[Arts]

حلو وسلس التقديم لا تخافوا كله تمام بالعكس قبل كان غبي الموقع دحين عاجبني التنظيم ..
زي ما قالوا الأخوات ohood و umlyan
طبعا اذا كنت قبل مسجلة بس تكتبي السجل والرقم السري تبعك اللي قبل
أما إذا كنتي جديدة فطبعا سجلي من جديد (إن ما خانتني الذاكرة في آخر التسجيل يطلع رقم الطلب لا تنسي تكتبيه عندك وتحفظيه )
أول حاجة بياناتك والجديد فيها الحالة الصحية
بعدين المؤهل تبعك بالنسبة لي حولت عيوني وأنا أدور كيمياء كيمياء كيمياء زي مو مكتوب في الوثيقة بس مالقيت وفالأخير حطيت كيمياء عامة ..
وحاجة ثانية تاريخ الوثيقة قبل أفتكر كنت أكتب التاريخ اللي مكتوب عنده حررت في ... لكن دحين كاتبين انه تاريخ انعقاد الجلسة ، واذا مافي تحطي تاريخ ثاني مو مفتكرة ايه هو ، واذا مافي <<حسيت اني اشتري من بقالة
تاريخ تحرير الوثيقة .. وأنا عني حطيت تاريخ الجلسة ..
وبعدها اللي هو المجال اللي حتتوظفي فيه هذا هما دايركت عاملينه يعني مو زي قبل تكتبي تعليمي واداري على كيفك ..
وبعدها الادارات يعني بدون قرى يعني مثلا
ادارة التعليم بالمدينة المنورة - ادارة التعليم بالمهد وهكذا
وبس انتهى
إن شاء الله أكون أفدتكم
وبالتوفيق لي ولكم