[صبا الروح]

اامـــس شفت حلقـــة تتكلم عن الفقر وانه ماهو عيب وكثيير قدروا ينجحوا في حياتهم وما خلوه عقبة لهم في الحياة ...

في قصص قالوها بسسس اللي شدتني :

* رجل أعمال سعودي // كان من عائلة فقيرة جدااا ولكنه كان يدرس ويشتغل في نفس الوقت وهو صغيير كان يبيع في المحلات ويوصل طلبيات ووو........... اشياء كثييييرة قالها ما أتذكرها .. بسس ماشاء الله صار له أكثر من عشرة شركات وله مصنع لتكرير الزيت .. ومع هذا الغنى ما شاء الله إلا انه يخلي أولاده يشتغلوا ويتعبوا وهما مو ناقصهم شيء ماشاء الله يساعدوه في الشركات وياخذهم معاه وهما صغاااار ويعلمهم يبغاهم يأسسوا أنفسهم وما يعتمدوا عليه .

* امراءة من عائلة فقييييرة جدااا كانت وهي صغييييرة تشتغل في الدعارة والكازينوهات وألحيين كبرت وصار عندها ولد ما تدري فينه ومرييضـــة بأمراض قالتها بسس ما أتذكرهاا وفقييرة طبعا في ناس يساعدوها ويعطووها .... طيييب سؤااال ألحيين هذي كييف تعيش وهيا ما عندها أحد يصرف عليها ولا يهتم فيها متنقلة بين الشوارع ووبسس

* ولد مصري صغيير عمره 13 سنة من عائلة فقييييييييرة .. بصراااحــــــــــــــــة هذا الولد أبهرررررررني بطريقة كلاااامه والله كلاامه كلام رجال كبيير فااااهم مثقف متعلم .......الخ ماشاء الله عليه ..
طبعا جابوا صورة لبيتهم والله حالته ترثى لها من جدد الجدرااان متهالك والأثاث قدييم والغرف ضيييقة ..
لكن مع هذا ما شاء الله عنده غرفة مخصصة له هوا بسس فيه كتب كثيييييييييييييررررة كلها علمية وعنده كمبيوتر طبعا المذيعة استغربت كيف يكوون عنده كمبيوتر وهما ناس فقراء وما عندهم مصرووف زائد يخليه يشتريه ..
سألته المذيعة كيف اشتراه ؟؟ فقال الحمدلله انا جبته بمجهوودي وجداا فخورر فيه يعني مو أبويا اشتراه ليا لا أنا تعبت وذاكرت واجتهدت وأخذته جاائزة الحمدلله يقوول : طبعاا شعووري يكوون غيير لو إن أبويا هوا اللي اشتراه ما حكون حرييص عليه ولا أخاف عليه زي لما أجيبه بمجهوودي!!..

ماشاء الله تبارك الرحمن صرااااحة (والصرااحة رااحة ) يعررف يتكلم أحسسن مني والله كأنه دكتور أو عالم ..
رفع راس أمه وأبوه وخلاهم يفرحوا فيه <<<الله يخليه لهم ولا يحرمهم منه يااااارب

موو زي بعض الشباب كل شويا يطلب من أمه ولا أبوه فلووس عشان يشتري دخاااان ولا بلاوي ثااانية وغير إنه عااق فيهم وما يسمع كلامهم وفاشل درااسيا مع إنه من عائلة متوسطة !!