[لآفندري]

[align=center]

المشاركة الأصلية كتبت بواسطة N < 3

رجآءاً من السنه الجآيه نبغى نشوووف كل شي تمآآم سوآءاً من نآحية المكيفآت او الآداره ...

هههههههههههههههههههههههههااااي ضحكتيني ما راح يتغير شي
لآ مكيفات ولآ تعامل ادراه ولآ وقت الفسسحه.. بـ العكس يمكن "يزيد الطين بله " << ياربي مدري ليه تذكرت القذافي هووع
الإداره راح تبقى زي ما هيا ف التعامل مع الطالبات لآنهم يشوفوا انو هذا هو الاسلوب المناسب
صح انو جيلنا جريء وينقصوا احترام الناس اللي اكبر منهم بس هذا مو يعني انا ما نجي الا بالصراخ.~
بالعكس لو لقينا نآس تعطف علينا وترحمنا وتسمع لنا مو تهاجمنا ف مشاكلنا ماكان احتجنا لكل هذا .~
هما حتى ما يعطونا فرصه ندافع عن حقنا..مع انو ف هذا السن لآزم ينموا فينا الدفاع عن الحق.~
مو يكبتوا ف داخلنا..؟! لـ اسف ادراه مدرستنا تحتاج من يعطيها دروس ف التعامل..~
مع انهم دايم يقولوا احنا نتعامل مع فتيات ناضجات..! كيف وانتو تعاملنا بـ الصريخ..<< معقول هذا هو الاسلوب مع فتيات ناضجات.~
صحيح ف ملاحظات ع الطالبات كمان..بس لو الادراه عرفت كيف تحتوي طالباتها ماحصل منهم تمرد..~
واحب اعلق مو كل المعلمات تعاملهم كويس مع الطالبات..~ وعندي مثال الاستاذه سليمه..
واللي تاخذ دور المرشده الطلآبيه ف المدرسه يعني الأم الثانيه لطالبات << ولو محد بيجي بمكان امي
وف يوم من الآيام جابت احدى الطالبات جوال معها بالغلط ولجأت للـ استاذه سليمه من بعد الله وقالت لها
انها جابت الجوال بالغلط وتبغى تعطي لها حتى ينتهي الدوام وبعدين تاخذوا ف الصرفه..~
وافقة الاستاذه سليمه وطمأنت البنت انو ما راح يوصل خبر للـ إداره وانو هيا صارت بأمان..~
وما وصلت الطالبه للفصل الإ والاداره طلبتها .. << مداها راحت وحكت لهم ع كل شي
اش تسموا هذا " وغدرت بي من بعد ما طمأنتني " .. مو بس هذا المواقف مواقف كثير تحصل..~
موقف تاني كانت الاستاذه سليمه تفتش ع مراييل الطالبات وشافت بنت لآبسه مريول بدون حزام
سألتها وين حزامك..وردت الطالبه بكل احترام مريولي بدون حزام..<< اللحين البنت قالت مصيبه
صرخت عليها الاستاذه سليمه وبكل ثقه انتي قليلة أدب وتركتها وراحت ! << بفهم وين قلة الادب ف الموضوع
المدرسه فيها معلمات قمة ومعلمات الله يهدينا ويهديهم موبس ف التعامل..
حتى ف الانشطه زي الاستاذه عيده مدرسة التفصيل..~
لما تطلب انشطه من الطالبات اذا ما يعجبها ترفض انها تاخذه وتطلب نشاط ثاني..!
مع انو من اسمو نشاط تأخذيه اش ماكان المهم ان الطالبه سلمتك نشاطهاآ..~
صحيح انو ف طالبات يجيبوا انشطه قمة..بس هذي قدرات وممكن يكون الوضع المادي لطالبه سيء.~
وبعدين احناا لآزم نتمثل كلآم الله وسنة رسووله ..ف تعاملنا وسلوكنا وننظر ف عظمة الله ورحمته..
الله سبحانه تعالى عن الند والشبيه له..يسر لنا ف أمور ديننا..: "إن الدين يُسْر "..~
الله بعظمته وجلآله تعالى عن كل شي يسسير لنا ف أمور عبادته والعقيده..~
فـ انتي العبده الضعيفه الفقيره لله..بجبروتك تكلفي ع ناس لآحول لهم ولآقوه الا بـ الله ألآ من رحم ربي منهم...~
احنا ناس مسلمين مقتدين بهدي الرسول عليه الصلآه والسلآم..لآزم يكون تعاملنا لين رحيم..~
مهما كان الناآس اللي نتعامل معهم سيئين .. الله يأمرنا ف كتابه مقابلة الاسائه بـ الحسنه..~

