[ندى الورد]

الله يوفقك يارب ويكتبلك الخير ..
خليك واااااااااااااثقه من نفسك وصوتك واضح جدا
وجلستك لاترتبكين وبيني لهم انك فعلا حابه العمل ونشيطه ومجتهده


بحثت لك بقوقل وهذا اللي وجدت عن المقابلات ويارب اكون افدتك

قبل فترة طلبوني في مدرسة عشان المقابلة الشخصية و
رحت و الحمد لله مرت التجربة على خير
و بما اني اشوف في المنتديات موضوعات كتير يسألوا
كيف المقابلة الشخصية قلت خليني اشارككم تجربتي
أولا لما تروحي للمقابلة انتبهي لهادي الامور :

1-انتبهي لعبايتك لا تروحي بعباية ملونة و فيها فصوص و ضيقة كأنك
رايحة فرح البسي عباية سودا و بسيطة و واسعة على اساس انهم يبغوا معلمة و
المعلمة لازم تكون قدوة للطالبات من حيث اللباس الشرعي

2-لا تروحي بملابس البيت او بلوزة و بنطلون البسي بلوزة كم طويل
و تنورة ساترين يعني اللبس النظامي للمعلمات حتى اذا
ماكنتي راح تشيلي عبايتك

3-خدي حمام قبل لا اتروحي و صلحي شعرك و حطي مكياج بس خلي تسريحتك و
مكياجك ناعمين و نظيفين مو كأننك رايحة فرح عشان لما يشوفوكي مصلحة شكلك ي
عرفوا انك انسانة مهتمة بمظهرك و بنفسك و لا اتكتري اكسسوارات
يعني ساعة و خاتم و حلق صغير ناعم يكفوا

4-انتبهي انتبهي انتبهي لا تروحي و انتي حاطة عطر لا اتخلي احد
يشم ريحة عطرك يعني كيف تبغي تكوني معلمة و قدوة للطالبات و انتي داخلة المدرسة
او خارجة منها و ريحتك عطر يشموه الرجال

5-اهم شي كوني واثقة و مبتسمة مو ضاربة البوز و خلي صوتك
مسموع و واضح موتصرخي باعلى صوتك و لا تتكلمي
بصوت واطي محد يسمعك

جارتي مديرة في مدرسة خاصة و هي اللي قالتلي انتبه عللى
هادي الامور قالتلي احنا مديرات المدارس او اللي راح تسويلك المقابلة
اول شي يلفت نظرنا و ندور عليه هو هالامور


ثانيا اسئلة المقابلة :

انتي في اية سنه اتخرجتي؟

لما رحتي عملي كم مرة رحتي و لأي مرحلة؟

كيف راح تكون طريقة معاملتك للطالبات؟يعني كيف راح يكون اسلوبك شديدة و لا لينة؟

اذا كنتي طيبة و لينة مع البنات بس تعبوكي و ماصاروا يسمعوا كلامك ايش
راح تسوي؟ راح تعامليهم بقسوة و تعطيهم على راسهم؟ عند هادا السؤال انا قلتلها
لأ طبعا ماراح اتعامل بقسوة راح احاول استميلهم ليا الهدايا او المسابقات او اشوف
كل وحدة ايش اهتماماتها ايش تحب تسوي مثلا و اتكلم معاها في هادا الموضوع عشان
اتقرب منهم اكتر و بالتالي اكسب محبتهم و احترامهم و هي انبسطت كتير من جوابي

كمان قالتلي لما رحتي العملي كيف اتفاهمتي مع البنات؟ تعبوكي
و لا لأ طيب ايام العملي مسكتي نشاط جنب التدريس و لا لأ؟ يعني قصدها كنتي مسؤولة
عن المصلى او المكتبة او تنظيم الحفلات او الاذاعة انا قلتلها لأ فقالتلي طيب
اذا اتوظفتي عندنا مستعدة تمسكي شي من هادي النشاطات

بالتووووووووووفيق للجميع