اعترافات
يانظير العين حبي لك يزيد
لو تخون العهد فعيوني ملاك
انت في شعري وفي قلبي وحيد
كل كلمة حب كانت في هواك
قبل أعرفك كنت ماعرف القصيد
صار شعري بين جفواك ورجاك
ياقريب الروح ياابعد من بعيد
غربة اشعاري سببها من شقاك
ياعمر يفنى واعيشه من جديد
مستحيل اهوى بهدنيا سواك
انت ياعايش مع أحلامك سعيد
ماخذ قلبي واظن آخر خذاك
القصائد بوح لا حساس شهيد
كلها باسمك مطرزها غلاك
وغصة احزاني تصارع بالوريد
ليت ترجع ..ترجع افراحي معاك
|