قال الله تعالى : {وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي
بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ * وَمَا يُلَقَّاهَا إِلَّا الَّذِينَ صَبَرُوا
وَمَا يُلَقَّاهَا إِلَّا ذُو حَظٍّ عَظِيمٍ } ..

وهذه الآيه تأمرنا بـ التسامح والتعامل الحسن ف تعاملنا مع كل النآس مو بس اللي يقابلنا بـ الاساءه..~
قال تعالى ((وانك لعلى خلق عظيم)).. اللي هو خلق النبي صلى الله عليه وسلم..~
فلقد سئلت عائشة رضي الله عنها عن خلق رسول الله صلى الله عليه وسلم فقالت: (كان خلقه القرآن)..~
احنا ما نبغى نكون امة مسلمة بـ الاسسم فقط نبغى نتمثل هذا الشي ف حياتنا وتعاملنا..
حتى ف أخلآقناا..~ وشوفوا عظمة الآخلآق حديث الرسول صلى الله عليه وسلم..
عَنْ جَابِرٍ بنِ عَبْدِ اللهِ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَال:
[ إِنَّ مِنْ أَحَبِّكُمْ إِلَيَّ, وَأَقرَبكُمْ مِنِّي مَجْلِساً يَوْمَ القِيامَةِ أَحاسِنُكُم أَخْلاقاً, وَإِنَّ مِنْ
أَبْغَضِكُمْ إِليَّ, وَأَبعَدِكُمْ مِنِّي يَوْمَ القِيَامَةِ, الثَّرْثَارُونَ, وَالمُتَشَدِّقُونَ وَالمُتَفَيْهِقُونَ؟
قَالُوا يَا رَسُولَ اللهِ: فَمَا المُتَفَيْهِقُونَ؟ قَالَ: المُتَكَبِّرُونَ]. رواه الترمذي
شفوا الرسول عليه السلآم وماينطق عن الهوى وعدكم بمحبته وبمقعد قريب منه يوم القيامه.. ومن فينا يحلم بهذا
ترى الدنيا فانيه وكلنا راحلين والواحد يبغى الناس تذكره بـ الحسنه والطيب ..
الدنيا ما تستاهل ان نظهر جبروتنا واخلآق سيء عشان نكسب تفاخر هيبه بين الناس..~
فـ الهيبه والتفاخر الحق للـ كسب مقعد بجوار المصطفى صلى الله عليه وسلم..
والله يرزقنا وإياكم القرب من رسوله ولذة النظر لوجه الكريم في غير ضراء مضره ولآ فتنة مضله..اللهم آمين..
واعتذر عن الإطاله ف الرد.. ولكني سأترك لكم الموضوع راجيه من الله ان يعينكم ويصبركم
وماخاب من من رجااه..ونعم بـ الله..~
واعتذر ان كان غلطة ف حق عضو / ه او معلمه ..~
اشكـر صاحبة الموضوع خاصة وربنا يوفقك واشكر كل الاعضاء المتفاعلين عامه ..
"رب اغفر لي وتب عليّ إنك أن التواب الغفور.. سبحانك اللهم وبحمدك ،
أشهد أن لا إله إلا أنت أستغفرك وأتوب إليك "
استودعكم الله الذي لآ تضيع ودائعه
[/align]