اخواتي المرشحات من الدفعه الاولى نبيكم تحكون لنا وش حصل لكم طبعا انا من الدفعه الثانيه رحت وطابقت في الطائف الله لايوريكم المبنى مهجور والاتربه والغبار كتم صدورنا ودخلنا ,والاوراق فوق طاوله وماندري وش نسوي المشكله المشرفات كل مانسألهم يقولون يا اخوات الله يرضى عليكم حنا صايمين ههه اجل حنا المرشحات مفطرات والله العظيم نسألهم وكأننا في مدرسه الصم والبكم مايردون علينا والادهى ماخلونا نوقع ولا هم وقعو لنا بس يصورون دون توقيعهم المشكله نقول لهم وقعو لنا وهم ساكتين اخذنا بعضنا ورحنا للمديره وبحق انسانه بقمه الاحترام والتعاون وقلنا لها ما احد وقع لنا وما قصرت قالت ابشرو من حقكم انكم حضرتم وودعنا سكرتيره المديره باشرات الصم والبكم وخاطبتها بالأشاره وكأني اقول الدين معامله وتبسمك في وجه اخيك صدقه هذا ما حصل لي يالله جاء دوركم