[s صمت s]

آمل ان تسمحولها بالعبور عسى أن تصل لذائقتكم



البارحه ساهرن والنّوم ماجاني
مغير انا والقمر لين اذّن التّالي

واقول له ياقمر حوّل على شاني
خلّك قريبن واشوفك دايم اقبالي

ياحيث تشبه بنورك نور خلاّني
وبالزّين خلّي يفوقك عشرة امثالي

خلّي زعل ياقمر واقفى ولاجاني
والقلب عقبه تقل يصلا على صالي

اهل دمعن يشابه وبل الامزاني
انشهد ان الهوى بلوى وغربالي

امّنتك الله قبل تبعد وتنساني
لاجيت ساري بسلّم لي على الغالي

قلّه ترا صاحبك بالحيل ندماني
يرجع ومايطلبه يفداه من مالي

وطال السّهر ياقمر والنوم ماجاني
وتصبح على خير ياللي سالبن حالي


** مما راق لي**