احم احم انا كنت مسجل رقم اخوي احتياط لاني كنت متوقع اني باكون خارج السعوديه بس للاسف ماطلعت
طيب كنت راجع مع واحد من الشباب ويوم نزلني البيت قلي ها فيه اخبار جديده قلت له الله يجيب الخير تعبنه الله المستعان
دخلت البيت وتوني جالس جني اتصال من واحد من الشباب قالي ابشرك انا طلع اسمي قلت له ايه كمل كذب بعد ايه قل والله اكلمك جد طلعت الاسماء وانا للحين ماني مصدق قلت له روح كذب على واحد ثاني يوم الخميس والساعه 11 اي وزارة فاتحه لك قل والله العظيم طلعت الاسماء ادخل وشف في النت
حسيت انه من جد كلمت اخوي قالي ماجاتني رساله قلت الله يستر بعد ربع ساعه الحمدالله قلي اخوي جات الرساله وكانت فرحه مع خوف هل تعين ولا فيها انتظار
بعدها صاحبي الي دق علي يبشرني قالي بجيك احين النوم طار مني وبعشيك في اي مطعم تبيه قلت يااااااااااسلام بس للاسف كل المطاعم سكرت الساعه 2 والحمدالله حصلنا بوفيه
|