[صديق بناخي]

الحين شرشلوني ( أكره برشلونة وأعشق بايرن ميونخ ) يقول الله يسعده ان المقابلات تبدأ السبت مع إن التسجيل ما بدأ للآن بس مدري كان يمديهم لو فتح اليوم بالليل أو بكرا مثلا . أتمنى عشان يكون بادرة خير.

لكن الأسماء بعد ما أعلنت وهل بتعلن قبل المقابلات الثانية ولا بعدها ،، الله أعلم ،، راح نحسن الظن بصاحب الموضوع بكل حال وبننتظر أصلا حياتنا كلها انتظار ماراح تفرق على اليوم وبكرا

وأصبحنا مدمنين على المنتديات التعليمية

وسيان يجي واحد يعطينا إشاعة أو يلعب علينا

بعدين يا شباب هذا يسمونه : صيف وزارة التربية صيفكم نكبة

الزكرت كلهم سافرا وراحو وجو ورمضان باقي له كم يوم والعالم تشتري مقاضي وفينتو وتوت وصن كويك وتانك وشربة وعجين سمبوسة ، وحنا نلت ونعجن بها المنتديات ،،

مسؤولين الوزارة برا المملكة يتمعون باجازاتهم مع عيالهم وحنا خايسين بهالحر وكل ماجت رسالة جوال نحسبها من الخدمة أثاريها من زين ولا موبايلي ولا اتصالات تقول الرجاء تسديد الفاتورة