[نهر الأمل]

الله يسامح جفاك وكثرة غيآبك

&

الله يسامح جفاك وكثرة غيآبك
ماكن لك قلب يجري الدم بعروقه

&







البارحه يوم درب العشق هلابك
آهتز قلبي على طاريك من شوقه

غنى لك الشعر ولسآني تغنى بك
وآهديت لك من لحن شعري وطآروقه

آبطيت عني وطيفك يالغلآ جابك
ورحبت بالطيف من ذوقي ومن ذوقه

وشلون ماأفرح بطيفك وآتهنى بك
وأنا خفوقي شلع لك وآطلق سبوقه

ليتك تحس بغلاك وترحم آحبابك
وتعرف حقوق الغلا وتقدر حقوقه

الله يسامح جفاك وكثرة غيآبك
ماكن لك قلب يجري الدم بعروقه

آقفى بك الوقت عن دربي وقفى بك
وأنا أتحرى اللقا تبرق لي بروقه

آجي لدارك وآغض الطرف عن بابك
آخاف من عاذل يحرجك منطوقه

ماودي الناس ياأغلى الناس تغتابك
الناس ماترحم العاشق ومعشوقه

متى آشوفك وآشوف الكون يزهى بك
وياتي نهار اللقا ونعيش بشروقه

تعال جدد وصآلك وآفتح كتآبك
وآفتح لي القلب آفتش بصندوقه

يمكن أني ألقى عذر وآقفل عتابك
وآريح آعصابي اللي كان محروقه

والا أنا... لو أشوف الموت بأسبابك
يفدآك قلبي وشريانه ومعلوقه

هذا وهو طيف رحب بك وهلآبك
وشلون لو أن أجتمع بيموت من شوقه...