سبحان الله!..."
اليوم...كنت بخاطري أكتب في الكشتة كلام لثالث أدبي...
ماطالعت طابوركم إلا والغصة تخنقني!!!"""
في شي غريييييب!...
الناس إللي (عاشت معي في المنتدى....راحو...واحد واحد....)....
وكثر ماكنت أحاول أردكم....في شي يبعدكم....
صحيح!!...
يمكن مهو السبب منكم...حتى إنتم يمكن ماتعرفونه...
بس هو كذا...
صار كذا....
أول مرة توصل مشاركاتي في منتدى هالعدد...
بس يمكن عشان حسيت بالمسؤولية عليكم....!..
تدرون....
أقوم في الليل أطالع بالمنتدى....!...أشوف من سهران للحين...مثل الأم....تقوم تشوفهم بالليل متغطين زين...يتنفسون!؟؟
كانت توصلني ع الخاص سوالفكم...ومشاكلكم...وشوركم...والناس إللي تدخل تسلم.. وإللي تعلمني بويش سوت بإختبارها..والنسبة إللي مهي زينة...والنقل من المدرسة....
ويا أبلا تغيرت المراييل !؟؟...
وبلحظة....!!...
وإنتم ماتدرون ...أو أكثركم مايدري...طلبت إعفآء من المشرف....لأني أنا نفسي معد يمديني!**...
ووافق..
بس قال لين توافق المرشحة الثانية...إللي للحين تفكر..وهي وحدة منكم....
هذا المكان لكم....ولي.....
وبأي وقت....ماراح تلاقون حارس ...يقول خلاص تخرجتم...مالكم علاقة بالمدرسة إلا علاقة الضيوف...وقتها مافي وقت نتمشى بالحوش...
ولانشتري من المقصف...ولانشرد من الحصص...خلاص...هذا بيصير إذا تخرجتم من المدرسة...
لكن المنتدى...مهو مبنى الثانوية السادسة والأربعين....المنتدى قلبي وقلبكم...
على كبر الصدمة...ما أقول...إلا ....الحمدلله..ماتركتوه وإنتم كارهينه...ماتركتوه عشان المشرفة ماتحبكم...
اللهم أجرني في مصيبتي وأخلفني خيرا منها...
يابناتي...الله يحفظكم وين مارحتوا.....
مع ودي ...[قوس قزح ]...
اعذروني داخلة من الجوال...مدري ماشوف من صغر الحروف...وإلا الدموع في عيوني تطوووف...
|