتكن أقراني عن تجربت كونكن طالبات "سابقاً" للعشرون
|