وتقوم على العصر وتوصل لفلان تسلم عليه وفلانه تسلم عليها
وبالليل غالبا فيه عيد , واذا فيه عيد اكيد السوالف عن اللحم
وطبعا سوالف العيد تتمركز حول كم نقطه الا وهي
كم ذبحتو ؟
فلان ذبح معكم ؟
فلانه وش لابسه يوم تجيكم <<
متى خلصتو ذابحين ؟
وكل عائله عاد او شخص يجيك ويسرد
اول واحد يقولك ماجت 9 الا وحنا خالصين
والثاني يقول تأخر علينا اخوي وماخلصنا الا الظهر
والثالث يقول والله قلنا بهن كلهن ويعد لك اياهن وطبعا اكيد بينهن وصايا لأحد اجداده
وطبعا فيه نقطه مهمه
ثق ثقه تامه ان غداك وعشاك لمدة شهر قدام لايخلو من اللحم بجميع اشكاله وجميع انواع الكبسات باللحم وملحقات الخروف
وهذي عادات اغلب الناس
يمكن يختلف بجزئيات بسيطه
مثل هذولا يجتمعون بمزرعه
وذولا يجتمعون باستراحه
وذولا يسافرون للديره عند اهلهم
وطريقة الأجتماع
بس بشكل عام هو عيد جميل عيد فيه حركه
له طعم الذبح والشغل بالبيت وله اجواء جميله
صح تعب
بس والله فيه ضحك فيه هبال فيه جمعه
صح انه على حساب هالمسيكين الخروف
بس يظل حدث سنوي دااائم منتظر
ومهما جربو الناس المطابخ او المقاصب
غير جو البيت بهالأجواء وجو الجمعه واللمه والهواش اللي يصير ماااافيه
الموضوع بقصصكم واحداثكم وخرفانكم بين ايدكم
وكل عام وانتم بخير
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
|