ماشفت للي صار يازين تبرير .. عطني سبب واحد يبرر عمايلك ..
بنج العذل خدّرك للغدر تخدير .. هذا جزاي اليوم هذا وفاي لك ..
وين العهود الماضيه هات تفسير .. وين الكلام اللي تقوله رسايلك ..
ياما أجمعتني بك اصدوف المقادير .. لين أشبكتني بالموده حبايلك ..
ياما عنت رجلي اطوال المشاوير .. كله أبي شوفك وهاذي فعايلك ..
فيما مضى ماشفت تقصير .. والحين سيئاتك تغطي جمايلك ..
واليوم يوم أنك تسمّعت للغير .. رمى بقلب بأول العام شايلك ..
رح في طريقك ماتفيد المعاذير .. في درب حب الزيف هذا جزاي لك ..
هذا تنازل من خفوقي وتقدير .. قلبي عزف من يوم بانت دلايلك ..
|