خلنــي بحالــــــي وروح اذا ودك تروح
لاتشيل همـي دام قلبـك جفانـي
بتغيب غيب ورسك الغالي مسموح
تـرى غيابـك مايحـرك كيانـي
صدقني متعود اذا ضقت مابـوح
والله ماتفـرق معـي يـا انـانـي
هذا انا من الله خلق فيني الـروح
كل ماانتهى جرح يجي جرح ثانـي
شفني مع الضيقات واشلون مطروح
شفني وشوف اشسوى فيني زماني
دنياي صارت كلها جروح بجـروح
اصـلا انـا مخلـوق بـس للامانـي
الهم والصدمات والثالـث النـوح
جوني يزفـون بحياتـي التهانـي
ماهـي غريبـه لوتخليـن مجـروح
وتشوفنـي قـدام عينـك اعانـي
وماهي غريبه لو تصد عني وتروح
غيرك عطيته ماي عيني ونسانـي
بقولك شغلـه ومـن بعدهـا روح
مومشكله لاخنـت حبـي وحنانـي
الموت كل الموت مع طلعت الروح
لا شفت محبوبك مع شخـص ثانـي